Премьер-министр Сооронбай Жээнбековдун архивдик сүрөтү

КСДП партиясы президенттикке талапкер катары Жээнбековду көрсөттү

790
(жаңыланган 12:58 15.07.2017)
Съездге келген 600дөн ашык делегаттардын баары аны бир добуштан колдоого алышты.

БИШКЕК, 15-июл. — Sputnik. Кыргызстан социалдык-демократиялык партиясы (КСДП) өз съездинде азыркы премьер-министр Сооронбай Жээнбековду президенттикке талапкер катары көрсөттү.

Съездге келген 600дөн ашык делегаттардын баары аны бир добуштан колдоого алышты.

Белгилей кетсек буга чейин партиянын саясий кеңеши Жээнбековду президенттикке талапкер катары көрсөтүү боюнча чечим кабыл алган болчу.

Жыйында сөз сүйлөгөн Жээнбеков адал иштей турганын, мекенге дилден кызмат кыларын айтты. Ошондой эле кландык, үй-бүлөлүк башкаруу жол бербей, байлыктын кулу болбостон элдин кулу болуп кызмат кыла турганын айтты.

Эсеп комиссиясы 674 делегат макул деп добуш бергендигин билдирди.

Маалымат жыйындагы президенттин орду. Архив
© Sputnik / Табылды Кадырбеков
Борбордук шайлоо комиссиясынын акыркы маалыматына ылайык президенттикке талапкар катары өз арыздарын 26 киши берген.

Анын ичинен 22 жаран өзүн-өзү көрсөтсө, 4 жаран саясий партиялар тарабынан көрсөтүлгөн.

Өзүн көрсөткөндөр: Назарбек Нышанов, Өмүрбек Текебаев, Арстанбек Абдылдаев, Бакыт Дегенбаев, Сайнидин Султанидинов, Камила Шаршекеева, Таалатбек Масадыков, Өмүрбек Бабанов, Рита Карасартова, Турсунбай Бакир уулу, Замира Муратбекова, Санжарбек Энназаров, Сагынбек Абдрахманов, Мукар Чолпонбаев, Кубан Чороев, Анвар Сартаев, Куттубек Бешбаков, Игорь Трофимов жана Максатбек Жумабеков, Улукбек Кочкоров, Нусрет Муса-Оглы Мамедов жана Руслан Жунусов.

Партиядан көрсөтүлгөндөр: Бакыт Төрөбаев ("Өнүгүү-Прогресс"саясый партиясынан), Темир Сариев ("Ак-Шумкар" саясий партиясынан), Турсунбек Акун (Адам укугу саясий партиясынан) жана Адахан Мадумаров ("Бүтүн Кыргызстан" партиясынан).

Эске салсак президенттикке талапкерлерди көрсөтүү 1-августка чейин уланат. Ал эми президенттик шайлоо 15-октябрга белгиленген.

790
Белгилер:
президенттик шайлоо, КСДП фракциясы, Кыргызстан
Тема:
Кыргызстандагы президенттик шайлоо - 2017 (257)
Тема боюнча
"Шматрица" компаниясынын башчысы президенттикке талапкерлигин көрсөттү
Адахан Мадумаровдун талапкерлиги президенттикке көрсөтүлдү
РФ ТИМинин расмий өкүлү Мария Захарова. Архивдик сүрөт

Оңдолгус ката! АКШдагы митингге тиешеси бар деп айыпталган Россия жооп берди

5
(жаңыланган 20:08 01.06.2020)
Захарова Американын шаарларында башаламандыкты тутантуу үчүн орустар тарабынан колдонулду делген социалдык тармактар "АКШда катталып, ошол жактан башкарыларын" эскертти.

БИШКЕК, 1-июн. — Sputnik. АКШдагы башаламандыкка Россиянын тиешеси бар деп айыптоо маалыматтык манипуляциянын ыплас ыкмасы. Бул тууралуу РФ ТИМинин расмий өкүлү Мария Захарова билдиргенин Sputnik радиосу кабарлады.

Эскерте кетсек, ушу тапта АКШнын бир нече штатында массалык митингдер өтүп жатат. Башаламандык афроамерикалык Жорж Флойддун полиция кызматкеринин колунан ажал тапканынан кийин башталган. 40тан ашуун ири шаар акциялардан улам коменданттык саат киргизүүгө аргасыз болду.

Ал эми АКШ президентинин улуттук коопсуздук боюнча экс-кеңешчиси Сьюзан Райс өлкө аймагында болуп жаткан митингдердин жана андагы талап-тоноочулук менен зомбулуктун артында Россия турушу мүмкүн деп айткан. Бирок сөзүнө эч кандай жүйө келтирбей, жеке тажрыйбасына таянып жатканын кошумчалаган.

"Райс айым! Өз убагында Сиздин партиялаштарыңыз силерге жакпаган нерсенин баарына Россияны күнөөлөй берүү стратегиясын ойлоп таап, олуттуу ката кетиришкен. Хилари Клинтон жана Барак Обаманын жалпы командасы АКШнын ички көйгөйү "сырткы" күчтөр, тагыраагы, Россиянын кийлигишүүсү менен курчуп жатат деп, буга өздөрү да бекем ишенип алышкан. Сиздер да бүгүн CNN журналисттери менен бирге жүйөсүз жалган маалыматтарды таратып ушул катаны кайталап жатасыздар. CNN каналына берген маегиңиздин өзү пропаганда", — деди Захарова Facebook баракчасынан.

Ал Американын шаарларында башаламандыкты тутантуу үчүн орустар тарабынан колдонулду делген социалдык тармактар "АКШда катталып, ошол жактан башкарыларын" эскертти.

Буга чейин АКШ президенти Дональд Трамп кырдаалды жөнгө салуу үчүн Улуттук гвардияны тартуу керектигин айткан.

5
Белгилер:
айып, митинг, өлүм, полиция, башаламандык, АКШ, ТИМ, Россия, Мария Захарова
Тема боюнча
ЖМК: АКШдагы башаламандыкта 4 миңдей киши кармалды
Жабырланган журналист. РФ элчилиги АКШнын мамдепартаментине нота кетирди
АКШда массалык нааразычылык акциялары

Эми каргалар чыгат. Косачев РФтин АКШдагы ызы-чууга күнөөлөнүшү боюнча үн катты

37
(жаңыланган 18:50 01.06.2020)
АКШнын улуттук коопсуздук боюнча экс-кеңешчиси Сьюзан Райс учурда болуп жаткан зомбулук акцияларынын артында Россия турушу мүмкүн деген билдирүү тараткан.

БИШКЕК, 1-июн. — Sputnik. АКШдагы толкундоолорду уюштурууга Россияны күнөөлөө фейктерге негизделген антироссиялык кезектеги кампаниянын бир эле чети болушу мүмкүн. Бул туурасында Федерация кеңешинин эл аралык комитет боюнча төрагасы Константин Косачевдин айтканына таянып РИА Новости жазды.

АКШнын улуттук коопсуздук боюнча мурдагы кеңешчиси Сьюзан Райс Кошмо Штаттарда учурда болуп жаткан зомбулук акцияларынын артында Россия турушу мүмкүн деген билдирүү тараткан. Анткен менен Райс колго аларлык жүйө келтире алган эмес. "Башталды. Американын фейк жаңылыктары боюнча машиналары кыйчылдап, демигип, зоругуп, мурда белендеп койгон аракеттери менен чыга калды", — деп жазган Косачев Facebook тармагына.

"Бул өтө эле күлкүлүү нерсе болушу керек эле. Бирок ойлонтот, себеби булар биринчи чабалекейлер болушу мүмкүн. Анын артынан каргалардын жоон тобу пайда болуу ыктымалдуулугун эч ким четке кага албайт", — деген сенатор.

Ал былгыган нерсе Россияда эместигин билдирген.

Парламентарийдин айтканына караганда, расмий Вашингтондун "Американын шаарларында болуп жаткан үрөй учурган окуялар аларды акылына келтиргенине, жабыркагандарга жана дагы жабыркай тургандарга да чын дилинен кейип жаткандыгына" ишенгиси келет.

Буга Косачев "акыл менен ченеп-өлчөп, улуттук трагедияда саясий оюндарды ойногонго жол бербестир" деп кошумчалаган.

Депутат аны менен бирге эле Райс "бул жерде такыр катыштыгы жок Россияны эле эмес, өз элин жана каза болгон Жорж Флойдду да түздөн-түз мазактап жаткандыгын" белгиледи.

Башаламандыктар Миннеаполисте жана башка бир катар шаарларда афроамерикалык Жорж Флойд полиция кызматкеринин колунан каза тапкандан кийин башталды.

Интернетте полиция кызматкерлери Флойддун колуна кишен салгандан кийин жыгып, үчөөлөп баса калган видео тараган. Бирөөнүн тизеси кармалгандын моюн жагына туш келген. Флойддун дем жетпей бара жатат деп бир нече жолу айтканын угууга болот. Андан кийин тынчып калганы видеого түшүп калган. Афроамерикалык реанимацияда көз жумган. Митинг башталгандан кийин төрт полиция кызматкери иштен алынып, бирөөнө "кокусунан өлүмгө дуушар кылган" деп айып тагылган.

37
Белгилер:
өлүм, саясат, Россия, АКШ
Тема боюнча
ЖМК: АКШдагы башаламандыкта 4 миңдей киши кармалды