Асанов: Сариев отставкага кеткен жок

© Sputnik / Табылды КадырбековПремьер-министр Темир Сариев. Архив
Премьер-министр Темир Сариев. Архив - Sputnik Кыргызстан
Жазылуу
Белгилей кетсек, айрым ЖМКлар Сариевдин отставкага кеткенин билдиришкен.

БИШКЕК, 8-апр. — Sputnik. Өкмөт башчы отставкага кеткен жок. Сариевди кызматтан кетет экен деген маалымат чындыкка дал келбей турганын премьер-министрдин маалымат катчысы Бакыт Асанов Sputnik Кыргызстан маалымат агенттигине билдирди.

Ал айрым жалпыга маалымдоо каражаттарына "Темир Сариев кызматтан кетиптир" деген маалымат чындыкка коошпой турганын кошумчалады.

Өкмөттүн маалымат кызматынын жетекчиси Назира Ахмедова дагы ЖМКларга чыккан маалыматтар карандай калп экенин билдирди.

Трасса Бишкек Иссык-Куль - Sputnik Кыргызстан
Президент Балыкчы — Корумду жолу боюнча комиссиянын тыянагын иликтөөнү УКМКга тапшырды
Эскерте кетсек, транспорт жана коммуникация министри Аргынбек Малабаев депутаттык комиссиянын жыйынында Балыкчы — Корумду жолун реконструкциялоо боюнча өткөн тендерге өкмөт башчынын жакындары, транспорт министринин орун басары Улан Уезбаев жана кытайлык "Лонг Хай" компаниясынын өкүлдөрү менен сүйлөшүп алып тендердин жыйынтыгына таасир бергенин билдирген. Комиссиянын курамындагы айрым депутаттар премьердин күнөөсү бар экенин айтып, анын отставкасын талап кылышкан.

Өкмөт Балыкчы — Тамчы — Чолпон-Ата — Корумду унаа жолунун курулушун текшерүү үчүн атайын комиссия түзгөн. Текшерүүнүн натыйжасында курулуш иштеринде бир катар мыйзам бузуулар аныкталган. Мындан улам аталган комиссия жолдун курулушуна жоопкер министрликтин жетекчилигинин ээлеген кызматына ылайыктуулугун карап чыгууну сунуштаган.

Сариев атайын комиссиянын корутундусун эске алып, транспорт жана коммуникация министри Аргынбек Малабаевди кызмат ордунан кетирүү боюнча сунушту президентке жөнөткөн. Бирок президенттин аппараты сунушту артка кайтарды.

Жаңылыктар түрмөгү
0