Бабанов: кош жарандыгы бар адамдардын министр болуп иштешине уруксат берүү керек

© Sputnik / Табылды Кадырбеков"Республика — Ата-Журт" фракциясынын лидери Өмүрбек Бабанов. Архив
Республика — Ата-Журт фракциясынын лидери Өмүрбек Бабанов. Архив - Sputnik Кыргызстан
Жазылуу
"Республика — Ата-Журт" фракциясынын лидери Өмүрбек Бабанов кош жарандыгы бар адамдарды тыңчы деп атоо жаңылыштык деген ойдо.

БИШКЕК, 16-фев. — Sputnik. Кош жарандыгы бар адамдарга министрлик кызматты аркалоого уруксат берүү керек экендигин "Республика — Ата-Журт" фракциясынын лидери Өмүрбек Бабанов Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин Регламенти боюнча комитетинин отурумунда билдирди. 

Ал кош жарандыгы бар адамдарды тыңчы деп атоо жаңылыштык экенин айтат.

"Эмне үчүн АКШда чоң компанияны башкарып жүргөн адам экономика министри болбошу керек?", — деп суроо салат депутат.

Ал эми кош жарандыгы барлар президент, өкмөт башчы жана укук коргоо кызматтарынын башчысы боло албай турганын Бабанов белгиледи.

Бишкек шаарынын мэриясы. Архив - Sputnik Кыргызстан
Бишкектин жаңы мэри 27-февралда шайланат
Кыргызстанда кош жарандуулук боюнча бир канча ирет чырлар чыгып келген. Бул талаштарда Бабанов да катышып калган учурлар бар. Ал биринчи вице-премьер болуп турганда Казакстандын жарандыгын алгандыгы тууралуу маалымат чыгып, парламентте атайын комиссия түзүлгөн.

Ушундай эле талаштар убагында мурунку мэр Кубанычбек Кулматовдун да тегерегинде болгон. Ага Россиянын жарандыгын алган деген жүйөлөр айтылган. 

Жакында эле Жогорку Кеңештин депутаты Жыргалбек Саматовдун тегерегинде да кош жарандуулук маселеси боюнча чыр чыкты. Борбордук шайлоо комиссиясы Саматовго Россиянын жараны деген жүйөө менен мандат берген эмес, кийин депутат Кыргызстандан гана жараны экендигин сот аркылуу далилдеп, депутаттык мандат алган.

Жаңылыктар түрмөгү
0