БИШКЕК, 27-сен. — Sputnik. Премьер-министр Сапар Исаков Россияга расмий иш сапары менен барарын өкмөт башчынын маалымат катчысы Чынгыз Эсенгулов билдирди.
Анын айтымында, иш сапар 29-сентябрда башталып, эки күнгө созулат.
"Россияга расмий сапар менен 1991-жылдан бери Кыргызстандын бир да премьер-министри барган эмес", — деди ал.
РИА Новости маалымат агенттигинин билдиришинче Россиянын өкмөт башчысы кыргызстандык кесиптеши менен жолугат.
Жолугушууда Медведев менен Исаков эки тараптуу кызматташуунун актуалдуу маселелерин, анын ичинде соода-экономикалык, инвестициялык, энергетикалык жана маданий-гуманитардык тармакта байланыштуу маселелерин талкуулайт.
