Өлкө башчысы Алмазбек Атамбаев РФ президенти Владимир Путин менен Бишкекте жолугушуу учурунда. Архив

Президент Атамбаев Путинди Россия күнү менен куттуктады

51
(жаңыланган 21:36 12.06.2017)
Президент Алмазбек Атамбаев Владимир Путинге чың ден-соолук, жооптуу ишине ийгилик, ал эми Россия элине тынчтык жана гүлдөп өнүгүүнү каалады.

БИШКЕК, 12-июн. — Sputnik. Өлкө башчысы Алмазбек Атамбаев РФ президенти Владимир Путинди Россия күнү менен куттуктаганы президенттин расмий сайтында жарыяланды.

Атамбаевдин куттуктоосунда Россиянын демократиялык кайра түзүүлөрдүн жана экономикалык реформалардын жолунда экени баса белгиленип, эл аралык аренада кадыр-баркы өскөндүгү айтылат.

"Россия федерациясынын эки өлкөнүн ортосундагы союздаштыкты жана стратегиялык өнөктөштүктү чыңдоодогу зор салымын канааттануу менен белгилейбиз. Өз ара пайдалуу кыргыз-россиялык кызматташуу мындан ары дагы элдерибиздин жыргалчылыгына багытталып, ырааттуу өнүгө берет деп ишенем", — деп айтылат куттуктоодо.

Президент Алмазбек Атамбаев Владимир Путинге чың ден-соолук, жооптуу ишине ийгилик, ал эми Россия элине тынчтык жана гүлдөп өнүгүүнү каалады.

51
Белгилер:
Алмазбек Атамбаев, Владимир Путин, Россия күнү, куттуктоо
Тема боюнча
Кыргызстан менен Россия парламенттер аралык кызматташууну жакшыртат
Россия Кыргызстандын 240 миллион доллар карызын кечип салды
Мурдагы премьер-министр Сапар Исаков. Архив

Сапар Исаковго издөө жарыяланды. ШИИБ Инандыга паспорт берүү ишин тергеп бүттү

196
(жаңыланган 19:30 18.09.2021)
Сотко чейинки өндүрүш 320 ("Кызмат абалынан кыянаттык менен пайдалануу") жана 319-беренелер ("Коррупция") менен жүргүзүлгөн.

БИШКЕК, 18-сен. — Sputnik. Бишкек шаардык милициясы Сапат лицейлер мектебинин президенти Орхан Инанды жана Түркияда туулган он адамга кыргыз паспортун берүү фактысы боюнча тергөөнүн чоо-жайы тууралуу маалымат берди.

Кечээ аталган кылмыш иши боюнча абактагы мурдагы президент Алмазбек Атамбаевге дагы шектүү катары кабарлама тапшырылган.

Сотко чейинки өндүрүш 320 ("Кызмат абалынан кыянаттык менен пайдалануу") жана 319-беренелери ("Коррупция") менен жүргүзүлгөн.

Тергөөнүн версиясы боюнча, Кыргызстандын жарандыгын алуу үчүн документтер жасалмаланып, бардык бланктар мыйзамды одоно бузуу менен толтурулган. Кыргызстандан башка аймакта жүргөн Түркиянын үч жараны жадагалса өлкөнүн чек арасына кирген да эмес, жетөө КРге келип паспортторун алып кайра чыгып кеткен.

"10 түрк жараны андан мурда Түркияда террордук уюм катары таанылган FETO гүлендик кыймылынын мүчөлөрүнүн тизмесине киргизилген. Өлкөнүн жогорку кызмат адамдары документтерге кол коюп, аларга Кыргызстандын жарандыгын берүү процессин тездетүү боюнча мыйзамсыз көрсөтмө берген", — деп билдирди ШИИБ.

Бул кылмышка шектелип жатканы туурасында мурдагы премьер Сапар Исаковго, президенттин кеңешчиси Фарид Ниязовго, экс-вице-премьер Тайырбек Сарпашевге, УКМКнын мурдагы башчысы Бусурманкул Табалдиевге, Калктын жарандык абалынын актыларын жана калкты каттоо департаментинин экс-директору Дүйшөн Сатыбалдиевге, Мухаббат Пратовага, Г. М. Бердигуловага, Э.М. Апиловго кабарлама берилген.

Исаков менен Табалдиевге мамлекеттер аралык издөө жарыяланды.

ШИИБ Атамбаевге 15-сентябрда 319-берене ("Коррупция") боюнча шектүү катары кабарлама тапшырылып, 16-сентябрда айыптоо актысы чыгарылганын белгиледи. Тергөөнүн материалдары Биринчи май райондук сотуна жөнөтүлдү.

196
Белгилер:
Орхан Инанды, Түркия, жарандык, кылмыш иши
Тема:
Орхан Инандынын Бишкекте жоголушу
Тема боюнча
Түркиялыктарга мыйзамсыз жарандык берүү: дагы бир кызматкер камакка алынды
Жогорку Кеңештин экс-депутаты Руслан Чойбеков. Архив

300 миң доллар пара алды делген экс-депутаттын баш коргоо чарасы каралды

65
(жаңыланган 19:31 18.09.2021)
Тергөө иштеринин жана алынган далилдердин натыйжасында 16-сентябрда Жазык кодексинин 204-беренесинин 3-бөлүгү боюнча өндүрүш ачылган

БИШКЕК, 18-сен. — Sputnik. Былтыркы парламенттик шайлоодо депутаттык мандат убадалап, пара алды деген шек менен кармалган "Кыргызстан" партиясынын мүчөсү, Ч.Р. аттуу экс-депутаттын баш коргоо чарасы каралды. Бул тууралуу УКМКнын маалымат кызматы билдирди.

"Биринчи май райондук соту аны тергөө аяктаганга чейин убактылуу кармоо жайына калтыруу өкүмүн чыгарды", — деп айтылат билдирүүдө.

Эске салсак, Ч.Р. 2020-жылкы парламенттик шайлоодогу коррупциялык иштер боюнча шектелип кармалган. Ал Жогорку Кеңештин депутаты мандатын убадалап 300 миң доллар алганы айтылган.

Тергөө иштеринин жана алынган далилдердин натыйжасында 16-сентябрда Жазык кодексинин 204-беренесинин 3-бөлүгү ("Алдамчылык, өзгөчө ири өлчөмдө жасалган жосун") боюнча өндүрүш ачылган.

Кармалган Ч.Р. аттуу экс-депутаттын инициалы өткөн жылдын июнь айында мандатын тапшырган "Кыргызстан" партиясынын мүчөсү Руслан Чойбековдун аты-жөнү менен дал келүүдө.

Баса, ушул эле ишке тиешеси бар деген шек менен бүгүн Бишкек шаарынын Свердлов районунун мурдагы акими, азыр Нарын шаарынын мэри Б. С. кармалды.

 

65
Белгилер:
УКМК, депутат, мандат, коррупция
Тема боюнча
Нарындын мэри шайлоодогу коррупциялык иштерге шектелип кармалды
Кабул шаары. Архив

ЖМК: талибдер өзбек тилин расмий макамынан ажыратып салды

0
(жаңыланган 00:12 19.09.2021)
Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

БИШКЕК, 18-сен. — Sputnik. "Талибан"* кыймылы мыйзамда көрсөтүлгөн үч расмий тилдин ордуна экөөнү калтырып, башкаруунун жаңы системасы каралган убактылуу мыйзам чыгарды. Документ РИА Новостиге кыймылдагы адамдар тарабынан жөнөтүлгөнүн аталган агенттик жазды.

"Негиздер" деген аталыштагы мыйзамда Афганистандагы ханафит мазхабынын суннит исламы расмий дин болуп эсептелээри айтылат. Ал эми пушту менен дари тилдери расмий тил деп саналмакчы. Буга чейин Афганистанда түндүк провинциянын тургундары сүйлөгөн өзбек тили да расмий болуп келген. Мындан тышкары, өлкөдө басымдуу бөлүгүн хазарийлер түзгөн шиит общинасы бар.

Жаңы документке ылайык, Афганистанда ислам юристтеринин кеңеши жана жогорку кеңеш түзүлөт. Ага саясий ишмерлер, окумуштуулар жана ар провинциядан дин кызматкерлери кошулары айтылды.

Аткаруу бийлигин президент жетектейт, аны жарандар менен жогорку кеңештин мүчөлөрү шайламакчы. Добуш берүү ачык-айкын өтүшү үчүн шайлоо комиссиясы түзүлөт. Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

Мыйзамда "британиялыктар, орустар жана америкалыктардан көз карандысыздык күнү" майрам болуп эсептелет деп жазылган.

Талибдер августтун башында активдешип, айдын орто ченинде Кабулга киришкен. Согуш аягына чыкканы жар салынып, 31-августта америкалык аскерлер толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

0
Белгилер:
Афганистан, 'Талибан' кыймылы, тил, макам, Өзбекстан, Казакстан, Кытай, мыйзам, документ
Тема:
Афган бийлиги менен талибдердин тиреши
Тема боюнча
Афганистандагы абал Борбор Азиянын келечегине кандай таасир этет? Пикир
Пикирлештердин саммити: ШКУнун Афганистан боюнча кадамы кандай болот