Сот залы. Архив

Сот жыйындарындагы тартипке эми приставдар көз салат

76
Сот приставдары 15 жыл мурун эле иштей башташы керек болчу, бирок бюджеттеги каражаттын тартыштыгынан улам бул мыйзам ишке ашпай келген.

БИШКЕК, 8-авг. — Sputnik. Президент Алмазбек Атамбаев сот приставдарын ишке киргизүү боюнча мыйзамга кол койгонун өлкө башчынын маалымат кызматы билдирди.

Мыйзамда ал соттордун кадыр-баркын бекемдөө жана аларга карата зордук-зомбулук көрсөтүүнүн алдын алуу максатында иштелип чыкканы көрсөтүлгөн.

Мында кылмыш жаза кодексинин 270-беренесине ылайык, приставдар 2001-жылдан тарта иштемек экени, бирок бюджеттеги акчанын тартыштыгынан улам мыйзам ишке ашпай келгени айтылат.

"Норма ушу кезге чейин актуалдуулугун жогото элек. Анткени 2005-жылы жергиликтүү сот жана Жогорку соттун имаратын басып алган окуялар судья, адвокат, күбө жана процесстин башка катышуучуларынын соттолуп жаткандар менен жабырлануучулардын тарапташтарынан коргоого алынбаганын көрсөттү", — деп айтылат билдирүүдө.

Сот приставдары республикалык бюджеттен каржыланмакчы.

76
Белгилер:
акча, мыйзам, сот, Алмазбек Атамбаев
Тема боюнча
Соттор киреше-чыгашасы тууралуу айтып турууга милдеттендирилди
Референдум: Конституция кандайча өзгөрөт?
Пикирлер