Бабанов БШКнын Ташиев боюнча чечимин мыйзамсыз деп эсептейт

© Sputnik / Алексей Никольский / Медиабанкка өтүү"Республики — Ата-Журт" партиясынын теңтөрагасы Өмүрбек Бабанов. Архив
Республики — Ата-Журт партиясынын теңтөрагасы Өмүрбек Бабанов. Архив - Sputnik Кыргызстан
Жазылуу
БШК Камчыбек Ташиевди депутаттыкка талапкерлердин тизмесинен алып салды.

БИШКЕК, 28-сен. — Sputnik. "Республики — Ата-Журт" партиясынын теңтөрагасы Өмүрбек Бабанов партия Борбордук шайлоо комиссиясынын Ташиев боюнча чечимин мыйзамсыз деп эсептей турганын маалымат жыйында билдирди.

БШК Ташиевдин талапкерлигин алып салды
Буга чейин маалымат каражаттарында бейшемби күнү аталган партиянын теңтөрагасы Ташиев менен "Өнүгүү-Прогресс" партиясынан талапкер Абдыманап Абдыбахаповдун ортосундагы пикир келишпестик жаралып, натыйжада Ташиевдин атаандашына кол көтөргөнү тууралуу жазылган. Чыр-чатак Жалал-Абаддын Сузак районунда болгон. Жабырлануучу учурда ооруканада дарыланууда. Мушташ боюнча кылмыш иши козголгон. 

Дүйшөмбү күнү БШК Ташиевди депутаттыкка талапкерлердин тизмесинен алып салуу чечимин чыгарган. 

Бабановдун айтымында, БШК тергөө аяктай электигин эске албастан, "Республика — Ата-Журт" партиясынын маалыматтарын кабыл алуудан баш тарткан.

"БШК кош стандар менен иш алып барууда. Буга чейин комиссия биздин партияга эскертүү берген, бирок бул бизге да тиешелүү сыяктуу кабыл алынган", — деди ал. 

Бабановдун маалыматы боюнча, буга чейин Башкы прокуратура кылмыш иштерине тиешеси бар талапкерлерди каттоодон алып салуу талабын канааттандырган эмес. Ал эми "Республика — Ата-Журт" партиясынын талапкери тергөөнүн жыйынтыгы чыга электе тизмеден алынууга дуушар болгон, деди Бабанов.

Жаңылыктар түрмөгү
0