Абдыгулов Москвада өткөн ЕАЭБ жыйынында ветеринария маселелерин талкуулады

© Sputnik / Табылды КадырбековЕАЭБ мамлекеттеринин желектери. Архив
ЕАЭБ мамлекеттеринин желектери. Архив - Sputnik Кыргызстан
Жазылуу
Жыйын маалында бардыгы болуп 20 маселе каралып, бир катар документтерге кол коюлду

БИШКЕК, 11-ноя. — Sputnik. Москва шаарында өтүп жаткан Евразия экономикалык комиссиясынын кеңеши 20 маселени карагандыгын КР өкмөтүнүн маалымат кызматынан билдиришти.

Бул иш-чарага Кыргызстандын өкүлү катары биринчи вице-премьер Толкунбек Абдыгулов барды.

Жыйын маалында 2020-жылдын 1-январына чейин жарандык учактарды убактылуу колдонууга алгандарды бажы төлөмдөрүнөн жана салыктардан бошотуу чечими кабыл алынды.

"Аталган кеңештин мүчөлөрү жамааттык негиздеги автордук жана аралаш укуктар боюнча келишимге кол коюшту. Андан тышкары, ЕАЭБ курамындагы өлкөлөрдүн мал-чарбасы боюнча кызматташуусунун эрежелерин бекитишти", — деп айтылат билдирүүдө.

Ошондой эле кеңешмеде ветеринардык көзөмөл жүргүзүү жаатынан лабораториялык изилдөөлөрдү өткөрүүнүн бирдиктүү шарттары кабыл алынды.

Жаңылыктар түрмөгү
0