Шаардык сот Текебаевдин иши боюнча райсоттун чечимин күчүндө калтырды

© Sputnik / Табылды КадырбековЖогорку Кеңештин депутаты Өмүрбек Текебаевдин архивдик сүрөтү
Жогорку Кеңештин депутаты Өмүрбек Текебаевдин архивдик сүрөтү - Sputnik Кыргызстан
Жазылуу
21-апрель күнү Биринчи Май райондук соту эл өкүлү Өмүрбек Текебаевди 25-майга чейин камакта калтырган.

БИШКЕК, 4-май — Sputnik. Бишкек шаардык соту Жогорку Кеңештин депутаты Өмүрбек Текебаевдин баш коргоо чарасын өзгөртүү боюнча анын жактоочусунун арызын карап, Биринчи Май райондук соттун чечимин күчүндө калтырды. Бул тууралуу партиянын юристи Таалайгүл Токтакунова Sputnik Кыргызстан агенттигине билдирди.

Буга чейин депутаттын жактоочулары Текебаевди үй камагына чыгаруу боюнча доо арыз менен шаардык сотко кайрылган.

"Бишкек шаардык соту Текебаевдин баш коргоо чарасын карап, Биринчи Май райондук сотунун эл өкүлүн 25-майга чейин камакта калтыруу чечимин күчүндө калтырды", — деди Токтакунова.

Экс-депутат Садыр Жапаровдун архивдик сүрөтү - Sputnik Кыргызстан
Шаардык сот Садыр Жапаровдун иши боюнча райсоттун чечимин өзгөрткөн жок
Юрист эми беш күндүн ичинде Жогорку сотко көзөмөл арыз менен кайрыларын айтып, ал жактан Биринчи Май райондук соту менен Бишкек шаардык сотунун чечимдери карала турганын кошумчалады. Ошондой эле Текебаевди колдоо боюнча митингдер улана берерин айтты.

2017-жылдын 25-февралында Башкы прокуратура "Ата Мекен" фракциясынын лидери Өмүрбек Текебаевге жана башка адамдарга карата КР Кылмыш жаза кодексинин 303-беренесинин 1-бөлүмү (коррупция) жана 166-беренесинин 4-бөлүмүнүн 2-3-пункттарында (алдамчылык) камтылган белгилер боюнча кылмыш ишин козгоп, ошол эле күнү УКМКнын Тергөө башкармалыгына өткөрүп берген.

21-апрель күнү Биринчи Май райондук соту эл өкүлү Өмүрбек Текебаевди 25-майга чейин камакта калтырган.

Жаңылыктар түрмөгү
0