Мекен фракциясынын депутаты Каныбек Иманалиевдин архивдик сүрөтү

Иманалиев: атка минерлерди мамлекеттик сырды сактоо курсунан өткөрүш керек

139
(жаңыланган 11:42 29.09.2016)
"Ата Мекен" фракциясынын депутаты маселе чечилбесе, кыргыз элинин келечегине кедергиси тиет деген ойдо.

БИШКЕК, 29-сен. — Sputnik. "Ата Мекен" фракциясынын депутаты Каныбек Иманалиев мамлекеттик кызматкерлерди өлкө сырын сактоо боюнча атайын окутуу керектигин парламентте ар кандай маселелер каралып жатканда айтып чыкты. 

Анын айтымында, акыркы мезгилде өлкө сырын саткандар көбөйүп кеткен.

"Жакында эле мамлекеттик сырды саткандар камалды. Бул өтө жаман көрүнүш. Акыркы 10 жыл ичинде эле канчалаган адамдар бийликке келди. Алардын бирөөсү менен да мамлекеттик сыр боюнча түшүндүрүү иштери (инструктаж) өтүлгөн эмес. Учурда да миңдеген кызматкерлер бар. Ошолорго мамлекеттик сырды сактоо боюнча курстарды өтөлү. Эгерде биз бул маселени чече албасак, кыргыз элинин келечегине кедергиси тиет", — деди Иманалиев.

Эл өкүлү мамлекеттик чыккынчылык менен камалгандар бүткүл республикага көө жаап жатканын кошумчалады.

Эскерте кетсек, мурдагы премьер-министр Амангелди Муралиевдун уулу Алтынбек Муралиев мамлекеттик чыккынчылыкка айыпталган 20 жылга эркинен ажыратылган.

139
Белгилер:
сыр, жаза, Каныбек Иманалиев
Тема боюнча
Сот тыңчылык үчүн шектелген кызматкерди камакка алууга уруксат берди
Амангелди Муралиевдин уулу мамлекеттик чыккынчылык үчүн 12 жылга кесилди
Каршылык акциясын мүчөлөрү. Архив

Бүгүн да Конституцияны өзгөртүүгө каршы жүрүш болду. Видео

47
(жаңыланган 14:48 29.11.2020)
Акциянын катышуучулары Темир жол бекетинин жанына чогулуп, Эркиндик бульвары менен борбордук "Ала-Тоо" аянтына келишти.

БИШКЕК, 29-ноя. – Sputnik. Бишкекте Конституцияны өзгөртүүгө каршы жекшембидеги экинчи тынчтык жүрүшү өтүп жатат.

Акциянын катышуучулары Темир жол бекетинин жанына чогулуп, Эркиндик бульвары менен борбордук "Ала-Тоо" аянтына келишти. Жүрүштүн алкагында "Референдум өтпөсүн!", "Хандык бийликке жол берилбесин!" деген тариздеги лозунгдарды кыйкырып басышты.

Жүрүштүн видеосу "Короче" Telegram каналына жүктөлгөн.

Акцияга жүздөн ашуун адам катышканын байкоого болот. Алар Конституция өзгөртүлсө бийлик бир колго топтолуп каларын белгилешүүдө. Ошондой эле референдум өткөрүүгө караманча каршы болуп жатышат.

Белгилей кетсек, ушундай эле жүрүш мурдагы жекшембиде дагы өткөн болчу.

47
Белгилер:
каршылык, акция, жүрүш, референдум, конституция
Тема:
Жаңы Конституциянын долбоору жана референдум
Тема боюнча
Жапаров референдумга Конституция эмес, башка маселени алып чыгууну сунуштады
Баш мыйзамдын жаңы долбооруна каршы чыккандар борбордук аянтка келишти. Видео
УКМК төрагасы Камчыбек Ташиев. Архив

Үлгүрүш керек... Ооруканада жаткан Камчыбек Ташиев үн катты

1296
(жаңыланган 12:28 29.11.2020)
Ташиев Бишкектеги ооруканалардын биринде дарыланып жатканы 26-ноябрда белгилүү болгон. Анын диагнозу жана ооруканага качан жаткырылганы кабарланган эмес.

БИШКЕК, 29-ноя. — Sputnik. Ооруканада жатат деген УКМК төрагасы Камчыбек Ташиев абалы боюнча социалдык тармактагы баракчасы аркылуу үн катты.

Ал ооруканага жатканын жашырганы менен үч күндөн кийин билинип калганын айтып, колдогондорго ыраазычылык айткан.

"Миңдеген адамдар дуба кылып, каалоолорун айтышты. Мен көпчүлүгүнө жооп бере албадым. Бардыгыңыздарга терең ыраазычылыгымды билдирем, ырахмат айтам. Эми өзүмдүн диагнозумду билем. Менин өмүрүм кыргыз элимдики. Эми мындан да катуураак иштеймин, үлгүрүш керек... ", — деп жазган Ташиев.

Ал Бишкектеги ооруканалардын биринде дарыланып жатканы 26-ноябрда белгилүү болгон. Диагнозу жана ооруканага качан жаткырылганы кабарланган эмес.

1296
Белгилер:
оору, Камчыбек Ташиев, УКМК
Тема боюнча
Жапаров дайындаган кадрлар. Кызматка келген достору, үзөңгүлөштөрү
Кыш мезгили. Архив

Дагы кар жаайбы? Бир жумага карата аба ырайы

0
Бул жумада көпчүлүк аймактарда кар жаап, бирок мурунку аптадагыдай катуу суук болбой турганы айтылды.

БИШКЕК, 29-ноя. – Sputnik. Кыргызгидромет агенттиги алдыдагы аптага карата аба ырайынын божомолун жарыялады.

Ага ылайык, борбор калаада дүйшөмбүдөн бейшембиге чейин күн ачык болот. Ал эми жума күнү мезгил-мезгили менен кар жаашы ыктымал. Батыштан соккон шамалдын ылдамдыгы секундасына 4-9 метрге жетет.

Чүй, Талас облустары

30-ноябрда жана 1-декабрда жаан-чачын жаабайт. 2-3-декабрда Талас облусунун кээ бир райондорунда жана Чүйдүн тоолорунда кар жаайт. Ал эми дыйканчылык аймактарында күн ачык болот. 4-декабрда көпчүлүк жерлерде мезгил-мезгили менен кар жаайт. Жолдорго муз тоңуп, тайгак болот.

Ош, Жалал-Абад, Баткен облустары

30-ноябрда жаан-чачын күтүлбөйт. 1-2-декабрда Ош, Жалал-Абад облустарынын кээ бир райондорунда кар жааса, Баткен облусунда күн ачык болот. Ошондой эле Ош облусунун дыйканчылык аймактарында дагы жаан жаабайт.

3-декабрда түнкүсүн кээ бир райондордо кар жаашы мүмкүн. Эртең менен жана күндүз Жалал-Абад облусунун айрым аймактарында, Ош, Баткен облустарынын тоо этектеринде жана тоолуу жерлеринде кар жаайт. Бирок Ош, Баткен облустарынын өрөөндөрүндө күн ачык болот.

4-декабрда көпчүлүк аймактарда мезгил-мезгили менен кар жаашы ыктымал.

Ысык-Көл облусу

30-ноябрда түнкүсүн кээ бир райондордо кар жаап, күндүзү күн ачык болот. 1-2-декабрда түнкүсүн жаан-чачын болбойт, 2-декабрда күндүз кээ бир райондордо кар жаайт. 3-4-декабрда кээ бир райондордо кар жаашы болжолдонууда.

Ал эми 30-ноябрда түнкүсүн Каракол шаарында кар жаайт, Чолпон-Атада күн ачык болот. 30-ноябрда күндүз жана 1-4-декабрда жаан-чачын күтүлбөйт.

Нарын облусу

30-ноябрда жана 1-декабрда жаан жаабайт, ал эми 2-3-декабрда күндүз кээ бир райондордо кар жаайт. 4-декабрда көпчүлүк аймактарда мезгил-мезгили менен кар жаашы күтүлөт.

5-6-декабрга карата Кыргызстандагы аба ырайынын жакындатылган божомолу

5-декабрда түнкүсүн Ош, Жалал-Абад, Баткен облустарынын көпчүлүк аймактарында, Чүй, Талас, Ысык-Көл, Нарын облустарынын кээ бир райондорунда мезгил-мезгили менен кар жаайт. Күндүз кээ бир райондордо кар жаашы мүмкүн.

6-декабрда тоолуу жерлерге кар түшүп, дыйканчылык аймактарда күн ачык болот. Абанын температурасы бир аз төмөндөйт.

0
Белгилер:
аймак, тоо, күн, жаан, кар, аба ырайы, Кыргызстан
Тема боюнча
Кышында унаадагы күйүүчү майды үнөмдөөнүн жолу айтылды
Декабрга карата аба ырайы. Тоолуу жерлерде суук 34 градуска жетет