Сариева: медакадемиянын ректору жакында шайланат

© пресс-служба Минобрнауки КРБилим берүү жана илим министри Элвира Сариева. Архив
Билим берүү жана илим министри Элвира Сариева. Архив - Sputnik Кыргызстан
Жазылуу
Билим берүү министри көп жылдан бери жогорку окуу жайларды башкарып келе жаткан ректорлор боюнча журналисттердин суроосуна жооп берди.

БИШКЕК, 15-апр. — Sputnik. Кыргыз мамлекеттик медициналык академиянын ректору жайында шайланарын билим берүү жана илим министри Элвира Сариева маалымат жыйында билдирди.

Министр айым өз сөзүндө ушул окуу жылынын аягына чейин медакадемиянын ректорун шайлоо боюнча маселе чечилерин айтты.

"Быйылкы окуу жылынын аягына чейин маселелер чечилип, жайында шайлоо жарыялайбыз", — деди ал.

Жогорку окуу жайынын бүтүрүүчүсү. Архив - Sputnik Кыргызстан
Билим берүү министрлиги 14 жогорку окуу жайдагы айрым адистиктерди жапты
Сариева көркөм сүрөт академиясынын да жетекчисин шайлоо жарыяланганын, бирок, арыз бергендер шайлоонун талаптарына (автор — илимий даражасы болушу керек) жооп бербегендиктен, шайлоо кийинкиге калтырылганын кошумчалады.

Ал ошондой эле 2015-2016-окуу жылында 10дой университетте шайлоо болуп, жетекчилери дайындалганын белгиледи.

Билим берүү мыйзамына ылайык, ЖОЖдун жетекчилери шайлоо менен тандалат. Сариева эң жогорку добуш алган үч талапкерди Билим берүү министрлиги премьерге сунуштап, өкмөт башчы анын ичинен бирөөсүн тандай турганын түшүндүрүп берди.

Жаңылыктар түрмөгү
0