Кумтɵр алтын кенинин кызматкери. Архив

"Кумтөрдүн" чоңдоруна жаңы кылмыш ишинин ачылышы боюнча маалыматка УКМК эмне дейт?

72
(жаңыланган 14:02 13.06.2016)
"Кумтɵр Голд Компани" ишканасына буга чейин Башкы прокуратура тарабынан кылмыш иши козголуп, компанияда тинтүү жүргөн.

БИШКЕК, 13-июн. — Sputnik. "Кумтɵр Голд Компани" (КГК) компаниянсынын жетекчилерине Кыргызстандын Башкы прокуратурасы тарабынан жаңы кылмыш иши козголгонун аталган ишкананын сайты жазып чыкты. 

Анткен менен маалыматта кайсыл жетекчилерге карата кылмыш иши козголгону так айтылган эмес. 

"Башкы прокуратура тарабынан КГКнын аты аталбаган бир катар жетекчилерине карата жаӊы кылмыш иши козголду. Аларга кызматтык милдеттерин ашкере пайдаланган, "Кумтɵрдүн" активдерин жоготууга алып барган деген жүйөөлөр менен өлкө кызыкчылыгына зыян келтирүү айыбы тагылууда", — деп жазылат маалыматта. 

Аталган маселе боюнча Sputnik Кыргызстан агенттиги Башкы прокуратуранын маалымат кызматынын өкүлү Алмамбет Абдыраманов менен байланышканда "Кумтөр" боюнча иш толугу менен УКМКга өткөрүлүп берилгенин айтты.

Ал эми УКМКнын маалымат катчысы Рахат Сулайманов "Кумтөр" боюнча тергөө иштер улантылып жатканын айтып, тергөө кызыкчылыгы үчүн маалымат бере албастыгын билдирди. 

Эскерте кетсек, Бишкектин район аралык соту Экологиялык жана техникалык коопсуздук боюнча мамлекеттик инспекциянын "Кумтөр Оперейтинг Компани" (КОК) ишканасына каршы экологиялык дооматтарын канааттандырып, айлана-чөйрөгө зыян келтиргени үчүн аталган компанияны 6 миллиард 698 миллион 290 сом (98,4 миллион доллар) төлөп берүүгө милдеттендирген. Буга чейин дагы бир 663 миң 839 сом өндүрүү боюнча арыз канааттандырылган.

Ал эми 2016-жылдын 3-июнунда "Кумтɵр" тарабынан курчап турган чɵйрɵгө зыян келтирген, ал үчүн 220 миллион доолар кошумча төлөм жүргүзүүсү зарыл деген КРдин Айлана-чɵйрɵнү коргоо жана токой чарбасы мамлекеттик агенттигинин доосу Бишкек шаарынын райондор аралык сотунда каралган. Чечимге ылайык, КГКга мүлкүн же активдерин берүү, дивидендерди бɵлүштүрүү жана тɵлɵп берүүгө, айрым финансылык операцияларды жасоого тыюу салынган. 

Мындан сырткары, КГКнын айрым чет элдик жетекчилерине өлкө аймагынан чыгып кетүүсүнө тыюу салынган. Белгилей кетсек, буга чейин 28-апрель күнү Башкы прокуратура, УКМК, ИИМ жана Экономикалык кылмыштуулукка каршы мамлекеттик кызматы тарабынан КГК ишканасында тинтүү жүргүзүлгөн. 

Ал оротодо Centerra Gold Inc. компаниясы Кыргыз өкмөтүн эл аралык арбитраждык сотко берүүгө ниеттенип жатканын кабарлаган.

72
Белгилер:
кылмыш иши, сот, Centerra Gold Inc, Кумтөр
Тема:
"Кумтөр": Кыргыз өкмөтү менен Centerra Gold Inc. ортосундагы биргелешкен ишкана (71)
Тема боюнча
Сот "Кумтөр Оперейтинг Компаниге" каршы 6,7 млрд. сомдук доону канааттандырды
Профком: "Кумтөрдөгү" абалга байланыштуу 20 миң адам каршылык көрсөтүүгө даяр
Кыргыз-кытай чек арасындагы Эркечтам өткөрүү пункту. Архив

Кытай 3-декабрдан тарта Кыргызстанга көбүрөөк жүк ташууга уруксат берди

55
(жаңыланган 22:55 01.12.2020)
Кытай эртеңден баштап жүк ташыган автоунаалардын санын болжол менен суткасына 30га чейин көбөйтүүгө даяр. Каттамдар күн сайын жүргүзүлүп турат.

БИШКЕК, 1-дек. — Sputnik. Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду. Бул туурасында өкмөттүн маалымат кызматы билдирди.

  • Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду
    Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду
    © Пресс-служба правительства / Алишер Алиев
  • Элчи кыргыз тараптын бир нече ирет кайрылуусуна жана Новиков менен 25-ноябрдагы жолугушуусунан соң Эркечтам жана Торугарт көзөмөл-өткөрүү пунктуларынын өткөрүү жөндөмдүүлүгүн жогорулатуу боюнча бир катар кеңешмелер өткөрүлгөнүн маалымдаган
    Элчи кыргыз тараптын бир нече ирет кайрылуусуна жана Новиков менен 25-ноябрдагы жолугушуусунан соң "Эркечтам" жана "Торугарт" көзөмөл-өткөрүү пунктуларынын өткөрүү жөндөмдүүлүгүн жогорулатуу боюнча бир катар кеңешмелер өткөрүлгөнүн маалымдаган
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду

Элчи кыргыз тараптын бир нече ирет кайрылуусуна жана Новиков менен 25-ноябрдагы жолугушуусунан соң "Эркечтам" жана "Торугарт" көзөмөл-өткөрүү пунктуларынын өткөрүү жөндөмдүүлүгүн жогорулатуу боюнча бир катар кеңешмелер өткөрүлгөнүн маалымдаган. Анын жыйынтыгы менен кытай тарап жумуш убактысын 8ден 12 саатка чейин көбөйтүү, ошондой эле өткөрмө пунктун дем алышсыз иштөө режимине өткөрүүнү сунуштаган.

"Жүк ташыган автоунаалардын саны болжол менен суткасына 30га көбөйөт. Элчи "Эркечтам" өткөрмө пунктундагы инфраструктураны жакшыртуу, өткөрүү жөндөмдүүлүгүн жогорулатуу максатында кытай тарап эки кампа куруу, контейнер үчүн кран орнотуу тууралуу чечимин кабыл алгандыгын кабарлады", — деп айтылат маалыматта.

Новиков маселе ыкчам чечилгени үчүн ыраазычылык билдирип, кыргыз өкмөтү кытай тараптын көзөмөл-өткөрүү пунктуларын жакшыртуу максатында кабыл алынып жаткан бардык аракеттерин колдоого алууга даяр экендигин белгилеген.

Жыйынтыгында премьер-министрдин милдетин аткаруучу Бажы кызматына, УКМКнын Чек ара кызматына өткөрмө бекеттерди кытай тарап менен биргелешип иштөө режимине өткөрүү тапшырмасын берди.

55
Белгилер:
автоунаа, пункт, өткөрмө, Кыргызстан, Кытай
Тема боюнча
Кыргыз-казак чек арасындагы "Каркыра" өткөрмө бекети убактылуу жабылды
Министр Казакбаев КРдеги кытайлык ишкерлер менен жолукту. Эмне талкууланды
ЖККУнун  жыйыны. Архив

ЖККУнун коргоо министрлеринин отуруму өттү. Талкууланган маселелер

53
(жаңыланган 19:43 01.12.2020)
Кыргызстандын атынан Генералдык штабдын жетекчиси Таалайбек Өмүралиев катышты. Отурумдун аягында бир топ документтер кабыл алынды.

БИШКЕК, 1-дек. — Sputnik. Бүгүн Жамааттык коопсуздук келишими уюмуна кирген өлкөлөрдүн коргоо министрлеринин кеңешинин жыйыны өттү. Бул тууралуу Генералдык штабдын маалымат кызматынан кабарлашты.

Кыргызстандын атынан Генералдык штабдын жетекчиси Таалайбек Өмүралиев катышты. Иш-чара Россиянын коргоо министри Сергей Шойгунун төрагалыгы алдында өттү.

Жыйын видеоконференция форматында уюштурулду.

"Иш-чаранын жүрүшүндө ЖККУнун БУУ менен өз ара кызматташуусу, аталган уюмдун алдында тынчтык орнотуучу иштерге катышуу боюнча маселелер талкууланып, пикир алмашуу болду", — деп айтылат маалыматта.

Андан сырткары, жыйындын соңунда ЖККУнун Жамааттык күчтөрүн материалдык-техникалык жана медициналык жактан биргелешип камсыздоо боюнча бир нече документтер макулдашылган. Буга авиациялык тармактын өнүгүшү жана аны изилдөө маселелери, аскердик кызматташууну өнүктүрүүнүн планын кароо кошулган.

Келерки жылы төрагалык кылуу Тажикстанга өтмөкчү.

53
Белгилер:
кызматташуу, ЖККУ, Кыргызстан
Тема боюнча
Кооптуулуктун таасири талкууланды. Мусаев ЖККУ жыйынына катышты