Жогорку сот БУУга: Аскаровдун иши боюнча басым жасабагыла

© Sputnik / Табылды КадырбековӨмүр бою эркинен ажыратылган Азимжан Аскаров сот залында. Архив
Өмүр бою эркинен ажыратылган Азимжан Аскаров сот залында. Архив - Sputnik Кыргызстан
Жазылуу
Жогорку сот Азимжан Аскаровдун иши ачык-айкын өткөндүгүн айтып, көз карандысыз өлкөнүн сот системасына эл аралык уюмдардын кийлигишүүгө укугу жок экенин эскертти.

БИШКЕК, 31-янв. — Sputnik. Жогорку сот БУУ комитетинин Азимжан Аскаров боюнча айткан нааразычылыгына жооп кайтарды. Бул тууралуу аталган мекемеден билдиришти.

Эске сала кетсек, БУУнун адам укуктары боюнча комиссары Зейд Раад Аль Хуссейн Кыргызстан сотунун Азимжан Аскаровду өмүр бою эркинен ажыратуу чечимин күчүнө калтырганына кабатырланып жатканын айткан. 

"Аскаровдун иши айкын, ачык каралды. Ага эл аралык укук коргоочулар, журналисттер жана Аскаровдун адвокаттары катышып, эч кандай мыйзам бузуу болгон жок. Конституциянын 93-94-беренелерине ылайык, эл аралык уюмдардын сотторго басым жасоого укугу жок. Андыктан маселени саясатташтырып, сотторго басым жасоо туура эмес", — деп жазылат маалыматта.

Өмүр бою эркинен ажыратылган укук коргоочу Азимжан Аскаровдун архивдик сүрөтү - Sputnik Кыргызстан
Азимжан Аскаров: көзүм өтүп кетсе, аялым менен укук коргоочуларга кабарлап койгула
Аскаров 2010-жылы улут аралык чыр тутантууга айыпталып өмүр бою эркинен ажыратылган. Ал Бишкек — Ош унаа жолун тосууну уюштургандардын катарында болгону айтылат. Куралсыз 13 милиция кызматкери каршылыкка чыккан элге түшүндүрүү иштерин жүргүзүп жаткан маалда башаламандык жараткандар аларды сабап, милиция кызматкерин өлтүрүп, мыкаачылык менен өрттөп жиберишкен.

Буга чейин айрым эл аралык уюмдар Аскаровду бошотуу талабы менен кайрылып, 2016-жылдын июль айында Германиянын канцлери Ангела Меркелден да Кыргызстанга болгон сапарында Аскаровду бошотууга жардам берүүсүн суранган. Сот Аскаровдун күнөөсү далилденгенин билдирди. Ал улуттар аралык жаңжалды козутуу, баш аламандык жана адам өлтүрүүгө катыштыгы бар деп айыпталган.

Жаңылыктар түрмөгү
0