Газета жана көз айнек. Архив

Беш өрдөк: КСДПнын "кара тизмесине" кирген Момбеков, 5 адамды "атай албаган" Шыкмаматов

493
(жаңыланган 16:59 25.01.2016)
Кыргызстандагы басылмаларга чыккан айың-кептерди аныктап, жума сайын гезит-журналдарга саресеп салабыз. Айың кептер айылынан арылабыз.

Депутат Рыскелди Момбеков КСДПнын "кара тизмесине" кирип, мандатынан айрылабы? 

Жогорку Кеңештин КСДП фракциясынан депутат болгон Рыскелди Момбековдун Азия news гезитинин 21-январда чыккан санына берген интервьюсу чыкты. 

Анда "өткөн шайлоодо добуштарды арак менен акчага сатып алдык деген кепти кызуу кандуулукка алдырып айтып алган жоксузбу?", деген журналисттин суроосуна: 

"Ал айтылган сөз менин жеке пикирим болгондуктан, ага керт башым менен жооп берем. Шамалсыз чөптүн башы кыймылдамак беле, негиз болгон үчүн айттым да. Туура, ошондогу сөзүмдөн кийин жанымдагы эле кесиптештеримдин бир даарысы "Рыскелди, "кара тизмеге" кирип калдың го, жакында мандатыңдан ажырап, жогору жактан кагуу жеп калбасаң болду" дешсе болобу", — деп билдирген. 

Көптөрдүн көңүлүн түпөйүл кылган кара тизме туурасында аталган фракциянын өкүлдөрүнө кайрылдык. 

КСДПчы Төрөбай Зулпукаров Sputnik Кыргызстан маалымат агенттигине фракция ичинде "кара тизме" деген нерсе жок экенин билдирди.

"Мен ар качан өз пикиримди эч кимден коркпостон эле айтып келем. Анткени, бийликтин мыйзам чыгаруучу бутагында отурсак, андан да чоң кайсы бутак болушу мүмкүн? Кимден коркмок элек? "Кара тизме" деген нерсени укпаптырмын, аны Момбековдун өзүнөн сураш керек. Ал эми шайлоодо биздин партия эч кимге бир да сом берген эмес", — деп жооп узатты. 

Бүйүрдү кызыткан беш компания. Шыкмаматовду шынаарлаган кептер

Dе-Факто гезитинин жаңы санында Алмамбет Шыкмаматов унааларды сөзсүз камсыздандыруу компанияларынын аркасында кимдер турганын айта албай койгонун жазып чыкты. 

"Жогорку Кеңештин депутаты Алмамбет Шыкмаматов унааларды сөзсүз камсыздандыруу боюнча мыйзамга каршы чыгып жатат. Анын айтымында, бул мыйзам элдин чөнтөгүн кагып, канын сорот. Түшкөн эки миллиард сом жеке компаниялардын пайдасына кетээрин дагы айтып чыкты. Депутаттын мындай айткан пикирлери албетте жакшы, бирок жеке беш компаниянын аркасында турган беш адамды атай албай койду. Мүмкүн, алардын аркасында депутат министрлер турат чыгар?", — деп жазган. 

Бул боюнча Sputnik Кыргызстан "Ата Мекен" фракциясынан депутат Алмамбет Шыкмаматовдун өзүнө кайрылганда, ал коркконунан эмес, билбегендигинен улам атай албастыгын айтты.

"Мен ал компаниялардын аркасында ким турганын билбейм. Коркконумдан айтпай жаткан жерим жок. Аны тийиштүү органдар иликтөөгө алуулары керек", — деди Шыкмаматов. 

Депутат компаниялардын аркасында ким турбасын алар элдин эсебинен пайда тапкылары келип жаткандыктарын кошумчалады. 

493
Тема:
Беш өрдөк – айың-кептер айылы (23)
Тема боюнча
Беш өрдөк: Сариевди ээрден шыпырчу Карашев, Жээнбековго тай карыз болгон Турсунбеков
Беш өрдөк: Ак үйдү шынаарлаган Үмөталиева жана тарай турган "Кыргызстан" партиясы
Беш өрдөк: Ташиевди иттей тепкилегенге күчү жеткен Абдраимов, ээрден шыпырылчу Турганбаев
Сириядагы АКШнын аскер кызматкерлери. Архив

Сириядагы кыймыл. Ким элдин каарына калып куугунтуктала баштады?

91
(жаңыланган 10:33 12.08.2020)
Аскердик базалар жана күзөткө кол салуу, ракеталык аткылоо жана колонналар жүргөн жолдордогу жардыруулар, айтор Сирияда АКШ аскерлери ушундай жагдайларга тушугууда.

Кызыгы, аларга сокку ургандар террордук уюмдар гана эмес... Араб Республикасына америкалыктардын аяк басканына кимдер нааразы экенин биздин өнөктөш РИА Новости агенттиги тактап көргөн.

Чар тараптан

Жакында эле Сириянын түндүк-чыгышындагы Хасеке провинциясында АКШнын мыйзамсыз аскердик базасы ракеталык чабуулга кабылды. Бул жерде Эль-Хасака шаарынан түштүккө карай алтымыш чакырым аралыкта америкалыктар сокку уруучу жана транспорттук тик учак жана учактарды кабыл алуу үчүн аэродром жасашкан. Сириялык маалымат каражаттарынын маалыматтарына караганда, базага белгисиз куралдуу топтор кол салган.

Батыш Россиянын Сириядагы аскердик ийгиликтерин биринчи жолу моюнга алды

Акыркы айларда Сирияда америкалыктарга кайра-кайра ок атылып, алар жоготууларга кабылууда. Айрыкча, ыкчам күзөт тобу "белгисиз" кыймылдардын чабуулуна көп тушугуп жатат. Май айынын аягында АКШ армиясынын аскерлери жана "Сириялык демократиялык күчтөрдүн" жоокерлери бараткан автомобилдердин колоннасына Дейр-эз-Зор провинциясында автомат, пулемет жана гранаталар менен куралданган отряд кол салган. Үч америкалык жана Сирия демократиялык күчтөрүнүн беш мүчөсү жарадар болгон.

Эль-Хасаке провинциясында апрелде да бир нече кол салуу орун алган. Атап айтканда, америкалык аскерлерди жана Сириялык демократиялык күчтөрдүн мүчөлөрүн ташып бараткан "Хаммер" сооттолгон унаасын Рувейшид кыштагынын жанынан "белгисиз адамдар" аткылашкан. Бир топ киши жараланган. Дейр-эз-Зоредеги ушундай эле окуянын натыйжасында АКШ армиясынын офицери жана Сириялык демократиялык күчтөрдүн жоокерлери окко учкан. Дагы бир чабуулдан соң эки аскер дайынсыз жоголуп, алардын тагдыры алигүнчө анык эмес.

Күзөт топторунун жолунда да жардыруулар көп болууда. Өткөн айда Дейр-эз-Зор провинциясындагы Сабха кыштагында автомобилдик колоннаны жардырышкан. Кээде мина коюлган автомобилдер менен жанкечтилер чабуул жасайт. Америкалык аскерлер былтыр январда көп жоготууга дуушар болушкан. Сириянын түндүгүндөгү Манбижде жанкечти жөө күзөт кызматынын жанынан фугасты жардырган. Анда эки аскер – АКШ Коргоо министрлигинин кызматкери жана жалданма жоокер каза болгон. Пентагон Сириядагы ушул өңдүү кол салуулар боюнча маалыматтардын көпчүлүгүн таптакыр танып, аларды жалган кабар деп атоодо.

Сириядагы чыр: АКШ Россиянын "колу канган малынганын" айтты

Ресурстар үчүн күрөш

Аскерий серепчи Юрий Ляминдин пикиринде, америкалык аскердик объектилерге жана күзөткө чабуул АКШ жана алардын союздаштарынын оккупациясында калган жергиликтүү уруулар чабуул коюп жатышы мүмкүн.

"Булар Сириянын чыгышы жана түндүк-чыгышында жашаган арабдар, — деп түшүндүрөт Лямин. — Ушул тапта алар америкалыктар колдогон күрддөрдүн кол алдында калды. Албетте, нааразы адамдар чыкпай койбойт, алар азыркы кырдаалга караманча каршы. Алар регионду Дамаск көзөмөлдөөгө тийиш деп эсептешет. Ошол себептен, ушундай толкундоолор болууда". Анан калса, бул уруулар дурус куралданып, жакшы машыгуудан өтүшөт.

"Өлкөдө бир нече жылдан бери жарандык согуш жүрүүдө, калктын колунда курал жетишерлик санда, — деп белгилейт Лямин. — Аткылоочу гана эмес, минометтор да, оор пулеметтор да, ал түгүл Сирия жана Иракта абдан кеңири таралган кытай же араб өндүрүшүндөгү залп атуучу 107 миллиметрлик жеңил тутумдар да жок эмес".

АКШ Сирияны колдоого алган Россия менен Кытайды жазаламай болду. Видео

Плеханов атындагы Россия экономикалык университетинин саясат таануу жана социология кафедрасынын доценти, "Россия офицерлери" эксперттик кеңешинин мүчөсү Александр Перенджиев америкалык аскерлерге кол салуулар Сириянын ресурстары үчүн коалиция ичиндеги күрөштүн бир бөлүгү болушу ыктымал деген пикирде.

"Иш жүзүндө бул — талап-тоноочулардын өздөрүнүн ортосундагы кармаш, — деп тактай кетти ал. — Бир жагынан Пентагон бар, экинчи тарабынан — ар кыл каржылык-өндүрүштүк топтор. Алар жеке аскердик компаниялардын кызыкчылыгын жактап, ошол эле террорчуларды курал менен жабдышы мүмкүн".

Анын айтымында, Пентагон да сириялык оюнда өз алдынча күч эмес, АКШдагы айрым топтордун кызыкчылыгын коргошот. Ушундай тымызын соккулар Сириядагы пайдалуу кен байлыктары үчүн күрөштүн күч алганын айгинелейт.

"Эгер сириялык армия чабуул койсо, Пентагон дароо муну моюнга алмак, — деп кошумчалайт Перенджиев. — Бирок "белгисиз отряддар" деп коюшканы жашыруун, ички согушун элге жарыялагылары келбегенинен кабар берет. Ошону менен бирге америкалыктар сокку кай тараптан экенин так билишерин бөркүмдөй көрөм".

Элдин каары

Америкалыктардын башына конгон дагы бир кооптуулук — элдин каршылык көрсөтүүсү. Бул аракет, президент Башар Асад белгилегендей, өлкө Сириянын аймагын чет элдик оккупациядан бошотууну көздөйт. Ал эми америкалыктарга нааразы болууга негиз толуп жатат.

Сирия хроникасы: россиялык күзөткө чабуул жана АКШнын активдешүүсү

Июнь айында Хасеке провинциясында Тель-Абъяд шаарынын тургундары өз буудайын мыйзамсыз чыгарылышына жол бербөө үчүн чек ара өтмөгүндө пикет уюштурушкан. Ошол окуянын алдында эле Сириянын Тышкы иштер министрлиги Түркия колдогон согушкерлер жана АКШнын союздук бандиттик түзүмдөрү мамлекеттеги кырдаалды курчутуу ниетинде эгин талааларын жана башка дан азыктарын бир нече ирет өрттөп салышканын билдирген.

АКШнын аскердик командачылыгы жана алардын союздаштары расмий бийликке каршы калкты тукуруу үчүн Сириянын түндүгүндө гуманитардык жагдайды максаттуу түрдө оорлоштурууда.

Көбүнесе америкалыктардын айынан жай жарандар набыт болушат. Май айында АКШ аскерлери Дейр-эз-Зор провинциясында айдоочуну атып салышкан. Алардын бетке кармаган шылтоосу — машина "Коннико" мунай кенинин тушунда негизги трассадан бурулган имиш. Аскерлер муну коркунуч деп санап, ок чыгарышкан.

Ал эми февралда Камышлы шаарынан анчалык ыраак эмес блокпостто сириялык аскерлер макулдашылбаган маршрут менен бараткан АКШ армиясынын колоннасын токтоткон.

Америкалыктар жергиликтүү эл менен жаңжалдын чыгышына түрткү болгон. Натыйжада жоокерлер жай жарандар тарапка да башаламан аткылап киришкен. Ошол тиреште 14 жаштагы Фейсал Халид Мухаммад окко учуп, дагы бир киши жараланган. Окуя автоколоннаны чыгарган россиялык аскерлердин кийлигишүүсү менен гана жөнгө салынган.

91
Белгилер:
эл, каршылык, Аскер, чек ара, кыймыл, АКШ, Сирия
Тема боюнча
Россия эми дүйнөлүк террорчулукка айыпталууда. Америкалыктардын акыл парасаты
Кыргызстандын президенти Сооронбай Жээнбеков. Архив

Президент Жээнбеков Баткен, Жалал-Абад жана Ош облустарын кыдырат

112
(жаңыланган 09:35 12.08.2020)
Мамлекет башчынын өлкө аймактарына иш сапары уланып жатканы белгиленди. Ал буга чейин Таласта, Ысык-Көлдө жана Ошто болгон.

БИШКЕК, 12-авг. — Sputnik. Президент Сооронбай Жээнбеков 12-13-август күндөрү жумушчу сапары менен Баткен, Жалал-Абад жана Ош облустарына барат. Бул тууралуу өлкө башчынын маалымат кызматы кабарлады.

Жээнбеков иш сапарынын алкагында медициналык, социалдык, айыл чарба, өнөр жай жана билим берүү объектилеринин ишмердүүлүгү менен таанышат.

Жээнбеков Талас элине баа берди. Жолугушуунун сүрөттөрү

Ошондой эле пандемия шартында ирригацияны жакшыртуу жана ички жолдорду реконструкциялоо долбоорлорунун кантип ишке ашып жатканын көрөт.

Мамлекет башчынын өлкө аймактарына иш сапары уланып жатканы белгиленди. Ал буга чейин Ошто, Таласта жана Ысык-Көлдө болгон.

112
Белгилер:
аймак, иш сапар, Сооронбай Жээнбеков, Ош облусу, Жалал-Абад облусу, Баткен облусу
Тема боюнча
Кеткендерди кайра кайтаруу керек. Жээнбеков айылдарды өнүктүрүү туурасында
Уйлар. Архив

Ош: күйдүргү чыккан уй эмделбегени үчүн ветеринарлар жазаланды

0
(жаңыланган 18:22 12.08.2020)
Учурда Ош облустук ооруканасында күйдүргүгө шектелип жети киши жатат, ал эми бир адамдан илдет тастыкталган. Оору очогу болгон айыл карантинде.

БИШКЕК, 12-авг. — Sputnik. Кара-Суу районуна караштуу Папан айыл өкмөтүнүн Тогуз-Булак айылында союлган уйдан күйдүргү тараганына байланыштуу эки тарап жазаланды. Бул тууралуу Sputnik агенттигине айыл өкмөттүн башчысы Курманбек Мияшев билдирди.

Анын айтымында, ооруга себепкер болгон уй убагында эмделбегени үчүн Кара-Суу районунун Беш-Мойнок ветеринардык сервисине айып тагылды. Себеби уй ошол жакта багылган, ал эми Тогуз-Булак айылына жай мезгилинде убактылуу алып келинип, малчылар карап жаткан. Ошондой эле аны сойгон кишиге дагы айып салынган.

"Малды убагында эмдеп турушу керек болчу, бирок бул иш аткарылган эмес. Учурда ошол оорулуу уйдун эти чогултулуп, териси, кыгы эпидемиологдордун көрсөтмөсү боюнча көмүлдү. Эки миңден ашуун мал жандык күйдүргү оорусуна каршы эмделди", — деди Мияшев.

Тогузбаева: шарп, кутурма, күйдүргү — адам өмүрү үчүн да кооптуу

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айыл карантинге алынган.

Учурда оорунун очогундагы тургундардын күн сайын дене табы өлчөнүп, медициналык байкоо жүргүзүлүп жатат. Ал эми уйдун этин жеген 288 кишиге ооруну алдын алуу үчүн атайын дары-дармектер берилүүдө.

Ошондой эле илдет чыгышы мүмкүн деген жерлер дезинфекцияланып жатат.

 

0
Белгилер:
уй, эмдөө, оору, ветеринария, күйдүргү, Тогуз-Булак, Кара-Суу району, Ош облусу
Тема боюнча
Оштун Кара-Суусунда сегиз киши күйдүргүгө шектелип ооруканага түштү
Күйдүргү: Кара-Суунун Тогуз-Булак айылына карантин киргизилди