Транспорт жана жолдор министри Замирбек Айдаровго премьер-министр сөгүш жарыялады

© Пресс-служба правительства / Сабыр АильчиевТранспорт жана жолдор министри Замирбек Айдаров. Архив
Транспорт жана жолдор министри Замирбек Айдаров. Архив - Sputnik Кыргызстан
Жазылуу
Буга чейин буга чейин премьер-министр Жээнбеков Бишкектен "Манас" аэропортуна кетчү жолдун оңдоо иштери начар жүргөнүн кыдырып көрүп, аны салып жана текшерген тараптарды зекиген болчу.

БИШКЕК, 11-июл. — Sputnik. Транспорт жана жолдор министри Замирбек Айдаровго премьер-министр Сооронбай Жээнбеков Бишкектен "Манас" аэропортуна кеткен жолдун сапаты начар болгондуктан сөгүш берди. Бул туурасында өкмөттүн маалымат кызматы билдирди.

Белгилей кетсек, буга чейин премьер-министр Жээнбеков аталган жолду оңдоо иштери начар жүргөнүн эске алып, аны аткарган жана ишти текшерген тараптарды зекиген болчу.

Жээнбеков Бишкек — Манас аэропорту жолун жасагандарга сөөмөй кезеди - Sputnik Кыргызстан
Жээнбеков Бишкек — "Манас" аэропорту жолун кайра жасатмай болду
Бүгүн өкмөт башчы жолдорду оңдоо долбоорлорун ишке ашырууга арналган жыйын өткөрдү. Ага биринчи вице-премьер-министр Мухамметкалый Абулгазиев, вице-премьер-министр Жеңиш Разаков, Транспорт жана жолдор министри Замирбек Айдаров, финансы министри Адылбек Касымалиев менен Экология жана техникалык коопсуздук боюнча мамлекеттик инспекциянын директору Канатбек Муратбеков катышты.

Жээнбеков жолдорду оңдоо иштеринин сапатынын төмөндүгү аткаруу бийлигин, өзгөчө транспорт министрлигин коом катуу талкууга алып жатканын айтты. Ошондой эле жолдорду салуу, оңдоо боюнча өткөн тендерлерге да коомчулук нааразы экенин белгиледи.

Айдаров Бишкектен "Манас" аэропортуна кеткен жолду оңдоого кетирилген кемчиликтер аны жасаган компаниянын эсебинен оңдоло турганын айтты. Министр аталган компаниянын кепилдик каты министриликке келип түшкөнүн кошумчалады.

Жаңылыктар түрмөгү
0