Депутат Өмүрбек Текебаев. Архив

Текебаев: Нарымбаев, Коркмазовдун ишин иликтеген прокурор шалаакылык кылган

669
(жаңыланган 13:15 20.05.2016)
Сот отурумда күбө катары көрсөтмө берип жаткан депутат Өмүрбек Текебаев ишти иликтеген тергөөчү мыйзам бузууларга барганын белгиледи.

БИШКЕК, 20-май — Sputnik. Бишкек шаардык сотунда Данияр Нарымбаев менен Хажимурат Коркмазовдун иши боюнча бүгүн өтүп жаткан сот отурумуна күбө катары чакырылган депутат Өмүрбек Текебаев көрсөтмө берди.

Эл өкүлү соттолуп жаткандар менен мурунтан жакшы мамиледе экенин айтып, азыр алар кыйын абалда турганда мамилеси өзгөрбөй турганын билдирди. Андан соң Текебаев соттолуп жаткан Данияр Нарымбаевдин аялы ага жардам сурап кайрылганын айтып, ошондуктан бул ишке кийлигишкенин түшүндүрдү. Өз көрсөтмөсүндө эл өкүлү прокурорлорду айыптап, күбө катары кеч чакырып жатканына нааразы болду.

"Башкы прокуратуранын тергөөчүлөрү документтерди туура эмес толтуруп, шалаакылык кылганы көрүнүп турат. Ольга Плотникова боюнча маалыматты силер эмес, мен таап чыктым", — деди депутат.

Ал ортодо мамлекеттик айыптоочу Текебаев Кылмыш процессуалдык кодексинин кайсыл нормасына ылайык, парламенттин маалымат бөлүмүн тинтөөгө алганына кызыкты. 

"Мен депутатмын. Силердин Кылмыш процессуалдык кодексиңер менен эмес, Конституция менен иш алып барам. Депутат катары тинтүүгө укугум бар", — деди Текебаев.

Ал Башкы прокуратуранын тергөөчүлөрү боюнча атайын комиссия түзүлүп, алардын шалаакылыгы иликтенээрин кошумчалады.

Эскерте кетсек, Биринчи Май райондук соту президент администрациянын мурунку жетекчиси Данияр Нарынбаевди үч жылга, ал эми Хажимурат Коркмазовду 1,5 жылга эркинен ажыратуу өкүмүн чыгарган. Аталган чечим боюнча айыпкерлер Бишкек шаардык сотуна аппеляциялык арыз жазган. Июль айынын ортосунда УКМКнын коррупцияга каршы күрөшүү кызматы Коркмазовдун 100 миң доллар пара алып жаткан жеринен кармаган. Ал акчаны экс-депутат Нариман Түлеевдин туугандарынан Жогорку сотто карала турган ишин оң жакка чечүүгө жардам берем деп алган. Башкы прокуратура Коркмазовдун 200 миң доллар талап кылганын маалымдаган. 

Экс-депутат акчаны президент аппаратынын жетекчиси Нарымбаевдин айтканы менен талап кылганы боюнча көрсөтмө берген. Июлдун аягында Нарымбаев да камакка алынган. Кармалгандар соттун чечими менен УКМКнын тергөө абагында кармалып келишкен.

Нариман Түлеевге эки ирет мунапыс колдонулуп, үcтүбүздөгү жылдын 7-май күнү абактан чыккан.

669
Белгилер:
Данияр Нарымбаев, Өмүрбек Текебаев, Хажимурат Коркмазов
Тема:
КР президентинин аппаратынын жетекчиси Данияр Нарымбаевге козголгон кылмыш иши (30)
Тема боюнча
Бишкектин мурунку мэри Нариман Түлеев абактан чыкты
Өлкө башчы Садыр Жапаров Душанбе шаарындагы Кохи Навруз комплексине келди.

Жапаров ШКУ саммитине катышуу үчүн "Кохи Навруз" комплексине келди

48
(жаңыланган 13:56 17.09.2021)
Жапаровду комплекстен Тажикстандын ажосу Эмомали Рахмон тосуп алды. Андан соң саммитке катыша турчу өлкө лидерлери чогуу сүрөткө түшүштү.

БИШКЕК, 17-сен. — Sputnik. Өлкө башчы Садыр Жапаров бүгүн, 17-сентябрда, Шанхай кызматташтык уюмуна (ШКУ) мүчө мамлекеттердин жетекчилеринин кеңешинин отурумуна катышуу үчүн Душанбе шаарындагы "Кохи Навруз" комплексине келди. Бул тууралуу президенттин маалымат кызматы билдирди.

Жапаровду комплекстен Тажикстандын ажосу Эмомали Рахмон тосуп алды. Андан соң саммитке катыша турчу өлкө лидерлери чогуу сүрөткө түшүштү. 

Президент Кыргызстана Садыр Жапаров во время встречи с главной Таджикистана Эмомали Рахмоном в комплексе Кохи Навруз для участия в заседании Совета глав государств-членов Шанхайской организации сотрудничества (ШОС) в Душанбе. 17 сентября 2021 года
© Пресс-служба президента КР / Султан Досалиев
Садыр Жапаровду комплекстен Тажикстандын ажосу Эмомали Рахмон тосуп алды
"Президенттер уюмдун алкагындагы кызматташтыктын актуалдуу маселелерин талкуулоо үчүн жыйындар залына кирип кетишти", — деп айтылат маалыматта.

ШКУ саммитине бирикмеге мүчө мамлекет башчылары катышат. Алар: Кыргызстан, Индия, Казакстан, Пакистан, Россия, Тажикстан жана Өзбекстан. Ошондой эле байкоочу макамы бар мамлекеттердин (Афганистан, Беларусь, Иран жана Монголия) лидерлери да бар. 

Участники и гости саммита заседания Совета глав государств-членов Шанхайской организации сотрудничества (ШОС).
© Пресс-служба президента КР / Султан Досалиев
ШКУ саммитине бирикмеге мүчө-мамлекет башчылары катышат

Мааракелүү саммитке ардактуу мейман катары Түркмөнстандын президенти Гурбангулы Бердымухамедов катышат.

Эске салсак, дагы алты өлкө уюмдун диалог боюнча өнөктөш макамына ээ (Азербайжан, Армения, Камбоджа, Непал, Түркия жана Шри-Ланка).

Бүгүн биринчи жолу Шанхай кызматташтык уюму жана Жамааттык коопсуздук келишими уюмуна мүчө мамлекет башчыларынын жолугушуусу дагы болот.

48
Белгилер:
Кыргызстан, Садыр Жапаров, ШКУ, саммит

Рахмондун сыйын көргөн президенттер. Достук кеченин видеосу

581
(жаңыланган 14:24 17.09.2021)
Өкмөт үйүнүн атайын бөлүнгөн аймагында Эмомали Рахмон конокторго айыл чарба продукцияларынын көргөзмөсүн көрсөткөн.

ЖККУ жана ШКУга мүчө мамлекеттердин Душенбедеги Өкмөт үйүндө өткөн жыйыны аяктагандан кийин Тажикстандын президенти Эмомали Рахмон келген конокторго достук кечесин уюштурду. Бул тууралуу Sputnik Тажикстан агенттиги президенттин маалымат кызматына таянып кабарлады.

  • Президент Таджикистана Эмомали Рахмон организовал неофициальный банкет в честь глав государств — членов ОДКБ и ШОС, а также почетных гостей мероприятий.
    ЖККУ жана ШКУга мүчө мамлекеттердин Душенбедеги Өкмөт үйүндө өткөн жыйыны аяктагандан кийин Тажикстандын президенти Эмомали Рахмон келген конокторго достук кечесин уюштурду
  • Выставка сельскохозяйственной продукции и национальных блюд в резиденции президента Таджикистана Эмомали Рахмона
    Билдирмеге караганда, Өкмөт үйүнүн атайын бөлүнгөн аймагында Эмомали Рахмон конокторго айыл чарба продукцияларынын көргөзмөсүн көрсөткөн
  • Выставка сельскохозяйственной продукции и национальных блюд в резиденции президента Таджикистана Эмомали Рахмона
    Анда мөмө-жемиш, кургатылган жемиш, коон, дарбыз жана өлкөнүн улуттук тамак-ашы өзгөчө кооздолуп коюлган
  • Президент Таджикистана Эмомали Рахмон организовал неофициальный банкет в честь глав государств — членов ОДКБ и ШОС, а также почетных гостей мероприятий.
    Кечеге Беларусь башчысы Александр Лукашенко, Өзбекстандын президенти Шавкат Мирзиёев, Казакстандын башчысы Касым-Жомарт Токаев, Кыргызстандын президенти Садыр Жапаров, Армениянын премьер-министри Никол Пашинян жана Пакистан ислам республикасынын өкмөт башчысы Имран Хан катышты
  • Президент Таджикистана Эмомали Рахмон организовал неофициальный банкет в честь глав государств — членов ОДКБ и ШОС, а также почетных гостей мероприятий.
    Достук кечеси Тажикстандын Эгемендүүлүгүнүн 30 жана Шанхай кызматташтык уюмунун 20 жылдыгына арналган.
1 / 5
ЖККУ жана ШКУга мүчө мамлекеттердин Душенбедеги Өкмөт үйүндө өткөн жыйыны аяктагандан кийин Тажикстандын президенти Эмомали Рахмон келген конокторго достук кечесин уюштурду

Билдирмеге караганда, Өкмөт үйүнүн атайын бөлүнгөн аймагында Эмомали Рахмон конокторго айыл чарба продукцияларынын көргөзмөсүн көрсөткөн. Анда мөмө-жемиш, кургатылган жемиш, коон, дарбыз жана өлкөнүн улуттук тамак-ашы өзгөчө кооздолуп коюлган.

Кечеге Беларусь башчысы Александр Лукашенко, Өзбекстандын президенти Шавкат Мирзиёев, Казакстандын башчысы Касым-Жомарт Токаев, Кыргызстандын президенти Садыр Жапаров, Армениянын премьер-министри Никол Пашинян жана Пакистан ислам республикасынын өкмөт башчысы Имран Хан катышты.

Достук кечеси Тажикстандын Эгемендүүлүгүнүн 30 жана Шанхай кызматташтык уюмунун 20 жылдыгына арналган.

Маалым болгондой, коноктор жылуу, достук маанайда сүйлөшүп, меймандостугу үчүн Тажикстан президентине ыраазычылык билдиришкен.

581
Белгилер:
Тажикстан, ШКУ, ЖККУ, конок, сыйлоо, Эмомали Рахмон
Тема боюнча
ЖККУ жыйыны. Жапаров кыргыз-тажик чек арасы боюнча маселени козгоду
Эмомали Рахмон Жапаровду "Улут сарайынан" тосуп алды. Сүрөт
ЖККУ өлкөлөрү аскердик полиция түзүүнү көздөгөн келишимге кол коюшту
Баткен облусундагы фотокапканга түшүп калган ак илбирстер

Ак илбирс, чүткөр, түлкү… Баткенде фотокапканга түшкөн жаныбарлардын сүрөтү

0
(жаңыланган 14:59 17.09.2021)
Кыргызстандын түштүк аймагындагы эки жаратылыш коругундагы жаныбарларды 40тан ашык фотокапкан тогуз ай бою сүрөткө тарткан.

БИШКЕК, 17-сен. — Sputnik. Баткен облусунда фотокапкан ак илбирс жана башка бир нече жаныбарды тартып алган. Бул тууралуу Германиянын Кыргызстандагы жаратылышты коргоо союзунун (NABU) маалымат катчысы Зарина Эсенбаева билдирди.

Анын айтымына караганда, Лейлек районундагы "Сүрмө-Таш" жана Кадамжайдагы "Саркент" жаратылыш коруктарына 40тан ашык фотокапкан орнотулган.

  • Снежный барс запечатлен на фотоловушке в одном из заповедников в Баткенской области
    Баткен облусунда фотокапкан ак илбирс жана башка бир нече жаныбарды тартып алган.
    © Фото / Немецкий союз охраны природы в Кыргызстане (NABU)
  • Снежный барс запечатлен на фотоловушке в одном из заповедников в Баткенской области
    Лейлек районундагы "Сүрмө-Таш" жана Кадамжайдагы "Саркент" жаратылыш коруктарына 40тан ашык фотокапкан орнотулган.
    © Фото / Немецкий союз охраны природы в Кыргызстане (NABU)
  • Рысь попал на фотоловушку в одном из заповедников в Баткенской области
    20 фотокапкан жаратылыш коругуна, 22си коруктан сырткаркы аймактарга коюлган.
    © Фото / Немецкий союз охраны природы в Кыргызстане (NABU)
  • Рысята попали на фотоловушку в одном из заповедников в Баткенской области
    Тартуу аянты Түркстан тоо кыркаларындагы 100 миң гектар жерди түзөт.
    © Фото / Немецкий союз охраны природы в Кыргызстане (NABU)
  • Рысь попал на фотоловушку в одном из заповедников в Баткенской области
    Фотокапкандар деңиз деңгээлинен 3000 метр бийиктикте дээрлик тогуз ай турду
    © Фото / Немецкий союз охраны природы в Кыргызстане (NABU)
  • Рысь попал на фотоловушку в одном из заповедников в Баткенской области
    2021-жылдын жай айларында NABU-Кыргызстандын мониторинг боюнча адистери "Сүрмө-Таш" жана "Саркент" коруктарынын кызматкерлери менен биргеликте фотокапкандагы сүрөттөрдү чыгарышкан.
    © Фото / Немецкий союз охраны природы в Кыргызстане (NABU)
  • Сурки попали на фотоловушку в одном из заповедников в Баткенской области
    Кадрга ак илбирс, тоо теке, карышкыр, түлкү, кашкулак, каман, чүткөр, суур, коён, гималай улары, кекилик жана башка айбанаттар түшүп калган
    © Фото / Немецкий союз охраны природы в Кыргызстане (NABU)
  • Горные козлы попали на фотоловушку в одном из заповедников в Баткенской области
    NABU филиалынын директору Толкунбек Асыкуловдун айтымында, адистер алдын ала маалыматтарга ээ болду.
    © Фото / Немецкий союз охраны природы в Кыргызстане (NABU)
  • Каменная куница попала на фотоловушку в одном из заповедников в Баткенской области
    Эми сүрөткө түшүп калган ар бир жаныбарды идентификациялоо иши турат.
    © Фото / Немецкий союз охраны природы в Кыргызстане (NABU)
  • Кабан попал на фотоловушку в одном из заповедников в Баткенской области
    "Сүрмө-Таш" мамлекеттик коругу Аңчылык союзунун базасында 2009-жылы түзүлгөн.
    © Фото / Немецкий союз охраны природы в Кыргызстане (NABU)
  • Горностай попал на фотоловушку в одном из заповедников в Баткенской области
    Анын аянты — 66 194 гектар.
    © Фото / Немецкий союз охраны природы в Кыргызстане (NABU)
  • Кеклик попал на фотоловушку в одном из заповедников в Баткенской области
    "Саркент" мамлекеттик коругу 2009-жылы түзүлгөн.
    © Фото / Немецкий союз охраны природы в Кыргызстане (NABU)
  • Кеклики попали на фотоловушку в одном из заповедников в Баткенской области
    Анын аянты — 40 миң гектар.
    © Фото / Немецкий союз охраны природы в Кыргызстане (NABU)
  • Волк попал на фотоловушку в одном из заповедников в Баткенской области
    Баткен облусунда фотокапканга түшүп калган карышкыр
    © Фото / Немецкий союз охраны природы в Кыргызстане (NABU)
  • Дикобразы попали на фотоловушку в одном из заповедников в Баткенской области
    Баткен облусунда фотокапканга түшүп калган кирпи
    © Фото / Немецкий союз охраны природы в Кыргызстане (NABU)
1 / 15
© Фото / Немецкий союз охраны природы в Кыргызстане (NABU)
Баткен облусунда фотокапкан ак илбирс жана башка бир нече жаныбарды тартып алган.
"20 фотокапкан жаратылыш коругуна, 22си коруктан сырткаркы аймактарга коюлган. Тартуу аянты Түркстан тоо кыркаларындагы 100 миң гектар жерди түзөт. Фотокапкандар деңиз деңгээлинен 3000 метр бийиктикте дээрлик тогуз ай турду", — деди Эсенбаева.

Ал белгилегендей, 2021-жылдын жай айларында NABU-Кыргызстандын мониторинг боюнча адистери "Сүрмө-Таш" жана "Саркент" коруктарынын кызматкерлери менен биргеликте фотокапкандагы сүрөттөрдү чыгарышкан.

"Кадрга ак илбирс, тоо теке, карышкыр, түлкү, кашкулак, каман, чүткөр, суур, коён, гималай улары, кекилик жана башка айбанаттар түшүп калган", — деди Эсенбаева.

NABU филиалынын директору Толкунбек Асыкуловдун айтымында, адистер алдын ала маалыматтарга ээ болду.

"Эми сүрөткө түшүп калган ар бир жаныбарды идентификациялоо иши турат. Ак илбирс байырлаган аймак өнөктөш жаратылыш уюмдары менен биргеликте изилденип жатат. Биздин негизги максат — Кыргызстандын аймагындагы илбирстердин санын аныктоо", — деди Асыкулов.

"Сүрмө-Таш" мамлекеттик коругу Аңчылык союзунун базасында 2009-жылы түзүлгөн. Анын аянты — 66 194 гектар.

"Саркент" мамлекеттик коругу 2009-жылы түзүлгөн. Анын аянты — 40 миң гектар.

0
Белгилер:
Кыргызстан, жаратылыш, ак илбирс, фотокапкан, Германиянын жаратылышты сактоо союзунун (NABU)
Тема боюнча
Айнектей болгон осьминог. Сейрек жаныбардын Тынч океандан тартылган видеосу
Саясатташкан айбанаттар. Желек "уурдаган" токой жаныбарынын видеосу