Зилалиев талапкерлердин бирин үгүттөдү деген кинеге жооп айтты

Жазылуу
Айрым маалымат каражаттарында Зилалиевдин президенттик үчүн ат салышып жаткан талапкердин бирин колдогон сөзү жарыяланган

БИШКЕК, 21-сен. — Sputnik. Вице-премьер Дүйшөнбек Зилалиев президенттикке ат салышып жаткан талапкерлердин бирин колдоп жатат деген маалымат боюнча Sputnik Кыргызстан агенттигине пикирин билдирди.

Жогорку Кеңештин имараты. Архив - Sputnik Кыргызстан
Liglass кыргыз бийлигине кандай дооматы бар экенин айтты
Буга чейин айрым маалымат каражаттарында Зилалиевдин президенттик үчүн ат салышып жаткан талапкердин бирин колдогон сөзү жарыяланган.

Мындан улам премьер-министр Сапар Исаков Зилалиевге эскертүү берип, аны республикалык штабдын жетекчилигинен четтеткен. Анын ордуна төрагалык милдетин эми Темир Жумакадыров аткармакчы.

Зиалиев жогорудагы сөздөрдү айтканын моюндап, бирок эки маселеге токтолду.

"Биринчиден, ал жерде ишенимдүү маек форматында бейрасмий жолугушуу болгон. Аудио мыйзамсыз жазылган десек болот. Экинчиден, сүйлөгөн сөзүмдөн бөлүп алгандыктан мааниси жоголуп кеткен. Муну күбөлөрдөн сурасаңар да тастыктап берет. Мен аны берилген суроолорго жооп берип жатып айткам. Сүйлөп жатып муну үгүт катары сыпаттабагыла деп да бир нече ирет эскерткем. Мен кызматкер катары эмес, жеке өзүмдүн гана пикиримди айттым. Бул өтө маанилүү!" — деди вице-премьер.

Ошондой эле ал сенсация жаратуу ниети менен чектен ашып кеткен учурларга тынчсызданып жатканын кошумчалады. Анын пикиринде бул туура эмес көрүнүш.

Жаңылыктар түрмөгү
0