ЖМК: Трамптын штабынын экс-башчысы кыргыз банктары аркылуу акча адалдаган

© AP Photo / Mary AltafferБывший глава предвыборной кампании Дональда Трампа Пол Манафорт
Бывший глава предвыборной кампании Дональда Трампа Пол Манафорт - Sputnik Кыргызстан
Жазылуу
Украинанын экс-президенти Янукович Белизде катталып, эсеби Бишкекте ачылган оффшордук компаниялар тарабынан ири суммаларды адалдаганы айтылууда.

БИШКЕК, 22-мар. — Sputnik. АШКнын президенти Дональд Трамптын шайлоо кампаниясынын мурдагы жетекчиси Пол Манафорт Украинанын экс-президенти Виктор Янукович менен биргеликте көмүскө бухгалтерия жүргүзгөнү үчүн айыпталып жатат. Ал каражатты эсеби Бишкекте ачылган белиздик оффшордук компаниялар тарабынан адалдаганын Associated Press агенттиги жазып чыкты. 

Известный австралийский миллиардер и политик Клайв Палмер - Sputnik Кыргызстан
ЖМК: кыргызстандык аялга 1 млн. доллар которгон австралиялык миллиардер сотко берилди
Кечээ Жогорку Раданын депутаты Сергей Лещенко Киевде брифинг өткөрдү. Анда ал өзүнүн жеке иликтөөсүнүн жыйынтыгы менен бөлүшкөн. Депутаттын маалыматтарына караганда, Виктор Янукович президент болуп турган чакта өзүнүн кеңешчиси, политтехнолог Пол Манафорттун көрсөткө кызматы үчүн акыны күмөн жараткан банктар менен оффшордук юрисдикциялар аркылуу төлөп турган. Эл өкүлү билдиргендей 2009-жылдын октябрь айында Манофорт компьютер жабдыктарын жеткиримиш болуп, Белизде катталып кыргыз банктарынын биринде эсеби бар оффшордук компания тарабынан ири суммага ээ болгон.

"750 миң долларлык каражат Манафорттун саясий кеңештери үчүн эмес, 501 даана компьютердик жабдыктарды саткандыгы үчүн которулган. Манафортко бул каражат Вирджиниядагы эсебине Украинадан же Белизден эмес, Кыргызстандан которулган", — деди Лещенко.

Эл өкүлүнүн айтымында, бул мыйзамсыз төлөмдөрдүн схемасынын бири болгон.

Ал эми Манафорттун өкүлү Жейсон Мэлони америкалык политтехнологго тагылып жаткан айыптардын бардыгын четке кагып, депутаттын билдирүүлөрү негизсиз экенин белгиледи.

Sputnik Кыргызстан редакциясы аталган маселе боюнча Мамлекеттик финансылык чалгындоо кызматына кайрылганда алар Улуттук банкка кайрылууну сунуштады. Учурда банкка сурам жөнөтүлдү.

Рабочий красит фасад здания банка. Архивное фото - Sputnik Кыргызстан
"Айыл банк" жаңы кеңсесинин ижарасына 21 млн. сом төлөмөкчү. Ысырапкорчулукпу же...
Манафорт 2016-жылдын август айында Трамптын шайлоого карата штабынын жетекчилик кызматынан өз каалоосу менен кеткен. Анын себептери ачыкталган эмес. ЖМКлар Манафорт 2007-2012-жылдары Януковичтен мыйзамсыз түрдө 12,7 миллион доллар алгандыгы үчүн кетиши мүмкүн экенин жазып чыккан.

67 жаштагы Пол Манафорт америкалык шайлоо кампанияларынын активдүү катышуучусу болуп эсептелет. Ал Трамптан сырткары, Жон Маккейн, Боб Доул жана Бушдарга кеп-кеңеш берип келген. Ал эми чет элдик кардар катары филиппиндик диктатор Фердинанд Маркос менен баңгизат жүгүртүүгө айыпталган багамдык премьер-министр Линден Пиндлинг болгон.

Жаңылыктар түрмөгү
0