Антенналар. Архив

Үңкүр-Тоо: жаңы телерадиомунара үчүн жер бөлүндү

114
(жаңыланган 16:06 01.04.2016)
Ал Бозбу-Тоо тоосунун Ителги чокусуна курулат. Ал эми Үңкүр-Тоодогу "Кербен-24" телерадиомунарасы мурункудай эле кызмат кылуусун улантат.

БИШКЕК, 1-апр. — Sputnik. Үңкүр-Тоодогу "Кербен-24" телерадиомунарасы менен биргеликте иштей турган станция үчүн жер бөлүндү. Бул тууралуу өкмөттүн маалымат кызматы билдирет. 

Аталган чечим 1-апрель күнү Кербен шаардык кеңештин депутаттары тарабынан кабыл алынды. 

Жаңы телемунара Бозбу-Тоо тоосунун Ителги чокусуна курулат. Ал эми Үңкүр-Тоодогу "Кербен-24" станциясы мурункудай эле кызмат кылуусун улантат. 

"Санариптик көрсөтүүгө өтүп жаткандыгыбызга байланыштуу Аксы, Чаткал жана Ала-Бука райондоруна сапаттуу сигнал жеткирүү максатында жаңы телерадио мунара курулуп жатат", — деп айтылат маалыматта. 

Кербен шаардык кеңештин депутаттарынын жыйынына катышкан өкмөттүн өкүлү Курбанбай Искандаров аларга Үңкүр-Тоону өзбек тарапка өткөрүп берүү боюнча эч кандай токтом жок экенин түшүндүрүп берди. 

114
Белгилер:
радио, телеберүү, тоо, Үңкүр-Тоо
Тема:
Үңкүр-Тоонун айланасындагы чуу (13)
Тема боюнча
Үңкүр-Тоо: депутат жабык эшик артында эмне талкуу болгондугун айтып берди
Үңкүр-Тоо тууралу эки ооз сөз
Президент Сооронбай Жээнбеков Биринчи радиого маек берип жатканда

Жээнбеков Путин менен жолугар алдында эмне деди. Мамиле, кызматташтык, деңгээл

63
(жаңыланган 16:48 26.09.2020)
Келе жаткан жумада мамлекет башчы иш сапары менен Россияга барат. Маек учурунда Владимир Путин менен бир катар маселелерди талкуулай турганын билдирген.

БИШКЕК, 26-сен. — Sputnik. Россия менен эриш-аркак жылынын алкагында пландаштырылган иш-чараларды аткарууга бардык күч-аракетибизди жумшайбыз. Бул туурасында президент Сооронбай Жээнбеков "Биринчи радиого" маек берип жатканда айтты.

Журналист мамлекет башчыдан РФ менен бүгүнкү кызматташтыктын деңгээлин кандай баалай турганын жана өлкө ортосунда эриш-аркак жылындагы пландар тууралуу сураган.

Президент Россия менен иштешүүгө чоң маани берилерин жана учурдагы мамиле эң жакшы экенин айткан.

"Эмки жумада, кудай буюрса, Россияга иш сапар менен барып, Владимир Путин менен жолугушам. Бир катар маселелерди талкуулайбыз. Ушул жумада өкмөттөр аралык комиссиянын 22-жыйыны Бишкекте өттү. Бул эриш-аркак жылдын биргелешкен программасынын алкагындагы маанилүү иш-чара. Комиссия соода-экономикалык, илимий-техникалык жана гуманитардык кызматташтык боюнча маселелерди карады. Кээ бир иш-чаралар, тилекке каршы, абалга жараша токтоп турат. Алардын мөөнөтүн өзгөртүү боюнча Россия менен сүйлөшүп жатабыз", — деген президент.

Жээнбеков парламентке канча партиянын келишин каалай турганын айтты

Президент эриш-аркак жылынын жабылыш аземи 2021-жылга жылдырылганын кошумчалаган.

"Кыйынчылыктарга карабастан биз стратегиялык өнөктөшүбүз, союздашыбыз Россия менен эриш-аркак жылынын алкагында пландаштырылган иш-чараларды аткарууга бардык күч-аракетибизди жумшайбыз жана жумшап жатабыз", — деген Жээнбеков.

Кыргыз-Россия эриш-аркак жылында баш-аягы 200гө чукул иш-чараларды өткөрүү пландалып, бирок пандемиядан улам түрдүү мөөнөттөргө жылдырылган болчу.

63
Белгилер:
иш-чара, Кыргызстан менен Россиянын эриш-аркак жылы, кызматташтык, Сооронбай Жээнбеков, Россия, Кыргызстан
Тема:
Кыргызстан менен Россиянын эриш-аркак жылы
Тема боюнча
Шайлоодон кийин карантин киргизилеби? Президент Жээнбековдун жообу
Президент Сооронбай Жээнбеков. Архивдик сүрөт

Жээнбеков парламентке канча партиянын келишин каалай турганын айтты

447
(жаңыланган 16:14 26.09.2020)
Мамлекет башчы шайлоодон кийин парламентке канчалык көп партия келсе, өлкө үчүн ошончо утуш болорун белгиледи.

БИШКЕК, 26-сен. — Sputnik. Парламентке беш-алты партиянын келишин каалайт элем. Мындай пикирин президент Сооронбай Жээнбеков КТРКнын "Биринчи радиосуна" берген маегинде билдирди.

Мамлекет башчы ар бир партияда мамлекетчил позициясы күчтүү уул-кыздар бар экенин белгиледи.

"Парламенттин табияты ошондой. Сындашат, айрымдары популисттикке алдырышат. Бирок мамлекет үчүн, эл үчүн маанилүү маселе жаралганда баары биригет, мамлекетчил позициясын көрсөтөт. Буюрса, келе турган парламентте деле ошондой болот деп ишенем. Анткени баары эле өзүбүздүн уул-кыздарыбыз да. Талаша турган эч нерсе жок. Бирок парламентке 5-6 партиянын келишин каалайт элем. Себеби бул өлкө үчүн, туруктуулук үчүн керек", — деди Жээнбеков.

Шайлоодон кийин карантин киргизилеби? Президент Жээнбековдун жообу

Ошондой эле ал парламентке канчалык көп партия келсе, өлкө үчүн ошончолук утуш болорун белгилеп, тогуз пайыз эмес, жети пайыздык шайлоо босогосун колдогонунун негизги себеби да ушул болгонун айтты.

Соңунда президент эл кандай добуш берсе ошондой жыйынтык болорун кошумчалды.

447
Белгилер:
мамлекет, Парламент, саясый партия, шайлоо, Сооронбай Жээнбеков
Тема:
Шайлоо-2020
Тема боюнча
Шайлоо учурундагы коопсуздук талкууланды. Жээнбеков УКМК төрагасын онлайн кабыл алды
Депутат болгум келет. Өкмөттө иштеген 140 кызматкер шайлоого катышууда
Алма ширеси. Архивдик сүрөт

Диетолог организмге пайдалуу деп жүргөн азыктардын зыянын айтып берди

0
(жаңыланган 20:05 26.09.2020)
Адис май ден соолук үчүн маанилүү роль ойной турганын белгилеп, майы кетирилген сүт азыктарын алуу таптакыр эле пайдасы жок экендигин айткан.

БИШКЕК, 26-сен. — Sputnik. Туура тамактануу үчүн колдонгон азыктардын көбүнүн организмге пайдасы жок. Бул тууралуу Sputnik радиосуна диетолог-нутрициолог Арина Скоромная айтып берди. 

Анын пикиринде, майлары кетирилген сүт азыктары ден соолукка оң таасирин тийгизбейт.

"Адамга май керек. Ал жок кальций сиңбейт. Ошондуктан майы кетирилген сүт азыктарынын дээрлик пайдасы жок десек болот. Изилдөөлөр боюнча мындай азыктар зат алмашууну кыйындатат", — деген Арина Скоромная.

Ошондой эле эртең менен эрте жемиштерден сыгылган ширени ичпей эле коюуну сунуштаган. Себеби кандагы канттын деңгээли көтөрүлүп кетет.

Чөнтөккө да күч келбейт, ден соолукка да пайдалуу. Диетолог 7 азыкты санады

Диетолог мүнөздөп тамак ичип жаткандарга арналып чыгарылган азыктарды дагы байкап алууга кеңеш берген. Маселен, фитнес-батондордун курамына жана чыгарган ишканага көңүл буруу керек. Адатта пайдалуу делген азыктардын көбүндө кант болот.

0
Белгилер:
адистер, май, ден соолук, азык, диетолог
Тема боюнча
Адис: жаңгак сиңимдүү болушу үчүн үч эрежени сактоо керек