Кресло. Архив

Алдын ала маалымат боюнча кайсы партиялар шаардык кеңештерге өтөт?

234
(жаңыланган 11:13 28.03.2016)
Бүгүн Кыргызстандын алты шаарында жана 22 айыл аймагында жергиликтүү кеңештерге шайлоо өттү.

БИШКЕК, 27-мар. — Sputnik. Шаардык кеңешке болгон шайлоодо кайсы партиялар өткөнү боюнча болжолдуу жыйынтыкты БШКнын төрагасы Туйгунаалы Абдраимов маалымат жыйында билдирди.

27-мартта жергиликтүү кеңештерге шайлоо алты шаар менен 20дан ашуун айыл аймактарында өттү. Жети пайыздык босогону өткөн гана партиялар мандат алат. Жергиликтүү кеңештин депутаттары жергиликтүү бийлик өкүлдөрүн шайлайт.

Орточо эсеп менен шайлоочулардын келиши жалпысынан 56 пайызды түздү.

Ош шаардык кеңкештеги 45 орунду алты партия бөлүшөт. Ал партиялар төмөндөгүдөй: 

  • "КСДП" партиясы — 16 мандат;
  • "Кыргызстан" саясий партиясы — 9 мандат;
  • "Мекеним Кыргызстан" саясий партиясы — 6 мандат;
  • "Республика – Ата-Журт" саясий партиясы — 5 мандат;
  • "Бир бол" саясий партиясы — 5 мандат;
  • "Өнүгүү-Прогресс" саясий партиясы — 4 мандат.

Ал эми Майлуу-Суу шаарындагы 31 орунду алдын ала маалымат боюнча төрт партия бөлүшөт.

  • "Республика— Ата-Журт" — 40,2 пайыз;
  • КСДП — 37,9 пайыз;
  • "Өнүгүү-Прогресс" — 9,9 пайыз;
  • "Ата—Мекен" — 7,9 пайыз.

Каракол шаардык кеңешке (31 орун) беш партия өттү:

  • "Табылга" – 28,5 пайыз;
  • КСДП — 14 пайыз;
  • "Кыргызстан" – 10,2 пайыз;
  • "Республика— Ата-Журт" – 9 пайыз;
  • "Өнүгүү-Прогресс" – 8,3 пайыз.

Балыкчы шаардык кеңешке (31 орун) алдын ала маалыматтар боюнча беш партия өттү:

  • "Замандаш" — 21,7 пайыз; 
  • "Кыргызстан" — 13,4 пайыз;
  • "Республика— Ата-Журт" —11,2 пайыз;
  • СДПК – 11,1 пайыз;
  • "Өнүгүү-Прогресс" — 9,5 пайыз.

Кемин шаардык кеңешке (21 орун) болгон шайлоонун алдын ала жыйынтыгы боюнча беш партия өттү:

  • КСДП —36 пайыз;
  • "Республика— Ата-Журт" – 17,4 пайыз;
  • "Замандаш" — 10,1 пайыз;
  • "Өнүгүү – Прогресс" — 8,5 пайыз;
  • "Улуу Кыргызстан" — 8,4 пайыз.

Токмок шаардык кеңешке (31 орун) алдын ала жыйынтык боюнча төрт партия өттү: 

  • КСДП — 37 пайыз;
  • "Кыргызстан" —20 пайыз;
  • ""АК" адилеттүүлүк жана өнүгүү партиясы — 12 пайыз;
  • "Республика— Ата-Журт" — 10,4 пайыз.

Шайлоочулардын добуш берүүгө катышуусу Кеминде 56,3 пайыз, Токмокто — 61,5 пайыз, Ошто — 60,5 пайыз, Майлуу-Сууда —54 пайыз, Балыкчыда — 52 пайыз жана Караколдо— 43 пайызды түздү.

Шайлоо боюнча мыйзамга ылайык, жергиликтүү кеңештин депутаттары жергиликтүү бийлик өкүлдөрүн шайлашат.

234
Белгилер:
Кыргызстан, Ош, Балыкчы, Каракол, Майлуу-Суу, Токмок, Кемин району, шайлоо, жыйынтык
Тема:
Жергиликтүү кеңештерге депутаттарды шайлоо (54)
Тема боюнча
Ош шаардык кеңешке алты партиядан кимдер депутат болот — болжолдуу тизме
Каракол шаардык кеңешке болгон шайлоонун болжолдуу жыйынтыгы чыкты
Россиянын Кыргызстандагы элчиси Николай Удовиченко. Архив

Россиянын элчиси мекендештери менен тыгыз иштешкен кыргыз бийлигин үлгү кылды

79
(жаңыланган 11:54 23.09.2021)
РФтин элчиси Удовиченко кыргыз бийлиги мекендештердин коомдук кыймылы менен кызматташуу аркылуу дайыма бир нерсеге ыкчам реакция кыларын айткан.

БИШКЕК, 23-сен. — Sputnik. Россиянын Кыргызстандагы элчиси Николай Удовиченко мекендештери менен тыгыз иштешкен кыргыз бийлигин үлгү кылды.

Удовиченко Бишкекте Жакынкы Чыгыш өлкөлөрүндөгү россиялыктар уюштурган аймактык жаштар конференциясында сөз сүйлөгөн.

Элчи көбөйүп, өсүп жаткан көйгөйлөр мекендештер менен кызматташууну кантип күчөтүш керек деген маселени ойлонууга мажбур кылып жатканын белгиледи.

"Кыргыз бийлигин мисал катары айткым келет. Алар мекендештердин коомдук кыймылы менен кызматташуу аркылуу дайыма бир нерсеге ыкчам реакция кылышат", — деген Удовиченко.

Ал белгилегендей, конференцияга Кыргызстандын президенттик администрациясынын өкүлүнүн катышып жатканы кыргыз бийлигинин Россиянын элчилиги, Россотрудничествонун өкүлчүлүгү жана мекендештер менен тыгыз кызматташууга даярдыгын тастыктайт.

79
Белгилер:
Россия, Кыргызстан, Николай Удовиченко, элчи, мекендештер, кызматташуу
Тема боюнча
Мамытов: пандемия учурунда мигранттар бири-бирин жакшы колдоду
Канттагы аскер базасы көп балалуу жалгыз бой энеге жардам берди. Сүрөт
Бишкек шаарынын вице-мэри Русланбек Акылбеков. Архив

Бишкек вице-мэри Акылбеков кызматтан бошотулуп, ордуна жаңы жетекчи дайындалды

71
(жаңыланган 12:36 23.09.2021)
Мэрдин буйругу менен калаанын санариптештирүү жана транспорт боюнча вице-мэри болуп Талайбек Орозов дайындалды.

БИШКЕК, 23-сен. — Sputnik. Бишкек шаарынын вице-мэри Русланбек Акылбеков кызматтан кетти. Бул туурасында мэриянын маалымат кызматы билдирди.

"Ал башка кызматка которулганына байланыштуу ээлеген ордунан бошотулган", — деп айтылат маалыматта.

Тиешелүү буйрукка калаа мэри Айбек Жунушалиев кол койгон. Анын дагы бир буйругу менен калаанын санариптештирүү жана транспорт боюнча вице-мэри болуп Талайбек Орозов дайындалды.

Русланбек Акылбеков бул кызматка жети ай мурда, тагыраагы, 8-февралда дайындалган болчу.

71
Белгилер:
вице-мэр, кызмат, бошотуу, дайындоо, Русланбек Акылбеков, Талайбек Орозов
Тема боюнча
Өкмөттө иштеген Венера Рыскулова Ош шаарына вице-мэр болуп дайындалды
"Эл мени мэр катары көргүсү келет" деген Тагаев Ленин районуна аким болду
Бүткүл дүйнөлүк жаш мекендештер оюндарынын жеңүүчүлөрүн сыйлоо аземи. Архив

Мекендештер оюндарында кыргызстандыктар алдыңкы орундарды ээлешет

0
(жаңыланган 14:23 23.09.2021)
"Росскызматташтык" уюмунун башчысынын кеңешчиси аталган мекеме жаштар менен кандай иштерди алып барганын белгиледи. Ал Кыргызстандан барган катышуучулардын спорттук ийгиликтери тууралуу айтып берди.

БИШКЕК, 23-сен. — Sputnik. "Росскызматташтык" уюмунун башчысынын кеңешчиси Дмитрий Федотов "Бүткүл дүйнөлүк жаш мекендештер оюндары" мелдешинде Кыргызстандын спортчуларынын ийгиликтери тууралуу айтып берди.

Ал Жакынкы чет өлкөлөрдөн келген россиялык мекендештердин аймактык жаштар конференциясында сөз сүйлөдү.

Федотов белгилегендей, жаштар менен иштөөгө өзгөчө көңүл бурулуп келет, тогуз жаштан баштап бардык курактагы топтор камтылган.

"Бизде кичинекей балдар үчүн "Бүткүл дүйнөлүк жаш мекендештер оюндары" сыяктуу чоң программа бар. Ал мелдешке ар кайсы өлкөлөрдүн балдары күчүн сыноо үчүн келишет. Кечээ "Русский дом" мекемесине кирип, Кыргызстан дээрлик дайыма биринчи орунду алып келгенин көрдүм", — деген ал.

Ырасында анын "дайыма" деген сөзүн көпчүлүк учурда деп оңдошкон.

0
Белгилер:
мелдеш, орун, спорт, Кыргызстан, Россия
Тема боюнча
Россиянын элчиси мекендештери менен тыгыз иштешкен кыргыз бийлигин үлгү кылды