Кыргызстан фракциясынын лидери Канат Исаев. Архив

Сариев Исаев тууралуу: керт башынын кызыкчылыгын өлкөнүкүнөн өйдө коет

281
(жаңыланган 16:40 11.04.2016)
Темир Сариев "Кыргызстан" фракциясынын лидери Канат Исаевди Балыкчы — Корумду жолун реконструкциялоо боюнча тендерге катышууну каалаган компаниялардын биринин кызыкчылыгын коргогон деп айыптады.

БИШКЕК, 11-апр. — Sputnik. Темир Сариев премьер-министр катары өкмөттүн акыркы жыйынында "Кыргызстан" фракциясынын лидери Канат Исаевди сынга калды.

Бүгүн отставкага кетүү тууралуу айтардан мурун Сариев бир катар билдирүү жасады.

"Айрым саясатчылар өзүнүн керт башынын кызыкчылыгын мамлекеттики менен коомдукунан жогорку коюуда. Алар өкмөттү жаман көрсөтүп келет, мамлекеттин келечеги менен баштары да оорубайт. Канат Исаев "Империя Групп" ишканасын сунуштоого жан үрөгөн, бирок ал документ тапшырууга үлгүрбөй калды. Ал эми бул компания кара тизмеге киргизилип жаткан", — деди Сариев.

Муну менен катар транспорт жана коммуникация министри Аргынбек Малабаев тууралуу да пикирин билдирди.

"Ишенимден кетти. Ал кемчиликтерди көрүп туруп, жоопкерчиликти өзүнө алуунун ордуна башкаларга жүктөп койду", — деп белгиледи Сариев.

Ал өзүнүн иши тууралуу дайым абийирдүүлүк менен иштеп келгенин айтып, ар-намысын коргоо үчүн "аягына чейин барарын" билдирди. 

Ишемби күнү Балыкчы — Корумду жолун реконструкциялоо боюнча жарыяланган тендер чырын иликтөө боюнча түзүлгөн депутаттык комиссия премьер-министр Темир Сариевге жана өкмөткө ишеним көрсөтпөө боюнча маселени парламенттин кароосуна алып чыгуу чечимин кабыл алган. Жекшемби күнү премьер Facebook баракчасына аталган комиссиянын корутундусуна карата жооп кайтарган.

Буга чейин мекемелер аралык комиссия Балыкчы — Корумду унаа жолунун курулушунда бир катар мыйзам бузууларга жол берген Транспорт жана коммуникация министрлигинин жетекчилигинин аталган кызматка ылайыктуулугун карап чыгуу сунушун берген. 

Анын негизинде премьер-министр Темир Сариев өлкө башчысына транспорт жана коммуникация министри Аргынбек Малабаевди кызматтан алуу боюнча сунуш киргизген, бирок президенттин аппараты документтин негиздерин тактоо үчүн аны артка кайтарган. Өкмөт жөнүндө мыйзамдын 24-беренесинин 3-бөлүмүндө премьер-министрдин сунушу менен өкмөт мүчөсүн президент кызматтан бошоткон учурлар так аныкталган. 

Транспорт жана коммуникация министри Аргынбек Малабаев депутаттык комиссиянын жыйынында Балыкчы — Корумду жолун реконструкциялоо боюнча өткөн тендерге өкмөт башчынын жакындары, транспорт министринин орун басары Улан Уезбаев жана кытайлык "Лонг Хай" компаниясынын өкүлдөрү менен сүйлөшүп алып тендердин жыйынтыгына таасир бергенин билдирген. Комиссиянын курамындагы айрым депутаттар премьердин күнөөсү бар экенин айтып, анын отставкасын талап кылышкан.

Ал эми транспорт министринин орун басары Уезбаев министр Аргынбаевдин өкмөт башчысынын күнөөлөп жаткандыгы суу кечпейт деген. Компанияларды тандоого Сариев катышты деген кеп туура эмес деп билдирген.

Сариевдин премьерлиги эмнеси менен эсте калды: демилгелер, ийгиликтер жана "бармак тиштеген" учурларын Sputnik Кыргызстан агенттигинин инфографикасынан көрүңүз>>

281
Белгилер:
билдирүү, Аргынбек Малабаев, Темир Сариев, Канатбек Исаев
Тема:
Темир Сариевдин отставкасы (17)
Тема боюнча
Сариевдин премьерлиги: демилгелер, жетишкендиктер жана "бармак тиштеген" учурлар
Темир Сариев: отставкага кетем
Россия президенти Владимир Путин. Архив

Путин: туруктуулук үчүн саясий эрк жана компромисс зарыл

3
(жаңыланган 17:13 23.06.2021)
СНВ-3 келишими 2011-жылдын 5-февралында күчүнө кирген. Анын шарты боюнча тараптар өзүнүн өзөктүк арсеналын кыскартып, тийиштүү көлөмдө кармап турушу керек.

БИШКЕК, 23-июн. — Sputnik. Стратегиялык туруктуулук жаатында ийгилик жаратуу үчүн саясий эрк жана компромисске баруу жөндөмү керек. Бул тууралуу Россия президенти Владимир Путин эл аралык коопсуздук боюнча Москва конференциясында сүйлөп жатып айтты.

РФ лидери өлкө буга чейин коопсуздуктун жаңы механизмин иштеп чыгууну сунуштаганын эске салды.

"Система стратегиялык туруктуулукка таасир тийгизе турчу бардык факторлорду камтышы керек. Саясий эрк жана компромисске бара билүү жакшы натыйжасын берерине ишенебиз", — деди Путин.

Анын айтымында, буга Россия менен АКШнын стратегиялык жана чабуул коюучу куралдын (СНВ-3) көлөмүн 2026-жылга чейин кыскартуу тууралуу келишиминин узарышы ачык далил.

Белгилей кетсек, СНВ-3 келишими 2011-жылдын 5-февралында күчүнө кирген. Анын шарты боюнча тараптар өзүнүн өзөктүк арсеналын кыскартып, тийиштүү көлөмдө кармап турушу керек. Башкача айтканда, жети жылдан кийин жана андан аркы убакытта континенттер аралык баллистикалык ракеталардын, суу алдындагы бомбардировщиктердеги баллистикалык ракеталардын саны 700дөн ашпашы керек. Мындан тышкары, снаряддын атылуучу бөлүгү 1500, атылуучу түзүлүштөрдүн саны 800дөн көп болбошу шарт.

Келишим максатына жетип, тараптар арсеналын тийиштүү көлөмдө кармап турат. 2021-жылдын башында, бийликке Жо Байден келери менен, макулдашуу эч өзгөрүүсүз дагы беш жылга узартылды. Буга чейин администрация келишимди узартууну маалкатып, бүтүндөй стратегиялык туруктуулук системасына коркунуч жаратып келди.

3
Белгилер:
система, курал-жарак, коопсуздук, конференция, Владимир Путин
Тема боюнча
Путиндин макаласы: өткөнгө карап кылчактай бербей, ачык болуш керек
Путин менен Байдендин жолугушуусунан кийин дүйнөлүк саясат кандай өзгөрөт
Путин белгисиз жоокердин мүрзөсүнө гүл койду. Видео
Россиянын президенти Владимир Путин

Массалык жок кылуучу куралдын жайылуу коркунучу. Путин Москва форумунда сүйлөдү

25
(жаңыланган 16:39 23.06.2021)
Эл аралык коопсуздук боюнча IX Москва конференциясы ушу тапта Россиянын борбор калаасында өтүп жатат.

БИШКЕК, 23-июн. — Sputnik. Массалык жок кылуу куралынын жайылуу тобокелдиги, аймактык чыр-чатактар, чек аралаш мамлекеттердин биргелешкен кылмыштуу топторунун активдешүүсү — бүгүнкү күндүн олуттуу көйгөйү. Бул тууралуу Россия президенти Владимир Путин билдирди.

Эскерте кетсек, ушу тапта эл аралык коопсуздук боюнча IX Москва конференциясы Россиянын баш калаасында өтүп жатат.

"Региондордогу куралдуу кагылышуулар, массалык жол кылуу курал-жарагынын жайылуу кооптуулугу, баңги бизнеси менен кибер кылмыштуулуктун жана чек аралаш мамлекеттердин биргелешкен кылмыштуу топторунун жандануусу тынчсызданууну жаратат", — деди Путин катышуучуларга кайрылып жатып.

Ал аталган көйгөйлөрдүн масштабы жана глобалдуулугу бардык мамлекеттердин биримдикте иш алып баруусун талап кыларын белгиледи.

"Албетте, мындай жамааттык иш эл аралык укук жана БУУ уставынын максаты менен принциптерине ылайык жүргүзүлүшү шарт", — деди Путин.

РФ лидери өз сөзүндө БУУнун башкы милдетине токтолуп өттү. Анын айтымында, аталган уюм дүйнөлүк согушка жол бербөө үчүн жан үрөп, оюндун жаңы эрежелеринин баары БУУ эгидасынын алдында өтүшү зарыл. Путин мындан башка багыттын баары башаламандыкка кептей турганын кошумчалады.

Эл аралык коопсуздук боюнча Москва конференциясы — коргоо мекемелеринин, эл аралык уюмдардын жана бейөкмөт эксперттердин башын бириктирип, коопсуздук боюнча жыл сайын өтүүчү форум.

25
Белгилер:
кызматташуу, БУУ, коопсуздук, Владимир Путин, конференция, форум
Тема боюнча
Путин белгисиз жоокердин мүрзөсүнө гүл койду. Видео
Путиндин макаласы: өткөнгө карап кылчактай бербей, ачык болуш керек