Премьерликке талапкер Жээнбеков жаңы өкмөттүн курамын сунуштады

© Sputnik / Табылды КадырбековӨкмөттүн түзүмүнүн жаңы курамы.
Өкмөттүн түзүмүнүн жаңы курамы. - Sputnik Кыргызстан
Жазылуу
Курамда биринчи вице-премьер, транспорт министри, өкмөттүн аппарат жетекчиси өзгөрдү.

БИШКЕК, 13-апр. — Sputnik. Премьер-министрликке талапкер Сооронбай Жээнбеков Жогорку Кеңештин Конституциялык мыйзам, мамлекеттик түзүлүш жана регламент комитетинин жыйынында жаңы өкмөттүн курамын сунуштады.

Анын айтымында, өкмөттүн түзүмү курамындай эле өзгөрүүсүз калат. Мында Социалдык фонддун төрагасы Мухамметкалый Абулгазиев Аалы Карашевдин ордуна вице-премьерликке көрсөтүлүүдө. Мындан тышкары, өкмөттүн аппаратын Нурханбек Момуналиевдин ордуна Акылбек Осмоналиев жетектейт. Ал эми транспорт министри Аргынбек Малабаевдин ордуна Жол чарба департаментинин башчысы Замирбек Айдаров келет. 

"Кийинчерээк өкмөттүн курамы өзгөрүшү мүмкүн", — деди Жээнбеков.

Жаңы өкмөт мүчөлөрүнүн тизмеси:

  • Сооронбай Жээнбеков — премьер-министр
  • Мухамметкалый Абылгазиев — биринчи вице-премьер-министр
  • Олег Панкратов — экономикалык маселелер боюнча вице-премьер 
  • Гульмира Кудайбердиева — социалдык маселелер боюнча вице-премьер 
  • Арзыбек Кожошев — Экономика жана өнөр жай министрлиги 
  • Мелис Турганбаев — Ички ичтер министрлиги
  • Жылдыз Мамбеталиева — Юстиция министрлиги 
  • Адылбек Касымалиев — Финансы министрлиги 
  • Кубатбек Боронов — Өзгөчө кырдаалдар министрлиги
  • Кудайберген Базарбаев — Социалдык өнүгүү министрлиги 
  • Эльвира Сариева — Билим берүү жана илим министрлиги 
  • Алтынбек Максутов — Маданият, маалымат жана туризм министрлиги 
  • Талантбек Батыралиев — Саламаттык сактоо министрлиги 
  • Замирбек Айдаров— Транспорт жана коммуникация министрлиги
  • Турдуназир Бекбоев — Айыл чарба жана мелиорация министрлиги 
  • Эрлан Абдылдаев — Тышкы иштер министрлиги
  • Акылбек Осмоналиев — өкмөттүн аппарат жетекчиси.
Жаңылыктар түрмөгү
0