Экс-государственный секретарь США Хиллари Клинтон. Архивное фото

Сыр кат! Клинтон 2010-жылдын 8-апрелинде Кыргызстанды ким жетектей турганын билген

3860
(жаңыланган 22:40 31.03.2017)
АКШнын мамлекеттик департаментинин сырдуу маалымат булагы эмне себептен Роза Отунбаева Убактылуу өкмөттү жетектеп калганын айтып берген. Булак оппозиция лидерлери менен баарлашып турганын билдирген.

БИШКЕК, 31-мар. – Sputnik. 2010-жылдын 7-апрелинде Кыргызстанда болуп өткөн революциядан кийин АКШнын ошол убактагы мамлекеттик катчысы (тышкы иштер министри) Хиллари Клинтон Кыргызстан жөнүндө кат алган. Бул тууралуу АКШнын Judicial Watch өкмөттүк текшерүү тобунун маалыматтарында айтылган. 

Judicial Watch АКШнын мамлекеттик департаментинин (АКШнын тышкы иштер министрлиги) 1 184 беттен турган документтерин ачыкка чыгарган. Алардын ичиндеги 29 кат АКШнын ошол убактагы мамлекеттик катчысы Хиларри Клинтондун жеке электрондук почтасынан табылган. Ошол каттардын арасында Клинтондун кеңешчиси Сидней Блументалдан 2010-жылдын 8-апрелинде саат 9.58де келген кат болгон. Анда “Өтө маанилүү, Кыргызстандагы абал тууралуу маалымат” деп жазылган. 

Кат башка адам тарабынан жазылган. Бирок анын аты айтылган эмес. Анда жазылган маалымат боюнча ал адам 7-апрелдин эртеси эле Кыргызстанды башкара баштаган жаңы жетекчилик тууралуу маанилүү маалыматка ээ экендиги айтылган. 

"Менин досум----------- (аты жашырылган. – Ред.), канчалаган жылдар аралыгында Кыргызстандагы беделдүү адамдар менен мамиле курууга жетишти. Ал акыркы 72 саат ичинде мамлекеттин жогорку жетекчилиги менен тыгыз байланышта болуп, мага төмөнкүдөй кат жиберди", — деп Клинтондун мурдагы кеңешчиси жазып жиберген. 

Блументалдын "Сырдуу досу" Кыргызстандын бардык жетекчилери менен тааныш экенин айтып, Роза Отунбаеванын ысымын дагы атаган (Отунбаева убактылуу өкмөттү башкарып турган, кийин өткөөл мезгилдин президенти болду. 2011-жылы анын ордуна Алмазбек Атамбаев келген).

"Мен Кыргызстанда 1991-жылдан бери иштеп келем. Бул убакыт аралыгында Кыргызстандын үч лидери менен таанышууга жетиштим. Алгач Аскар Акаев менен 1990-жылы Москвадан таанышкам. Курманбек Бакиев менен 1993-жылы Жалал-Абаддан жана Роза Отунбаева менен 1992-жылы Бишкектен таанышкам. Мен ар бири менен ар кандай маселелер боюнча сүйлөшүүлөрдү жүргүзгөм", — деп аты белгисиз адам жазган. 

Андан кийин каттын автору оппозиция лидерлери менен төңкөрүштүн уюштуруучулары эмне себептен Роза Отунбаевага токтолуп, мамлекеттин тизгинин карматышканын түшүндүрүп берген. 

"Оппозициялык күчтөрдүн Отунбаеваны тандашына бир нече себептер болгон. Алардын ичинен Отунбаева чет мамлекеттер тарабынан сый урматка ээ болгон жалгыз фигура эле. Ошондой эле кыргыз эли аны “жоогазын” революциясы (2005-жыл) менен ассоциация кылып келет. Отунбаева Бакиевди ачык сындап, өзүнүн идеяларын коргогон жалгыз лидер болчу. Мындан тышкары, ал өзү дагы коррупциялык иштерден алыс болгон. Бирок ага ички колдоо жетишпегендиктен башка талапкерлер аны коркунуч катары эсептешкен эмес. Ушул факторлорду эске алган айрым оппозиция лидерлери Отунбаеваны мамлекеттин убактылуу башчысы кылуу чечими чыгарылганын билдиришти", — деп жазган. 

Катта Кыргызстандын жаңы жетекчисинин кесипкөйлүгүнө дагы баа берилген. Отунбаева карьерасын Кыргыз ССРнин ТИМинен баштаган. Ошол маалдагы СССРдин тышкы иштер министри Эдуард Шеварнадзе Отунбаеваны өзүнүн мураскери катары көргөнү айтылган. Блументалдын сырдуу досу ага бул тууралуу маалыматты 2002-жылы кабарлаган. 

Белгилей кетсек, 1989-жылы Отунбаеваны Москвага Шеварднадзе алып кеткенден кийин СССРдин ЮНЕСКОдогу өкүлү болуп иштеген. 

Каттын соңунда АКШнын экс-мамлекеттик катчысынын жардамчысынын сырдуу досу оппозициялык партиялардын лидерлеринин айткандарын жазып жиберген. 

"Мен баарлашып турган оппозиция лидерлери Бакиевдин отставкасын күтүп жатышкан. Алар парламентти таркатып, Роза Отунбаева баштаган убактылуу өкмөттү түзүүнү көздөшкөн. Көпчүлүк оппозициялык фигуралар Отунбаеваны президенттике ийгиликтүү талапкер катары көрүшкөн жок. Себеби ал парламенттик шайлоодо жакшы жыйынтык көрсөтө алган эмес. Текебаевдин дагы талапкерлиги күтүлгөн. Бирок ошентсе да Отунбаева өткөөл мезгилде өзүн жакшы көрсөтүп, лидер болууга мүмкүнчүлүгү бар деген пикирлер дагы жаралды. Мындан тышкары, чет элдик державалар менен болгон мамиле солгундап жаткандай сезилгендиктен Отунбаеванын бедели жогорулай тургандыгы белгиленген. Бул адамдын статусу жана тажрыйбасы болгондуктан чет мамлекеттер менен болгон көйгөйлөрдү чече ала турган жалгыз фигура экенин оппозициядагылар билип турган", — деп каттын жыйынтыктоочу бөлүгүндө жазылган. 

Клинтондун кат жазышуулары боюнча ызы-чуу анын 2009-2013-жылдары дипломаттык ведомстводо иштеп турган маалында, каттарды жеке электрондук почтасынан жиберип турганы маалым болгондо чыккан. Американын администрациясынын эрежелери боюнча каттар өкмөттүк даректен гана жиберилиши зарыл. 

3860
Белгилер:
кат, сыр, революция, Хиллари Клинтон, АКШ, Кыргызстан
Тема боюнча
АКШнын мамдепартаменти Хиллары Клинтондун дагы 5,5 миң электрондук катын ачыкка чыгарды
Клинтондун жашыруун кат алышуусу: Блэр Каддафини коргоого аракет кылган
Каршылык акциясын мүчөлөрү. Архив

Бүгүн да Конституцияны өзгөртүүгө каршы жүрүш болду. Видео

55
(жаңыланган 14:48 29.11.2020)
Акциянын катышуучулары Темир жол бекетинин жанына чогулуп, Эркиндик бульвары менен борбордук "Ала-Тоо" аянтына келишти.

БИШКЕК, 29-ноя. – Sputnik. Бишкекте Конституцияны өзгөртүүгө каршы жекшембидеги экинчи тынчтык жүрүшү өтүп жатат.

Акциянын катышуучулары Темир жол бекетинин жанына чогулуп, Эркиндик бульвары менен борбордук "Ала-Тоо" аянтына келишти. Жүрүштүн алкагында "Референдум өтпөсүн!", "Хандык бийликке жол берилбесин!" деген тариздеги лозунгдарды кыйкырып басышты.

Жүрүштүн видеосу "Короче" Telegram каналына жүктөлгөн.

Акцияга жүздөн ашуун адам катышканын байкоого болот. Алар Конституция өзгөртүлсө бийлик бир колго топтолуп каларын белгилешүүдө. Ошондой эле референдум өткөрүүгө караманча каршы болуп жатышат.

Белгилей кетсек, ушундай эле жүрүш мурдагы жекшембиде дагы өткөн болчу.

55
Белгилер:
каршылык, акция, жүрүш, референдум, конституция
Тема:
Жаңы Конституциянын долбоору жана референдум
Тема боюнча
Жапаров референдумга Конституция эмес, башка маселени алып чыгууну сунуштады
Баш мыйзамдын жаңы долбооруна каршы чыккандар борбордук аянтка келишти. Видео
УКМК төрагасы Камчыбек Ташиев. Архив

Үлгүрүш керек... Ооруканада жаткан Камчыбек Ташиев үн катты

1336
(жаңыланган 12:28 29.11.2020)
Ташиев Бишкектеги ооруканалардын биринде дарыланып жатканы 26-ноябрда белгилүү болгон. Анын диагнозу жана ооруканага качан жаткырылганы кабарланган эмес.

БИШКЕК, 29-ноя. — Sputnik. Ооруканада жатат деген УКМК төрагасы Камчыбек Ташиев абалы боюнча социалдык тармактагы баракчасы аркылуу үн катты.

Ал ооруканага жатканын жашырганы менен үч күндөн кийин билинип калганын айтып, колдогондорго ыраазычылык айткан.

"Миңдеген адамдар дуба кылып, каалоолорун айтышты. Мен көпчүлүгүнө жооп бере албадым. Бардыгыңыздарга терең ыраазычылыгымды билдирем, ырахмат айтам. Эми өзүмдүн диагнозумду билем. Менин өмүрүм кыргыз элимдики. Эми мындан да катуураак иштеймин, үлгүрүш керек... ", — деп жазган Ташиев.

Ал Бишкектеги ооруканалардын биринде дарыланып жатканы 26-ноябрда белгилүү болгон. Диагнозу жана ооруканага качан жаткырылганы кабарланган эмес.

1336
Белгилер:
оору, Камчыбек Ташиев, УКМК
Тема боюнча
Жапаров дайындаган кадрлар. Кызматка келген достору, үзөңгүлөштөрү
Кыш мезгили. Архив

Дагы кар жаайбы? Бир жумага карата аба ырайы

0
Бул жумада көпчүлүк аймактарда кар жаап, бирок мурунку аптадагыдай катуу суук болбой турганы айтылды.

БИШКЕК, 29-ноя. – Sputnik. Кыргызгидромет агенттиги алдыдагы аптага карата аба ырайынын божомолун жарыялады.

Ага ылайык, борбор калаада дүйшөмбүдөн бейшембиге чейин күн ачык болот. Ал эми жума күнү мезгил-мезгили менен кар жаашы ыктымал. Батыштан соккон шамалдын ылдамдыгы секундасына 4-9 метрге жетет.

Чүй, Талас облустары

30-ноябрда жана 1-декабрда жаан-чачын жаабайт. 2-3-декабрда Талас облусунун кээ бир райондорунда жана Чүйдүн тоолорунда кар жаайт. Ал эми дыйканчылык аймактарында күн ачык болот. 4-декабрда көпчүлүк жерлерде мезгил-мезгили менен кар жаайт. Жолдорго муз тоңуп, тайгак болот.

Ош, Жалал-Абад, Баткен облустары

30-ноябрда жаан-чачын күтүлбөйт. 1-2-декабрда Ош, Жалал-Абад облустарынын кээ бир райондорунда кар жааса, Баткен облусунда күн ачык болот. Ошондой эле Ош облусунун дыйканчылык аймактарында дагы жаан жаабайт.

3-декабрда түнкүсүн кээ бир райондордо кар жаашы мүмкүн. Эртең менен жана күндүз Жалал-Абад облусунун айрым аймактарында, Ош, Баткен облустарынын тоо этектеринде жана тоолуу жерлеринде кар жаайт. Бирок Ош, Баткен облустарынын өрөөндөрүндө күн ачык болот.

4-декабрда көпчүлүк аймактарда мезгил-мезгили менен кар жаашы ыктымал.

Ысык-Көл облусу

30-ноябрда түнкүсүн кээ бир райондордо кар жаап, күндүзү күн ачык болот. 1-2-декабрда түнкүсүн жаан-чачын болбойт, 2-декабрда күндүз кээ бир райондордо кар жаайт. 3-4-декабрда кээ бир райондордо кар жаашы болжолдонууда.

Ал эми 30-ноябрда түнкүсүн Каракол шаарында кар жаайт, Чолпон-Атада күн ачык болот. 30-ноябрда күндүз жана 1-4-декабрда жаан-чачын күтүлбөйт.

Нарын облусу

30-ноябрда жана 1-декабрда жаан жаабайт, ал эми 2-3-декабрда күндүз кээ бир райондордо кар жаайт. 4-декабрда көпчүлүк аймактарда мезгил-мезгили менен кар жаашы күтүлөт.

5-6-декабрга карата Кыргызстандагы аба ырайынын жакындатылган божомолу

5-декабрда түнкүсүн Ош, Жалал-Абад, Баткен облустарынын көпчүлүк аймактарында, Чүй, Талас, Ысык-Көл, Нарын облустарынын кээ бир райондорунда мезгил-мезгили менен кар жаайт. Күндүз кээ бир райондордо кар жаашы мүмкүн.

6-декабрда тоолуу жерлерге кар түшүп, дыйканчылык аймактарда күн ачык болот. Абанын температурасы бир аз төмөндөйт.

0
Белгилер:
аймак, тоо, күн, жаан, кар, аба ырайы, Кыргызстан
Тема боюнча
Кышында унаадагы күйүүчү майды үнөмдөөнүн жолу айтылды
Декабрга карата аба ырайы. Тоолуу жерлерде суук 34 градуска жетет