Атамбаев Убактылуу өкмөттүн мүчөлөрүн жоопко тартууга чакырды

Жазылуу
Президент Ала-Тоо аянтында сүйлөп жатып гүлдөгөн парламенттик мамлекет болуу үчүн Баш мыйзамды өзгөртүү керектигин айтты.

БИШКЕК, 31-авг. — Sputnik. Президент Алмазбек Атамбаев Убактылуу өкмөт мүчөлөрүн жоопко тартуу керектигин билдирди. 

Празднование 25-летия независимости Кыргызстана в Бишкеке - Sputnik Кыргызстан
Отунбаева Атамбаев Ала-Тоо аянтында сүйлөп жаткан маалда сахнадан кетип калды
Шаршемби күнү мамлекет башчы кыргыз элин эгемендүүлүктүн 25 жылдыгы менен куттуктап, көп кылымдык тарыхы бар кыргыз эли каганаттын түзүлүшүнөн тарта эгемендикке чейин жеткендигин белгиледи. 

Президент Атамбаев Баш мыйзамды өзгөртүү демилгеси чыккандан бери аны күнөөлөгөн тараптар ар кандай айың кептерди чыгарып жатканын айтты. Ал эми Убактылуу өкмөттүн мүчөлөрү президент бийликти узурпация кылгысы келип жатат деген айыптарды коюп жатканын кошумчалады. 

"Булардын бардыгы карандай калп. 2010-жылкы Баш мыйзам аркылуу мамлекет парламенттик башкарууга жете алган жок. Президенттик-парламенттик форма кабылданган. Так ушул себептен баш мыйзамга өзгөртүү киргизүү маанилүү. Мен алардын ич күйдүлүгүн түшүнүп жатам. Алар өмүр бою креслодон ажырагысы келген эмес. Бирок алардын бул максаттары орундалбайт", — деп билдирди Атамбаев. 

Өлкө башчы эртеби-кечпи Убактылуу өкмөттүн мүчөлөрү кылган ишине жооп берүүсү керек экенин белгиледи. Ал мамлекеттин эсебинен байып кетүү үчүн мародерлукка баргандар сөзсүз жоопко тартылуусу керек экенин кошумчалады. 

"Өз убагында алардын бири менден тамекиге акча сурап жүргөн. Эми джип минип калышты. Роза Исаковна, парламент сизди сүйлөтпөгөн учурларды унутуп калдыңызбы? Баш мыйзам кабыл алынгандан кийин деле өлкөдө стабилдүүлүк орноп калган жок. Стабилдүүлүктүн өзү Баш мыйзамдын артынан келген жок", — деп билдирди Атамбаев. 

Празднование 25-летия независимости Кыргызстана в Бишкеке - Sputnik Кыргызстан
Атамбаев Баш мыйзамды өзгөртүүгө Азимжан Аскаровдун иши да себепкер экенин айтты
Президент учурда Баш мыйзамды өзгөртүү зарылдыгы бар экенин белгилөө менен душмандардын тилине кирбей элди өз эрки менен чечим чыгарууга чакырды. 

Атамбаевдин айтымында 1991-жылы эгемендүүлүктүн декларациясы кабыл алынганда элдин жаңы тарыхы башталган. 25 жыл ичинде өлкө ар кандай сыноолорду башынан өткөрдү. Бирок мындай оор жолдон Кыргызстан өзүнүн өнүгүү жолун таба алды. Анын эң негизги жетишкендиги эркиндик болуп эсептелет. Эми мамлекеттин негизги максаты өнүгүп өсүү болуп эсептелет. 

Жаңылыктар түрмөгү
0