Түркия кулаган учактагы жүк Атамбаевге тиешелүү деген маалыматты четке какты

© Sputnik / Табылды КадырбековСотрудники МЧС на месте крушения самолета недалеко от аэропорта "Манас"
Сотрудники МЧС на месте крушения самолета недалеко от аэропорта Манас - Sputnik Кыргызстан
Жазылуу
Метин Кылыч Түркиянын атайын кызматтары эч кимге өз логотиби менен документтерди бербей турганын айтты.

БИШКЕК, 1-мар. — Sputnik. Түркиянын Кыргызстандагы элчиси Метин Кылыч 16-январда Бишкектин жанына кулаган учактагы жүк Алмазбек Атамбаевге тиешелүү деген кепти четке какты. Бул тууралуу КР Тышкы иштер министрлигинин маалымат кызматынан билдиришти.

ТИМ жетекчиси Эрлан Абдылдаев элчи менен жолугуп, жүктүн КР президентине тиешеси бардыгы тууралуу ЖМКлардагы маалыматты тастыктап же төгүндөп берүүсүн суранган.

"Бул чындыкка туура келбейт. Түркиянын атайын кызматтары мындай иштешпейт, өзгөчө өз логотиби менен документтерди эч кимге беришпейт. Түркияны бул талаш-тартышка аралаштыргысы келген бирөөлөр бар болсо керек. Түркия эч качан башка мамлекеттердин ички саясатына кийлигишпейт", — деди элчи.

Буга чейин Текебаевдин адвокаты Таалайгүл Токтакунова 16-январда Бишкектин жанына кулаган учактагы жүк Алмазбек Атамбаевге тиешелүү экенин далилдеген документтерди түрк бийлиги депутатка бергендигин айтып чыккан.

Дача айылындагы авиакырсыктан кийин кандай иштер жасалганын Sputnik Кыргызстан агенттиги даярдаган материалдан окуңуздар>>

Жаңылыктар түрмөгү
0