Жогорку Кеңещтин төрагасы Чыныбай Турсунбеков

Ажолукка аттанчулар, оппозиция жана бийликтеги тең салмактуулук. ЖК төрагасы менен маек

1170
(жаңыланган 18:33 17.05.2017)
Sputnik Кыргызстан радиосу 16-майдан тарта күндүзгү эфирлерин обого чыгарды. "Ачык кеп" программасынын алкагында алгачкы конок катары Жогорку Кеңештин төрагасы Чыныбай Турсунбеков чакырылып, угармандардын суроолоруна жооп берди. Төмөндө маектин тексттик варианты сунушталат.
Турсунбеков: КСДПда президенттикке талапкер болууга татыктуулар көп

— Учурда Жогору Кеңеш (ЖК) президенттин кол жоолугуна айланды, өз позициясын билдирбейт деген пикирлер көп. Буга кандай жообуңуз бар?

— Туура, коомдо мындай пикирлер бар. Бирок бул пикирлердин баары эле объективдүү деп айтуудан алысмын. Парламентте көп эле маселелер көтөрүлүп келген. Ал маселелер регламент боюнча талкууланат. Дал ушул талкуу учурунда парламент мүдүрүлүп калса, бул жалпы ЖКнын күнөөсү эмес, айрым бир депутаттардын позициясынын күчтүүлүгү.

Парламент баарын башкарып кетет дегенден алыс болуп, өткөөл доордо экенибизди баса белгилеп коюу керек. Биз баарыбыз 2010-жылга чейин президенттик башкарууга, үй-бүлөнүн мамлекеттик иштерге аралашуусуна күбө болгонбуз. Бул оорудан дарылануу үчүн көп убакыт керек экинин кырдаал көрсөтүп турат. Бирок 2010-жылдагы жагдай биринчи кезекте тартипти талап кылган. Таразанын ташындай болуп токтобой турган кырдаалдан өтүп бара жатабыз. Буюрса акырындап токтойт. Президенттик шайлоодон кийин баары өз ордуна келет.

— Төрага болор алдында "бул кызматка барбайм, бийликте тең салмактуулук болушу керек" деп айттыңыз эле…

— Менин оюм чынында ошондой болчу. Чын дилимден көпчүлүк коалициядан аттанып жаткандардын бири утса экен деп аракет кылгам. Ага баарыңар күбөсүңөр. Бирок кырдаал өзүнүн өзгөртүүлөрүн киргизип, эки талапкер (Канат Исаев, Бакыт Төрөбаев — ред.) тең өтпөй калды. Андан соң баары менин талапкерлигиме токтолушту. Эки оппозициялык фракция менин талапкерлигимди алып чыкса, коалиция кайда качат? Анан айла жок мага токтолушту. Баса белгилеп кетчү жагдай, оппозиция да өз талапкерин алып чыкты. Ал киши президенттин кабыл алуусунда болуп, батасын алган. Анан шайлоодон мен утуп чыктым. Табигый тандоо болду. Ошондуктан кимдир бирөөгө доомат артуу туура эмес. Ошон үчүн мени эч ким, алардын арасында силер да күнөөлөй албай калдыңар (күлүп).

— А теңсиздик маселесичи?

— Кандайдыр бир деңгээлде бузулган сыяктуу көрүнүшү мүмкүн. Эгерде төрагалыкка башкалар өтпөй, тандоо мага келип такалса, коомчулук кабыл алып жатса, эч ким тең салмактуулук бузулду деп айта албайт экен. Ошол көрүнүшкө туш болдук да.

— Парламентте эки тарап тирешип калат. Ошондо КСДПга жан тартып кеткен учур болбойбу?

— Төрага ушул учурда абдан кыйналат. Бирок кырдаалдан чыгуу үчүн регламентке таянам. Силер байкасаңар керек, "оппозицияга көп сөз берип жибердиңиз" деп өзүбүздүн эле партиялаштар мени күнөөлөп, муштумун кезеген учурлар болду. Тескерисинче, партиялаштарга регламенттин негизинде сөз бергенде оппозиция өкүлдөрү нааразы болгон учурларды байкап жүрөм. Бул табигый көрүнүш. Кээде саясий оюн болуп, атайылап азчылык көпчүлүктү күнөөлөөгө шылтоо издегенде маңдайында турган кишиге токтолот да. А маңдайында болсо мен эле турам (күлүп). Менден кемчилик табууга аракет кылышат. Ал көрүнүштү туура эле кабыл алып, иштеп келе жатам. Бирок маселени колдон келишинче регламенттин негизинде чечем. 

Спикер Жогорку Кенеша Чыныбай Турсунбеков во время интервью в мультимедийном центре Sputnik Кыргызстан
© Sputnik / Табылды Кадырбеков
Турсунбеков: партиялашымдын коомчулук сынына тушукканын өкүнүү менен кабыл алам

— ЖКда оппозиция барбы? Болсо ким?

— Оппозиция бар экенин баарыбыз эле көрүп жатабыз. Ал коомдогу маанилүү маселелерди көтөрүп келе жатат. Маселелер регламенттин негизинде талкууланат. Ошол жерге келгенде күчү жетпей калат да, күчүн сөздөн чыгарышат, сөзгө келгенде сөзсүз бирөөнү күнөөлөгөнгө аракет кылышат. Адам баласы кыйналган учурда ыйлаган сыяктуу эле да. Бирок ага карабастан оппозиция өз милдетин аткарып жатат. Бардык өлкөлөрдө эле саясий күрөштүн көрүнүшү ушундай.

— КСДП президенттик шайлоого кимди алып чыгууга камынып жатат?

— Президент буга чейин КСДПда өлкө башчылыкка талапкер болууга татыктуу адамдар көп экенин айткан. Мен дагы татыктуулар бар экенин көрүп келе жатам. Биздин партияда саясатта илгертен бери такшалып, ысык-суугуна бышкан бир топ саясатчыларыбыз бар. Ошолордун ичинен бир нечеси татыктуу деп ойлойм.

— Ошолордун бири сиз болушуңуз мүмкүнбү?

— Балким.

— Бир канча депутатка коррупция беренеси боюнча кылмыш иши козголду. Бирок аларды карап көрсөк көпчүлүгү оппозиция өкүлдөрү. Учурда чын эле коррупция менен күрөш жүрүп жатабы же бул саясий оппоненттерди жок кылуу амалыбы?

— Күнөөсү болсо ким экенине карабай иш козголушу керек. Биз 2010-жылга чейин уурдалгандар тутулбай, жанында жүргөндөр кармалып келгенине күбө болчубуз. Учурда уурдагандарды жазалоо маселеси алдыга чыкты. Эгерде козголгон иштер далилденсе — маселе жок. Аны коомчулук да туура кабыл алат. Сиз айткандай кокустан объективдүүлүк бузулса, жеке мотивдер болсо, алар акыры келип өз ордуна турушу керек.

— Шайлоо алдында "Өлкөнү өзгөрткөн 5 жыл" деген программаңыздар бар эле. Анда партиялык көзөмөл комитети түзүлүп, партияга көлөкө түшүргөндөргө чара көрүлөт дегенсиздер. Ошол комитет эмне иш кылып жатат азыр?

— Бул программаны мен өзүм түзгөм. Социалдык тармакта активдүү иштеген, демократиянын үлгүсүн көрсөтүп, эч кимди аябай бетке айткан Ренат Самудинов аттуу активистибиз бар. Ошол жигиттин демилгеси менен түзүлгөн. Ал иштеп, кемчиликтерди айтып келе жатат. Кемчиликтер көпчүлүккө жага бербейт экен. Өзгөчө бир адамга багытталып калганда алар чычалай баштайт. Ошондуктан кээде ал жигитке да нааразычылыктар айтылып жүрөт. Бирок ошого карабай милдетин так аткарууда. Тилекке каршы, биздин тандоо убагында толук деңгээлде, ойдогудай өтпөгөндүгүн мезгил көрсөтүп жатат. Кээде тигил же бул өкүлүбүз, депутатыбыз тарабынан коомчулуктун сынына кабылган көрүнүштөр болуп жатканын көрүп, өкүнүү менен кабыл алабыз. Андай учурда партия жыйынында маселелерди туура багытка бурууга аракет кылабыз.

— Шайлоо алдындагы "Таза коом" долбоору, анын ичинде "Коопсуз шаар", интернеттештирүү убадалары эмне болду?

— Мамлекеттик каттоо кызматы тарабынан интернеттештирүү аракеттери көрүлүп, ишке ашып жатат. "Коопсуз шаарды" ишке ашыруу үчүн акча каражаты каралууда. Бир сөз менен майдалары ишке ашып, чоң долбоорлорго акча каралып жатат деп айтайын сизге. 

Спикер Жогорку Кенеша Чыныбай Турсунбеков во время интервью в мультимедийном центре Sputnik Кыргызстан
© Sputnik / Жоомарт Ураимов
Турсунбеков: Жогорку Кеңештен бизнесмен болуп чыккандарды көзөмөлдөө керек

— КСДПнын лидери катары шайлоо алдында тизме түзүүгө катыштыңыз беле?

— КСДПнын тизмесин бир канча киши талкуулаганбыз. Бирок чечимди бир адам кабыл албайт экен. Мен тандаган кадрлар мамлекет үчүн да, партия үчүн да татыктуу иштеп жатышат. Башкаларга жооп берчү кишилер бар.

— ЖКда бизнесмендер көп. Ишкерлердин бийликке келишине кандай карайсыз?

Президент Алмазбек Атамбаевдин архивдик сүрөтү
© Пресс-служба президента КР / Султан Досалиев
— Парламент менен саясатта өмүр бою жүрүп, анан бизнесменге айлангандардан кооптонсо болот. Бирок бизнестен бутка туруп, ишканаларды ачып, анан Жогорку Кеңешке келген адамдан коркпогула. Ал өзүнүн эмгеги менен жумушчу орун түзүп, акча таап, өзүн-өзү баккан адам. Демек, ал келсе коомду багууга жардам берет. Бирок ЖКга келгенде эч нерсеси жок жүрүп, анан ушул жактан байып чоң бизнесмен болуп чыгып жаткандарга өтө шектүү көз менен карап, ошолорду катуу көзөмөлдөсөңөр туура болот.

— Чыгармачылыгыңыз эмне болуп жатат?

— Сейрек болсо дагы кээде турмуш көйгөйлөрү же сезимдеги толкундатуучу кырдаалдар төрт сап, 10 сап ырга айланып калган учурлар бар. Алар акырындап чогулуп жатат. Учуру келгенде жарык көрөт.

Чыныбай Турсунбековдун өмүр баяны жана эмгек жолу тууралуу Sputnik Кыргызстан даярдаган таржымалдан окуңуз>>

1170
Белгилер:
төрага, Жогорку Кеңеш, Чыныбай Турсунбеков
Тема боюнча
Турсунбеков: парламентте оппозиция жок деп айтуу туура эмес
Турсунбеков: КСДПда президенттикке талапкер болууга татыктуулар көп
Турсунбеков: аткезчиликти колдогон мафия бар экени көрүнүп турат
Төрага Чыныбай Турсунбеков баштаган парламенттик делегация Пакистанга барат
Сириядагы Россиянын аскер кызматкерлери. Архив

Батыш Россиянын Сириядагы аскердик ийгиликтерин биринчи жолу моюнга алды

23
Орустар жардам бербегенде Башар Асад эчак эле жеңилмек дешти. Америкалыктар Москванын жана да Иран менен "Хезболланын" кийлигишүүсүнөн кийин гана Сирия армиясы мыйзамсыз куралчан топтордон өлкөнүн көп бөлүгүн бошотуп алганга жетишкенин моюнга алышты.

Конгресстин иликтөөчү тобу 49 барактан турган "Сириядагы согушка сереп жана АКШнын реакциясы" деген отчётунда ушундай тыянакка келди. Аскердик талдоочулар дагы кайсы жагдайларга көңүл буруп, келечекке байланыштуу кандай божомолдорду келтиришет – бул тууралуу РИА Новостинин материалында.

Ким кандай күчкө ээ?

Документте Сириянын картасы келтирилген. Иордания менен чектешкен жердеги АКШнын Ат-Танф аскерий базасы жайгашкан чакан анклавды эске албаганда, өлкөнүн борборун, батышын жана түштүгүн толугу менен Башар Асаддын өкмөтү көзөмөлдөйт. Түндүк-батыштагы Мухафаза Идлибге экстремисттик топтор жана Түркия ээлик кылат. Өлкө аймагынын түндүгү жана Ефраттын чыгыш тарабы – Сириянын дээрлик үчтөн бир бөлүгү – күрддөрдүн колунда.

Талибдер бийликке умтулууда. Кабул курчоодобу?

Бул жерде талдоочулар бир аз куулук кылышууда, анткени ушул аймактардын бардыгы так Вашингтондун көзөмөлүндө десек болот. Сирияда америкалыктардын саны аз – докладга ишенсек, 600 аскердин айланасында гана. Бирок бул аскерлер мунайга бай чөлкөмдөгү негизги нефти кендерин курчоого алышкан. Ошондой эле Сириянын чыгыш тарабында жеке менчик аскердик компаниялардын жүздөгөн жоокерлери аракеттенип келишет. Документте белгиленгендей, расмий өкмөт АКШ аскерлеринин өлкөнүн аймагына кирүүсүн мыйзамсыз деп эсептейт. Бирок Вашингтон мунай чыккан аймактарды террорчулардан коргоо керек деген жүйөлөрдү айтып келет.

Докладдын авторлору кээде Асаддын аскерлери менен кагылышуулар болуп жатканын жашырышпайт. Мисалы, алардын билдирүүсүндө, быйыл февралда Камышлы калктуу конушундагы блокпостто Сирия аскерлери АКШнын куралдуу күчтөрүнүн патрулуна карай ок чыгарышкан. Эч ким жабыр тарткан эмес. Аны менен катар документте өлкөнүн түндүк-чыгышында орусиялык жана америкалык аскерлердин ортосундагы тирешүүлөрдүн саны өсүп жатканы баяндалат.

АКШ армиясынын аскердик машинелери Россиянын аскердик полициясынын жолун торогонго кылган аракеттери тууралуу толтура видеолорду Интернеттен тапса болот. Бактыбызга, бул аракеттер ок чыгарууга алып келбеди.

Сириядагы чыр: АКШ Россиянын "колу канган малынганын" айтты

Россия эч жакка кетпейт

Өлкөнүн аймагындагы Ирандын объектилерине израилдик учактардын соккулары жана антиорусиялык санкциялар Москва менен Иранды Башар Асадды колдоодон баш тартууга же жок дегенде кандайдыр бир деңгээлде жардамдарын чектөөгө алып келбегенин америкалыктар моюнга алууга аргасыз болушту.

"Жакынкы чыгыштагы таасирин күчөтүү плацдармы катары Россиянын Сирияны колдонуу боюнча дараметин жана умтулуусун АКШ туура баалай алган эмес. Россия, Иран жана алардын "проксилери" менен түзмө-түз кагылышуулар болбойт деп эч ким кепилдик бере албайт. Ошону менен катар Москва сириялык өнөгүн колдоодо кайсы чекке чейин бара аларын аныкташ керек",  — дешет талдоочулар.

Дамаскыга кысым көрсөтүү уламдан улам татаалыраак болуп баратат деп кейишет докладдын авторлору. Биринчи кезекте Россия авиациясынын жана спецназ аскерлеринин жардамы менен фронттун чеги Сириянын борборунан ары жылдырылып, өлкөнүн басымдуу бөлүгү учурда "режимдин" көзөмөлүндө. Башар Асаддын саясий атаандаштарынын колунда азыр эч кандай көзүр калбады. Ошону менен катар күрддөр акырындан Дамаск менен жакындаша баштады. Демек, борбордук өкмөт өлкөнүн чыгышын жана түндүгүн өз көзөмөлүнө кайтарышы мүмкүн.

"Ислам мамлекети" дагы эле коркунуч туудурат

2018-жылдын декабрында Дональд Трамп "Ислам мамлекетин" жеңдик деп жарыя кылган. Бирок талдоочулардын пикиринде, куралдуу топтор толугу менен жок кылынган эмес. АКШнын өнөктөрү "Ислам мамлекетинин" Сириядагы акыркы таяныч пунктуларын 2019-жылдын мартында басып алышты. Бирок исламчылар Сириядагы жана Ирактагы куралчан топторун башкаруу түзүмдөрүн сактап кала алышты. Демек, алар азыр да олуттуу соккуларды кыла алышат.

"Алыскы келечекте Сириядагы "Ислам мамлекетинин" тагдыры өлкөдө куралчан топтордун башын көтөртпөй тура алган коопсуздук күчтөрүн түзө алабызбы, мына ушуга көз каранды. Бирок "Ислам мамлекетинин" коркунучу – көпкө чейин сакталып турат. Террористтер менен күрөшүүсүн токтотпошу үчүн биз мындан ары да күрддөргө колдоо көрсөтүп турушубуз керек", — дешет докладдын авторлору.

АКШ Сирияны колдоого алган Россия менен Кытайды жазаламай болду. Видео

Дагы бир коркунуч – аскер туткундарынын лагерлери, учурда аларда "Ислам мамлекетинин" он миңге жакын жоочулары кармалып турат. Негизинен алар өлкөнүн түндүгүндө жайгашып, аларды күрд аскердик бөлүктөрү кайтарууда. Алардан сырткары экстремисттердин үй-бүлө мүчөлөрү кармалып турган лагерлер бар. Алардын эң ириси – Аль Холеде террорчулардын 66 миң аялдары жана балдары камакта. Талдоочулардын пикиринде, ал жактарда жоочулар өз үгүт иштерин дагы эле улантып, камактагыларга дем берип турушат, ал эми "Ислам мамлекетинин" жактоочуларын куткарыш үчүн лагерлерге кол салууну пландаштырып келишет.

Камактагыларды кайтарганга күч жетишпей жатканын күрд жетекчилиги бир нече жолу билдирген болчу. Америкалыктар болсо жардам берүүгө шашылышпайт – Вашингтондун пикиринде, ар бир жоочунун ата мекени болгон өлкө өз жаранын өзүнө алып кетип, жазасын бериши керек. Бирок эч ким "өз" террорчуларын кайтарганы шашылбайт, ар түрдүү себептерди айтып, бул ишти создуктуруп келишет.

Көйгөйлүү аймак

Эң чоң маселелердин чордону – Идлиб аймагы. Учурда ал жерде Сириянын, Россиянын, Ирандын жана Түркиянын күчтөрү аракеттенүүдө. АКШнын аскерлери ал жакта жок, бирок америкалыктар "Аль-Каида"* менен байланышта болгон куралчан топторго бир нече жолу авиасоккуларды жасаган. Мамлекеттик эмес курамдардан "Хайят Тахрир аш-Шам", "Хурас ад-Дин", "Сириянын улуттук армиясы", "Хезболла" жана башкалар бар. "Ислам мамлекетинин" жоочулары да кездешет.

"Идлибдин түндүк райондору – оппозиция көзөмөлдөгөн жападан жалгыз аймак болуп эсептелет. Жергиликтүү топтор – 2011-жылы Дамаскка каршы чыккан күчтөрдүн калдыктары болуп эсептелет. 5-марттан бери Идлибде Түркия менен Орусиянын президенттеринин макулдашуусу боюнча убактылуу жарашуу орногон. Бул өлкөлөрдүн аскерлери М4 стратегиялык жолду чогуу көзөмөлдөп, кайтарып турушат", — дешет талдоочулар.

Докладдын авторлору белгилегендей, жоочулардын ок чыгаргандарына карабай азырынча убактылуу жарашуу сакталууда. Бирок ошол эле учурда Түркия Идлибге аскерлерин жөнөткөндү токтото элек, ал эми жакында зарылчылык чыкса аскердик аракеттерди баштаарын билдирди. Демек, Сириядагы согуштун токтошуна дагы көп бар.

23
Белгилер:
аймак, террорчулук, коопсуздук, Россия, Сирия, АКШ
Тема боюнча
Сирия хроникасы: россиялык күзөткө чабуул жана АКШнын активдешүүсү
Вашингтон шаарындагы Капитолий имараты. Архив

Бекер убара болуп... АКШ "Россиянын ийгиликтүү пропагандасынын сырын" ачты

37
Америка дагы бир ирет Россиянын "анык жүзүн" ачууга аракет кылды. Бирок мунусу бир гана өз жарандарын жалган маалыматка байлап, өкмөттөн көбүрөөк акча алуунун аракети дейт РФ Каржы университетинин саясат таануу департаментинин доценти Геворг Мирзаян.

Ачылыш жасагандай...

Бир нече күн мурда АКШ Мамлекеттик департаментинин алдындагы Глобалдык кызматташуу борбору "Россиянын пропаганда жана дезинформациясынын экосистемасынын негиздери" деген аталыштагы докладын жарыялады.

Авторлор "өнөктөш мамлекеттерге, жарандык коомго, окумуштууларга, ЖМКга жана дүйнө коомчулугуна Россиянын аракеттеринин тактикасын ачып берип, алардын дезинформация жана пропагандага каршы жамааттык түрдө жооп беришин" көздөгөн.

Согуш тарыхынын кайра жазылышына Германия эмне үчүн каршы? Саресеп

Биринчи караганда баары ишенимдүү көрүнөт. 75 беттик текст, 313 шилтеме, графикалар жана таблицалар... Мен аны убакыт коротуп, толугу менен окуп чыктым. Албетте, "ачылыш" жасалган учурлар дагы болуптур. Мисалы, Россия өз көз карашын коомчулукка таратуу үчүн массалык маалымдоо каражаттарын колдонот экен. Баса, башка өлкөлөр дагы Кремлдин бул гениалдуу амалын өздөштүрүп алышы керек экен. Дагы бир масал, Россияда мамлекеттик ЖМКлар (мисалы, ошол эле "Звезда") жазган маалыматтарды башка медиалар алып, андан ары интернетке тарап кетет экен. Менимче, авторлор интернеттин, андагы маалыматтын тарап кетүү өзгөчөлүктөрүн жаңы эле өздөштүрүп жаткан окшойт.

Докладда россиялык алдыңкы ЖМКлар тууралуу дагы "таң калычтуу" фактылар камтылган. Көрсө, Россияда мамлекетке тиешелүү телеканалдарды, басылмаларды жана интернет сайттарды эмнегедир мамлекеттик идеологияны колдогон адамдар башкарат экен. Мына кызык!

Россиянын АКШдагы элчилиги Мамдепартаменттин доклады боюнча пикирин билдирди

Докладдын негизги маңызы — Москванын дүйнөлүк көйгөйлөргө карата кандай гана ою, билдирүүсү, пикири болбосун, ал сөз эркиндиги катары эмес, Россиянын пропагандасы, калпы, батыш элин акылдан адаштыруу аракеттери экенин көрсөтүү.

Бир гана ушул ой докладдын бардык илимий баалуулугун жокко чыгарып салды деп айткың келет. Бирок анда башынан эле баалуулук болбогондой көрүнөт.

Чынын айтканда, бул 75 беттик макала куру бекер убакыт коротуу болуп калгандай. Анын негизи максаты — Россиянын жүзүн ачуу эмес, мамлекеттик катчы Майк Помпеонун буга чейинки Глобалдык кызматташуу борборун каржылоону көбөйтүп берүү өтүнүчүн бышыктоо болуп калыптыр.

"Вакциналар жарышы": Батыш башка эмдөөнү тааныгысы жок

Бакыт байлыкта эмес

Бул докладга россиялык саясатчылар менен серепчилердин бир чети күлкүсү келип, экинчи чети жек көрүп карашына таң калбай деле койсо болот.

Чынында көпчүлүк муну олуттуу кабыл алган жок, жөн гана кезектеги куру бекер алышуу катары баалады. Бирок биздикилер анын авторлордо өз эмгегин жарыялоого олуттуу себеп болгонун айтышты.

"Россияга каршы бул докладдын чыгышы АКШ саясатчылары азыр өлкө ичинде жана дүйнөдө болуп жаткан нерселер боюнча алардыкына дал келбеген пикирлердин айтылышынан коркуп жатканынан кабар берет", — деди депутат Сергей Железняк.

Мисалы, RT менен Sputnik агенттигинде батыш ЖМКларына караганда акчасы аз. Бирок АКШны чочулатып жаткан альтернативдик көз караш бар.

Кимдир бирөөгө дагы деле батышта сөз эркиндиги бардай сезилиши мүмкүн. Бирок андай эмес. Көпчүлүк маселелер боюнча (биринчи кезекте идеологиялык мүнөздөгү) америкалык ЖМКлар Советтер Союзу учурундагы гезиттерди эске салат. Жалгыз, саясий жактан туура деп эсептеген көз карашты гана чагылдырышат.

Ошол таңууланган көз караштан тажаган батыш эли альтернативдик пикир издеп, аны англис тилдүү орус ЖМКларынан таап жатат. Албетте, бул АКШ үчүн чоң көйгөй. Анткени дүйнөнүн маалымат тармагын башкаруу америкалык үстөмдүктүн негизи болуп эсептелет.

Ошондуктан Россиянын Тышкы иштер министрлигинен айтышкандай, Вашингтон өздөрүнүкүнөн башка пикирлердин баарын сындап, Американын "талаптарына" жооп бербеген бардык маалыматты жок кылууга аракет кылууда. Ал эми сын жардам бербей калган учурда санкцияларды киргизип коет (мисалы, кытайлык TikTok).

"Кара схема": ички душманы АКШны соо койбой, Россияны сактап калышы мүмкүн

Чындыгында мындай жоруктар АКШнын геосаясий мүмкүнчүлүктөрүн бир топ алсыратып коет. Мисалы, Кытайды токтотуу боюнча Россияны колдонгусу келгени жана башка көптөгөн көйгөйлөрдө.

Акыркы учурда бир топ адистер Вашингтонго Москва менен прагматикалык диалогго барууну сунуштап келишет. Дал ушундай кайрылуу менен бийликке АКШнын эң көрүнүктүү 103 серепчиси ачык кат жолдогон.

Бирок депутат Сергей Железняктын айтымында, мындай оппоненттердин кайрылуусу Глобалдык кызматташуу борборунун доклады сыяктуу эле Россия-Америка диалогуна балта чаап, эки өлкөнүн ортосундагы ишенбөөчүлүк кризисин дагы бир нече жылга созуп койчудай көрүнөт.

37
Белгилер:
доклад, көйгөй, диалог, маалымат, Россия, АКШ
Тема боюнча
Facebook Трамптын тарапташтарына ал тууралуу жарнама жарыялоого тыюу салды
Трамп журналисттер менен уруша кетип, жыйынын үзгүлтүккө учуратты. Видео
Индиядагы Кожикоде шаарында учак конуп жатканда жерге катуу тийген

14 киши көз жумду. Индияда учак экиге бөлүнүп кетип, кырсыктаган видео

0
(жаңыланган 23:55 07.08.2020)
Алдын ала маалыматка ылайык, Boeing 737 учагы Дубайдан келген. Анын бортунда 170тен ашык жүргүнчү болушу мүмкүн экени айтылган.

БИШКЕК, 7-авг. — Sputnik. Индиядагы Кожикоде шаарында учак конуп жатканда жерге катуу тийип, 14 адам каза таап, 123ү жарадар болду. Бул туурасында РИА Новости ANI агенттигине шилтеме берип кабарлады.

Алдын ала берилген маалыматта, Дубайдан келген Boeing 737 учуп-конуучу тилкеден чыгып кетип, андан кийин экиге бөлүнүп калган.

Индиянын Авиация министрлигинен учактагы 174 жүргүнчүнүн ону балдар, бешөө экипаж мүчөсү болгонун кабарлады.

Кырсык болгон жерге Тез жардамдын 24 бригадасы жиберилген. Учактын алдыңкы бөлүгү үзүлүп түшкөндөн кийин, бардык жүргүнчүлөр эвакуацияланган.

"Бактыга жараша учак өрттөнүп кеткен жок", — деген маданият жана туризм министри Альфонс Каннантанам Twitter баракчасына маалымат чыгарып.

NDTV телеканалы кырсыктан улам 30 киши ооруканага жеткирилгенин айтат.

​Учактын алдыңкы бөлүгү толук бойдон талкаланып, учуу тилкесине жана анын чет жактарына сыныктар чачыраган.

Кералынын башкы министри Пинарайи Виджаян полиция, өрт өчүрүүчүлөргө жана тийиштүү чиновниктерге авиакырсыкка карата куткаруу жана медициналык жардам көрсөтүү боюнча чукул чараларды көрүүнү тапшырган.

0
Белгилер:
куткаруу, кырсык, учак, Индия
Тема боюнча
Бразилияда учак автожолго кулап, талкаланып калды. Видео