Фемида айкели. Архив

Ажого айбат кылгандар. "Айыпка илинип кала жаздаган" кыргыз президенттери

(жаңыланган 22:15 16.05.2016)
Атамбаевге карата доо арыздын мурдагы президенттерге салыштырмалуу көп жазылышы өлкөдөгү демократиялык принциптердин бар экендигинен кабар берет дешет.

БИШКЕК, 16-май — Sputnik. Кыргызстандын азыркы президенти Алмазбек Атамбаевди укук коргоочулар Азиза Абдрасулова, Төлөйкан Исмаиловалар мамлекет башчысы кечирим сурабаса сотко бере тургандыгын айтышты. Президент 14-майда Энелер күнүнө карата өткөн салтанатта "Элдик парламенттин" жыйынына катышкан укук коргоочуларды алган грантын актагысы келген бейөкмөтчүлөр деп айткан. Мамлекет башчысын сотко берүүгө камынган бул кадам туурасында коомчулукта ар кыл пикирлер айтылууда.

Sputnik Кыргызстан эгемендик жылдарындагы Кыргызстан президенттерине айбат көрсөтүп, сотко берген фактыларды эстеп көрдү.

Акаевдин үстүнөн жазылган алгачкы жана акыркы арыз

Кыргыздын туңгуч ажосу Аскар Акаевди 2006-жылы апрель айында ошол кездеги "Эркиндик" партиясынын лидери Топчубек Тургуналиев аны жөнү жок жерден саясий куугунтукка алды деген кине коюп, сотко берген. Топчуке ажодон 100 миллион сом өндүрүп алуу туурасындагы дооматын кошуп, арызын Бишкек шаарындагы Биринчи Май райондук сотуна жолдогон. Бул кадамын Тургуналиев аны "1999-2000-жылдары президентке кол салууга даярдалган деген жалаа менен камакка алгандыгы үчүн" деп негиздеген. Бирок бул кезде туңгуч ажо 2005-жылдагы март окуясынан кийин жер которуп, Россияда орун-очок алып, жайланышып калган. 

Бакиевге эмес, баласына

Ал эми 2005-2010-жылдары президент болгон Курманбек Бакиевге учурунда сотко берүүгө эч ким дааган эмес. 

Бирок өзүн болбосо да уулу Максим Бакиевди "Жер-Үй" кенин иштетүүгө лицензия алган британиялык "Oxus" ишканасынын президенти Шон Дейли экс-ханзаада Максим Бакиевди сотко берди. Ишкер доосунда ажонун уулу ден соолугун бир топ начарлаткандыктан, соттун ага карата чара көрүүсүн талап кылган. Дейли доосун 2015-жылдын апрель айында жазган.

Атамбаевди сотко бергендер арбын

Доосун айтып, мамлекет башчынын үстүнөн сотко кайрылган фактылар боюнча азыркы президент Алмазбек Атамбаев алдыда турат. Муну бир катарлар өлкөдөгү демократиялык принциптердин бар экендигинен кабар берет дешсе, дагы бир даары азыркы ажо сотко берчү жагдайларга көп чалдыгат деген пикирлерин айтып келишет.

Парламенттик шайлоо боюнча. Кыргыз коомчулугуна президент Атамбаевди кыргызстандык жаран сотко берди деген кабар 2015-жылдын октябрында тарады. Улуттук оппозициялык кыймыл менен "Эгемен Кыргызстан" партиясынын башчысы Бектур Асанов "өзү түптөгөн КСДП партиясын колдоп, парламенттик шайлоодо мыйзам бузду" деп президент Алмазбек Атамбаевди сотко берген. Доо арызын ал Бишкек шаар аралык сотко жолдогон. 

Ар намысын коргогон юрист же эки жолку доо арыз. Кийинки арызды сотко юрист, 2015-жылдын декабрында "Прецедент" өнөктөштүк тобу" коомдук бирикмесинин жетекчиси Нурбек Токтакунов парламенттик шайлоо алдында бейөкмөт уюмдардын иши тууралуу айткандарына таянып жазган. Юрист доо арыз менен Биринчи май райондук сотуна кайрылган. Өкмөттүк эмес уюмдар туурасында Атамбаев эл аралык байкоочулар менен жолугуп жатып билдирген. Бирок анын арызы артка кайтарылган. 

Токтакунов ушул эле арызын 2016-жылдын январында жаңылап, Атамбаев менен соттошуу ниетинен кайтпай, аталган сотко арызын толуктап кайра жөнөткөнүн билдирген. 

Айтылган сынды өзүнө кабыл алууга Токтакуновдун андан бир аз мурда биометрикалык маалыматтарды чогултуу боюнча жасаган билдирүүлөрү жана аны коштогон соттук жараяндары негиз болгон. 

2 миллион жана 1 сом. Атамбаевди сокто бергендердин катарын журналист Дайырбек Орунбеков да толуктайт. Ал өлкө башчысы менен президенттик аппараттын жетекчиси Фарид Ниязовдун үстүнөн 2016-жылдын январь айында Бишкектеги Биринчи Май райондук сотко арыз менен кайрылган. Журналист президенттен бир сом өндүрүп берүүнү талап кылган. Ал мунун себебин президент маалымат жыйында ага такталбаган бир топ күнөөлөрдү коюп, ал эми Ниязов ал туурасында чындыкка дал келбеген кайрылуу жасады деп негиздеген.

Буга чейин Орунбековго сот Оштогу июнь айындагы улуттур аралык кандуу окуя боюнча Атамбаев туурасында негизсиз маалыматтарды жазды деп 2 миллион сом айып салган. 

Азырынча акыркы. 2016-жылдын 16-майында укук коргоочулар Азиза Абдрасулова, Төлөйкан Исмаиловалар мамлекет башчысын сотко бере тургандыгы тууралуу билдирүүсү биздин тизменин акыркысы болуп турат.

Белгилер:
доо арыз, сот, Азиза Абдрасулова, Бектур Асанов, Топчубек Тургуналиев, Нурбек Токтакунов, Максим Бакиев, Аскар Акаев, Курманбек Бакиев, Төлөйкан Исмаилова, Алмазбек Атамбаев
Тема боюнча
Абдрасулова: эгер Атамбаев кечирим сурабаса, сотко беребиз
Атамбаев эл кааласа отставкага кетүүгө даяр
Россиянын президенти Владимир Путин жана АКШнын мурдагы президенти Дональд Трамп. Архив

Дональд Трамп: Путин мага, мен ага жакчумун

(жаңыланган 12:56 20.04.2021)
АКШнын экс-президенти убагында Россиянын лидери менен жакшы мамиледе болгонун айтып, бул жаман эмес көрүнүш экенин белгилеген.

БИШКЕК, 20-апр. — Sputnik. АКШнын мурдагы президенти Дональд Трамп Россиянын лидери Владимир Путин менен болгон мамилеси жөнүндө айтып бергенин РИА Новости жазды.

Трамп Путинге жагарын белгилеген.

"Менин Путин менен мамилем абдан жакшы болчу. Мен ага, ал мага жакчу. Бул нерсе жаман эмес, тескерисинче, жакшы көрүнүш", — деген Трамп.

Москва менен Вашингтондун мамилеси 2016-жылдын соңунда, Дональд Трамп президент болуп шайлангандан кийин начарлаган. Себеби шайлоонун жүрүшүнө Москва кийлигишти делген маалыматтар тарап кеткен. Прокурор Роберт Мюллер "Россиянын кийлигишүүсү" жөнүндөгү божомолду эки жыл бою иликтеген. Кийин ал "кийлигишүү" болгонун билдиргени менен расмий Москва менен Вашингтон аны төгүндөгөн.

Белгилер:
Дональд Трамп, президент, АКШ, Россия
Тема боюнча
Байден Путиндин фамилиясын туура эмес айтып алды

НАТО чалгынчылары РФ чек арасына тез-тезден каттап калышты. Максаты эмне

(жаңыланган 11:50 20.04.2021)
НАТОнун учактары акыркы аптада рекордун жаңылап, Россия чек арасына 58 жолу жакындап келди.

Өлкөнүн Коргоо министрлигинин маалыматы боюнча, чет элдик чалгынчылар чагымчылык жасоодо. Өтө эле жакын учуп келгендиктен Россиянын истребителдери асманга көтөрүлүп, "мейманды" узатып барууга аргасыз болгон.

НАТОнун учактары Камчатка менен Кара деңизден эмне "шимшилеп" жүрөт? Украина менен таанылбаган Донбасс Республикасынын чектешкен аймагына эмне максат менен байкоо салууда? Жоопту биздин видеодон алууга болот.

Белгилер:
Украина, Кара деңиз, учак, чек ара, Россия, НАТО
Тема боюнча
Украина НАТОго кирет деп ишенип... Россияга ким чагымчылык жасоодо
Бразилиялык атлет кыз Жессика Андраде

Жессика Андраде атаандашы Валентина Шевченконун алсыз жактарын атады

(жаңыланган 13:22 20.04.2021)
Шевченко бразилиялык спортчу менен UFC 261 мелдешинде кез келет. Кыргызстандык мушкер кыз бешинчи ирет UFC уюмунун жеңил салмактагы чемпиондук наамын коргоо үчүн кармашат.

БИШКЕК, 20-апр. — Sputnik. Бразилиялык атлет кыз Жессика Андраде атаандашы Валентина Шевченкону грэпплинг (күрөш) жагынан алсыз деп атады. Бул тууралуу ал Globo Esporte телеканалына берген маегинде айтты.

Кыргызстандык мушкер кыз менен бразилиялык спортчу 24-апрелде (Бишкек убактысы боюнча 25-апрелде) АКШнын Флорида штатындагы Жексонвилль шаарында өтүүчү UFC 261 турниринде беттешет.

"Шевченко грэпплинг жагынан алсыз деп ойлойм. Мен атаандашымды тордо кармаганда өзүмдүн канчалык күчтүү экенимди жана өз мүмкүнчүлүгүмө канчалык ишенимдүү экенимди дайыма айтып келем", — деген ал.

Эң жеңил салмактын экс-чемпиону беттеш учурунда Шевченконун "алсыз жагын пайдалана турганын" белгилеген.

"Мен атаандашымды бир канча ыкма менен жерге жыга алам. Жыгып алсам, анда ал тура албайт", — деп белгилеген Андраде.

Анын айтымында, Шевченконун ыкчам соккулары, өзгөчө бутка тепкени кооптуу болуп саналат.

Кеченин башкы беттешинде жарым орто салмактын чемпиону Камару Усмана менен Хорхе Масвидаль кармашат. Мелдештеги дагы бир кызыктуу таймаш эң жеңил салмактын мурдагы чемпиону Роуз Намаюнас менен кытайлык Вэйли Чжандын ортосунда өтөт.

Белгилер:
маек, беттешүү, Жессика Андраде, Валентина Шевченко, UFC
Тема боюнча
Шевченко бразилиялык Андрадени ута алабы? Букмекерлердин пикири