Атамбаев Бельгиянын падышасына Брюсселдеги жарылуудан улам көңүл айтты

© Sputnik / Табылды КадырбековПрезидент Алмазбек Атамбаев. Архив
Президент Алмазбек Атамбаев. Архив - Sputnik Кыргызстан
Жазылуу
22-мартта Брюсселдин аэропортунда жана метросунда катары менен бир нече жардыруу болгон. Акыркы маалыматтарга ылайык, 34 киши өлүп, 230дан ашык киши түрдүү жаракаттарды алган.

БИШКЕК, 23-мар. — Sputnik. Брюсселде болгон террордук актыларга байланыштуу КР президенти Алмазбек Атамбаев Бельгиянын падышасы Филиппке көңүл айтты. Бул тууралуу президенттин маалымат кызматы билдирди.

ЖМК: Брюсселдеги бомбаны табууга согушкерлерди ташып келген таксист жардам берди
Өлкө башчынын көңүл айтуусунда Кыргызстан террордук аракеттерди айыптап жатканы жазылат. 

Атамбаев ошондой эле, каза болгондордун жакындарына көңүл айтып, жабыркагандардан тез арада сакайып кетишине тилектештигин билдирген.

Белгилей кетсек, 2016-жылы 22-мартта Брюсселдин аэропортунда жана метросунда катары менен бир нече жардыруу болгон. Акыркы маалыматтарга ылайык, 34 киши каза болуп, 230дан ашык киши түрдүү жаракаттарды алган.

Жаңылыктар түрмөгү
0