Ак үй. Архив

Өкмөт Centerra Gold Inc. компаниясынын сотко берүү боюнча билдирмесине жооп берди

108
(жаңыланган 18:38 01.06.2016)
Буга чейин Centerra Gold Inc. компаниясы кыргыз өкмөтүн арбитраждык сотко бергенин айткан. Соттун жыйыны Стокгольмдо өтөт.

БИШКЕК, 1-июн. — Sputnik. Кыргыз өкмөтү өз дарегине Centerra Gold Inc. компаниясынын юридикалык кеңешчиси — "Саливан энд Кромвель" юридикалык компаниясынан кат келип түшкөнүн, анда ал компаниянын атынан Кыргызстандын мамлекеттик органдары менен болгон талаш-тартышты арбитраждык сотко берүү ниети тууралуу кабарлаганын маалымдайт. 

Катта канадалык тараптын мамлекеттик органдардын экологиялык талаптары, кенди пайдалануу планын жактыруу жана Кыргызстандын Башкы прокуратурасынын, ошондой эле башка укук коргоо органдарынын "Кумтор Голд Компани" (КГК) ишканасына карата аракеттери боюнча келип чыккан маселелер жана талаштар боюнча жүйөлөр келтирилет.

Кыргыз өкмөтү курчап турган чөйрөнү коргоо маселеси дүйнөдөгү ар бир мамлекет үчүн артыкчылыктуу багыт болуп саналарын, ар бир өлкөдө экологияга байланышкан маселелер курчап турган чөйрөнү коргоонун эл аралык деңгээлде кабыл алынган принциптерине негизделген улуттук мыйзам чыгаруу аркылуу жөнгө салынарын белгилейт.

"Ыйгарым укуктуу мамлекеттик органдардын соттук доосу 2013-жылы экологиялык мыйзамдардын бузулушу боюнча аныкталган фактылардын негизинде жөнөтүлгөн. Ал убакыттан бери доолор бекитилген тартипте республиканын соттук органдарында каралууда", — деп айтылат билдирүүдө.

Министрлер кабинети мындан мурда Centerra Gold Inc. компаниясы менен сүйлөшүүлөрдүн жүрүшүндө өкмөт тараптан экологиялык соттук талашты сотко чейин жөнгө салуу аракеттери болгонун билдирет. Жоопто канадалык тарап менен бир пикирге келише албагандык сүйлөшүүлөр процессинин натыйжасыз жыйынтыкталышынын себептеринин бири болгону айтылат.

"Ошол эле учурда КГК мамлекеттик органдардын экологиялык мыйзамдардын бузулушун жоюу боюнча эскертүүлөрүн этибар алган жок, ал эми Centerra Gold Inc. компаниясынын аталган маселеге кызыгуусу байкалбайт. Башкы прокуратура жана башка укук коргоо органдары да мыйзам тарабынан орнотулган ыйгарым укуктарынын алкагында аракеттенүүдө. Иликтөө иш-чаралары уланып жатат, кандайдыр бир укуктук баа берүү иликтөөлөр толук жыйынтыкталган соң гана болушу мүмкүн", — деп айтылат билдирүүдө.

Учурда өкмөт КРдин мамлекеттик органдары менен болгон талаш-тартышты арбитражга берүү ниети тууралуу кабарламага негизделген Centerra Gold Inc.компаниясынын доолорун тыкыр иликтөөдө. Өкмөт келерки кадамдарын ар тараптуу укуктук талдоонун жыйынтыктарынын негизинде маалымдайт.

Буга катар Centerra Gold Inc. ишканасы компаниянын жалпы акционерлеринин кызыкчылыгы үчүн талаштуу маселелерди чечүү боюнча пикир алмашуу максатында кеңешмелерди өткөрүү мүмкүндүгүн жана ага даяр экендигин жокко чыгарбайт.

Кыргыз өкмөтү конструктивдүү баарлашуу жүргүзүлүүсүн жактайт.

Кыргыз тарап Centerra Gold Inc. компаниясынын башка акционерлери сыяктуу эле финансылык ачыктыктын, учурдагы жана келечектеги экологиялык жана тоо-техникалык маселелердин комплекстүү чечилүүсүнүн негизинде "Кумтөр" долбоорунун туруктуу жана натыйжалуу иш алып баруусуна терең кызыкдар.

Өкмөт "Кумтөр" долбоорун мындан ары ишке ашыруу тууралуу чечим кабыл алууда ачык-айкын иш алып барып, бардык өкмөттүк чечимдер жана аракеттер мамлекеттин жана элдин кызыкчылыгында жүргүзүлөрүн кошумчалайт.

108
Белгилер:
кат, сот, Кумтөр
Тема:
"Кумтөр": Кыргыз өкмөтү менен Centerra Gold Inc. ортосундагы биргелешкен ишкана (71)
Тема боюнча
Centerra Gold Inc. кыргыз өкмөтүн эл аралык сотко берди
Сот "Кумтөр Оперейтинг Компаниге" каршы 6,7 млрд. сомдук доону канааттандырды

Крымдан улам НАТО Россия армиясына тыюу салууга кыялданып келет

116
Йенс Столтенберг НАТО Россиянын кадамдарына карап, ага жооп иретинде Кара деңизге көбүрөөк күчүн жайгаштыра тургандыгын айтты. Бирок Түндүк атлантикалык альянстын башкы катчысы аскердик блоктун күчтөрү Россиянын чек арасында эмне кылып жүргөндүгүн түшүндүргөн жок.

Андан сырткары, Россия эмне үчүн өзүнүн аймагын НАТО тараптан улам арбыган коркутуп-үркүтүүлөрдөн коргобошу керек дегенге да жооп бере алган жок.

Акыркы учурда альянс тараптан Россия чек арасына жакын аймактарда көбөйүп кеткен агрессиялык аракеттер арбыгандыктан, Россия өзүнүн коопсуздугун камсыздаганга аргасыз.

116
Белгилер:
чагымчыл, чек ара, Крым, НАТО, Россия, АКШ
Тема боюнча
НАТО Кара деңизге чыгууда. Альянс Крымда Россияны кысымга алмакчыбы?
Грузиядагы "Татыктуу өнөктөш-2020" аяктады. НАТО аскерлери өлкөдө эмне кылды
Салык кызматынын төрагасы Кабыл Абдалиев. Архив

Артем Новиков Салык кызматынын төрагасы Кабыл Абдалиевге сөгүш берди

123
(жаңыланган 19:04 04.12.2020)
Өлкөнүн башкы салыкчысынын сөгүш алышына "Чалдыбар" көзөмөл-өткөрмө пунктундагы иштер себеп болушу ыктымал.

БИШКЕК, 4-дек. — Sputnik. Өкмөттүн маалымат кызматы Салык кызматынын төрагасы Кабыл Абдалиевге сөгүш берилгенин билдирди.

Анда Абдалиев өзүнө жүктөлгөн милдеттерди талаптагыдай аткарбагандыгы белгиленет.

Тийиштүү буйрукка премьер-министрдин милдетин аткаруучу Артем Новиков кол койгон.

Жакында эле өкмөт башчынын милдетин аткаруучу "Чалдыбар" көзөмөл-өткөрүү пунктунда Салык кызматынын төрагасынын орун басары Искендер Асылкуловго каарын төккөн. Анын ачуусун келтиргени — ноябрдын аягында ишке кирип, товарлардын эсебин ала турган системанын алигече үкөктөн чыгарылбай турганы болгон.

Бирок кийин салык кызматы ал иштерге башка мамлекеттик органдар жооптуу экенин айтып билдирүү тараткан.

123
Белгилер:
Мамлекеттик салык кызматы, сөгүш, өкмөт
Тема боюнча
Новиковго жооп бере албай буйдалган салыкчы. Видео
Новиковдон кагуу жеп буйдалган жетекчи. Салык кызматы түшүндүрмө берди
Бышырылган жумуртка. Архив

Адис: жумуртка диабеттен жабыркагандар үчүн пайдалуу тамак

0
Дарыгерлер жумурткадан жасалган эртең мененки тамак адамды узак убакытка ток кармап, денедеги майдын азайышына өбөлгө болорун белгилешет.

БИШКЕК, 5-дек. — Sputnik. Жумуртка экинчи типтеги диабет менен жабыркагандар үчүн пайдалуу азык. Бул тууралуу РИА Новости Америкалык диабет ассоциациясына шилтеме берип жазды.

Адистер тооктун бир жумурткасында бир граммга жетпеген углевод жана жети граммга жакын белок бар экендигин айтышат. Мындан сырткары, жумуртка нервди жана булчуңдарды чыңдап, жүрөк-кан тамыр системасын жакшыртуучу калийдин булагы экендигин белгилешет.

"Жумуртканы ачкарын такай жеп туруу экинчи типтеги диабет менен жабыркаган адамдардын канындагы глюкозанын деңгээлин жакшыртууга мүмкүн экенин изилдөөлөр көрсөттү", — деп айтылат маалыматта.

Дарыгерлер жумурткадан жасалган эртең мененки тамак адамды узак убакытка ток кармап, ашыкча тамак жеп алуудан сактап, денедеги майдын азайышына өбөлгө болорун белгилешет.

0
Белгилер:
жумуртка, кеңеш, диабет, диета, ден соолук
Тема боюнча
Кант диабети менен ооругандар арзандатылган тесттерди сатып алса болот
Немец диетологдору ачкарын жегенге болбой турган азыктарды атады