Назарбаев: 2010-жылы чек араны аргасыз жапканбыз, окуя кайталанса дагы жабабыз

© Sputnik / Табылды КадырбековКазакстан президенти Нурсултан Назарбаевдин архивдик сүрөтү
Казакстан президенти Нурсултан Назарбаевдин архивдик сүрөтү - Sputnik Кыргызстан
Жазылуу
Коңшу өлкөнүн президенти 2010-жылдагы Кыргызстандагы окуяны эстеп, кыргыз менен казак бир тууган экенин белгиледи.

БИШКЕК, 18-мар. — Sputnik. Казакстан президенти Нурсултан Назарбаев бир катар ЖМКларга интервью берип жатып, Кыргызстандын президенти Алмазбек Атамбаевдин 2010-жылдагы окуя боюнча айткандарына түшүндүрмө берген. Бул тууралуу Sputnik Казакстан агенттиги билдирди. 

Бир ай мурун Атамбаев Euronews телеканалына интервью берип жатып, "2010-жылы Казакстан 1,5 айга чек арасын жаап койгондон кийин бизде адам өлүмү катталган" деп айткан. 

Назарбаев мындай билдирүүлөргө көп көңүл буруунун кажети жок экенин белгилеген.

"Кыргыз менен казак бир тууган эл… Биз ошондой эле коңшу өлкө болуп да саналабыз. Өлкө башчылары, президенттер келет-кетет, бирок эл калат. Андыктан буга өзгөчө деле көңүл буруунун кереги жок. Азыр аларда шайлоо өтүп жатат, баары өзгөрөт, мындай кырдаалда ар түрдүү учур боло берет", — деп жооп берген казак эл башчысы.

Анын айтымында, Кыргызстанда мыйзамдуу президентти тактыдан алып түшүп, өлкөдөн кууп салгандан кийин түрмөлөрдөн көп киши чыгарылган.

Рабочая поездка Алмазбека Атамбаева в Казахстан - Sputnik Кыргызстан
Казакстандын ТИМи Атамбаевдин айткандарын көбүртүп-жабыртпоого чакырды
"Соттолгондор биз тарапка келе жаткандыктан чек араны жабууга аргасыз болгонбуз. Эгер ушундай кырдаал дагы болуп кетсе, биз кайрадан чек араны жабабыз. Мындай кырдаалда кайсы өлкө болбосун чек арасын жабат. Азыр Түркия да чек арасын жаап жатат. Ошол учурда Кыргызстан менен чектеш Өзбекстан, Тажикстан деле чек арасын бекиткен. Бул учурда күнөөлүүлөрдү издеп кереги жок, анткени күнөө ошол өлкөнүн өзүндөгү кырдаалда болгон", — деп түшүндүргөн Назарбаев.

Өлкө башчысы Казакстан аркылуу мурдагы президент Курманбек Бакиевди алып өтүшкөнүн эскерте кеткен.

"Жарандык согуш чыгып кетпесин деп мен Бакиевди алып чыккам. Алар Бишкекке барарда куралчан топтор толуп кеткен. Отунбаева мага Бакиевди алып чыгууну суранып кат жазганда, мен аны алып кетүүгө аскер адамдарын жана тик учак жибергем", — деди Назарбаев 2010-жылкы Кыргызстандагы окуяны эстеп.

Казак президенти "саясатчы адамдын териси пилдикиндей калың болуш керек" экенин, "мындай учурларга маани берүүнүн кажети жок" экенин кошумчалаган. Ал ошондой эле Казакстан ар дайым Кыргызстанга жардам берерин айтып, 2010-жылдагы Ош окуясында эки мектептин курулушун каржылап бергенин эскерткен.

Жаңылыктар түрмөгү
0