Снимок с сайта ГУВД Чуйской области, на фото Капар Батырканов

Чүй облустук милициянын башчысы өз каалоосу менен кызматтан кетти

98
(жаңыланган 16:09 16.07.2016)
Буга чейин Батырканов ишиндеги олуттуу кемчиликтери үчүн иштен алынды деген маалыматтар тараган.

БИШКЕК, 16-июл. — Sputnik. Чүй облустук ички иштер башкы башкармалыгынын жетекчиси Капар Батырканов өз каалоосу менен кызматынан кетти. Бул туурасында аталган башкармалыктын маалымат кызматы билдирди.

Жума күнү ИИМдин маалымат кызматы коллегиянын жыйынтыгы менен ыкчам-кызматтык иштериндеги олуттуу кемчиликтери үчүн бир катар бөлүктөрдүн жетекчилери, анын ичинен Батыркановдун да иштен алынгандыгын кабарлаган.

Бүгүн ИИМден Батырканов кызматтан өз каалоосу менен кетти деп билдиришти.

Чүй облустук ички иштер башкы башкармалыгынын маалымат кызматы ал ишинен өз каалоосу менен кеткендигин маалымдады.

ИИББдин маалымат кызматынын билдиргенине таянсак, биринчи жарым жылдыктын жыйынтыгында Чүй облустук милициянын иши жакшы бааланып, мыкты үчтүктүн бирине кирген.

98
Белгилер:
Капар Батырканов, министр, кызмат, бошотуу
Тема боюнча
Чүй ОИИББдин жетекчиси жана бир катар кызматкерлер кызматтан алынды
Кылмыштуу топ менен ымалада болгон милиция кызматкерлери кызматтан алынды
Владимир Путин Мамдуманын шайлоосуна электрондук система аркылуу добуш берди

Владимир Путин Мамдуманын шайлоосуна онлайн добуш берди

1
Россиянын лидери тегерегиндеги кызматкерлерден коронавирус аныкталгандыктан обочолонууга кеткени кабарланган.

БИШКЕК, 17-сен. — Sputnik. Владимир Путин Мамдуманын шайлоосуна электрондук система аркылуу добуш берди. Бул тууралуу РИА Новостиге президенттин маалымат катчысы Дмитрий Песков билдирген.

"Путин онлайн добуш берди", — деди ал.

Мамлекеттик дума аралаш шайлоо системасы аркылуу беш жылга шайланат. 225 депутат партиялык тизме менен, дагы 225и бир мандаттуу округдан шайланат.

Эске салсак, буга чейин Россиянын президенти Владимир Путин тегерегиндеги кызматкерлерден коронавирус аныкталгандыктан обочолонууга кеткен. Ал Душанбеде өткөн ЖККУ менен ШКУнун саммитине дагы онлайн катышты.

1
Белгилер:
Россия, Владимир Путин, Мамлекеттик Дума, шайлоо
Тема боюнча
Путин коронавирустан улам обочолонуп иштөөгө өттү
Путин ШКУнун террорчулукка каршы түзүмүн күчтөндүрүүнү сунуштады
Улуттук энергохолдингдин экс-жетекчиси Айбек Калиев. Архивдик сүрөт

Жапаров эмненин негизинде Калиев менен Авазовго ырайым берди? Расмий жооп

165
(жаңыланган 19:21 17.09.2021)
Жогорку Кеңештин бир нече депутаты Калиев менен Авазовго ырайым берүүнү сурап президентке өтүнүч кат жиберишкен.

БИШКЕК, 17-сен. — Sputnik. Президенттин маалымат кызматы мамлекет башчы Садыр Жапаров Улуттук энергохолдингдин экс-жетекчиси Айбек Калиев менен "Электр станциялары" ишканасынын мурдагы башкы директору Салайдин Авазовго ырайым бергенин ырастады.

Билдирүүдө Калиев менен Авазов кылган иштерине өкүнүп, өздөрү мамлекет башчысына кайрылганы айтылды. Ошондой эле Жогорку Кеңештин бир нече депутаты аларга ырайым берүүнү сурап президентке өтүнүч кат жиберишкен.

"Чечим кабыл алуунун алдында ырайым кылуу комиссиясы тарабынан кылмыш иши кылдат изилденип, анын жүрүшүндө Айбек Калиев менен Салайдин Авазов кылмыш ишинин негизги фигуранттары болбогону аныкталган. Жогорку Кеңештин депутаттарынын өтүнүч катын карап чыгып, оң мүнөздөмөлөрдү, комиссиянын сунуштарын эске алып, ошондой эле өзүнүн конституциялык укуктарын колдонуп Садыр Жапаров ырайым берүү жөнүндө жарлыкка кол койду", — деп айтылат маалыматта.

Эске сала кетсек, Айбек Калиев 2019-жылы Бишкек ТЭЦин реконструкциялоодогу коррупцияга тийиштиги бар деп айыпталып, үй-мүлкүн мамлекетке алуу менен 15 жылга эркинен ажыратылган. Авазов дагы ошол эле жылы, ошол эле иштин алкагында 11 жыл 3 айга кесилген. Ошондой эле мүлкү конфискацияланып, мамлекеттик кызматтарда үч жылга чейин иштебей турган болгон.

165
Белгилер:
Садыр Жапаров, президент, ырайым берүү, Айбек Калиев, Салайдин Авазов
Тема боюнча
Сурактан чыккан Сулайманов: саясий оюндар байкалат
Жанар Акаев ИИМде сурак берип чыкты