Мужчина с портфелем. Архивное фото

"Көчмөн" аткаминерлер. Эзели ээрден түшпөгөн чиновниктердин тизмеси

2701
(жаңыланган 14:51 01.12.2017)
Кыргызстанда бийлик алмашса да, өкмөт алмашса да креслодон кол жуубай, биринен алынса, экинчисине отуруп калган чиновниктер бар

Кыргызстанда өкмөт башчы алмашып, Жогорку Кеңештин көпчүлүк коалициясы тараган сайын кызматтык дайындоолор башталат. Буга байланыштуу Sputnik Кыргызстан маалымат агенттиги акыркы жети жылга көз чаптырып, бийликте "көчмөндүк" кылган аткаминерлер менен мамлекеттик кызматкерлерди тизмектеп чыкты.

Кубанычбек Кулматов

Председатель Национального банка КР Кубанычбек Кулматов
© Фото / пресс-служба ЖК
Кубанычбек Кулматов, Улуттук банктын төрагасы

Улуттук банктын төрагасы болуп иштеп жаткан Кубанычбек Кулматов акыркы жети жылда алты жогорку кызматты ээлеген. Аны 2010-жылы убактылуу өкмөт Бажы кызматынын төрагасы кылып дайындап, ал жакта үч жылдан ашык иштеген. Андан соң бир ай президенттин кеңешчиси болуп, бир жылдан ашык өкмөттүн Чүй облусундагы ыйгарымдуу өкүлү болгон. 2014-2016-жылдар аралыгында Бишкек шаарынын мэрлигине шайланып, эки жылдан кийин Кыргыз-орус өнүктүрүү фондун жетектеген. 2017-жылдын 14-сентябрынан тарта Улуттук банкты башкарып келет.

Дүйшөнбек Зилалиев

Глава Государственного комитета промышленности, энергетики и недропользования Дуйшенбек Зилалиев во время церемонии принесения присяги в ЖК. Архивное фото
© Пресс-служба правительства / Сабыр Аильчиев
Дүйшөнбек Зилалиев, Мамлекеттик мүлк фондусунун төрагасы

Кесиби боюнча милиционер Дүйшөнбек Зилалиев 2010-жылдагы апрель революциясынан кийин Мамлекеттик мүлктү башкаруу комитетинин аппаратын жетектеген. Ал кызматта сегиз айдай иштеп, Коргоо кеңешинин катчысынын орун басары болот. Кийин төрт жыл Өнөр жай, энергетика жана жер казыналарын пайдалануу мамлекеттик комитетин башкарган. Сапар Исаков өкмөт башчысы болгондо вице-премьер кызматына бекитилип, учурда Мамлекеттик мүлк фондусун жетектөөдө.

Элвира Сариева

Министр образования и науки Кыргызской Республики Эльвира Сариева
© Фото / пресс-служба Минобрнауки КР
Элвира Сариева, президенттик аппараттын жетекчисинин орун басары

Мурдагы Билим берүү жана илим министри Элвира Сариева азыр президенттик аппараттын жетекчисинин орун басары болуп иштейт. Ага чейин ал Коомдук телерадиоберүү корпорациясынын байкоочу кеңешинде эки жылдай төрайым, Бишкек шаардык кеңешинде эл өкүлү болгон. Андан сырткары, сегиз ай вице-премьер, эки жылга жакын билим берүү жана илим министри жана эки ай президенттик аппараттын социалдык саясат бөлүмүнүн башчысы кызматын аркалаган.

Мухамметкалый Абулгазиев 

Первый вице-премьер-министр Кыргызской Республики Мухамметкалый Абулгазиев провел рабочее совещание по вопросам жилых массивов, расположенных вокруг города Бишкек.
© Пресс-служба правительства / Сабыр Аильчиев
Мухамметкалый Абулгазиев, президенттик аппарат жетекчисинин биринчи орун басары

Мухамметкалый Абулгазиев 2010-жылдан 2016-жылга чейин Социалдык фондду жетектеген. Акыркы бир жарым жыл ичинде бир катар кызматтарды алмаштырды. Аблугазиев биринчи вице-премьер-министр болуп иштегенге дагы жетишкен.  Ошондой эле премьер-министрдин милдетин аткаруучу, өлкө башчынын кеңешчиси болгон. Учурда президенттик аппарат жетекчисинин биринчи орун басары болуп иштейт. 

Толкунбек Абдыгулов

Первый вице-премьер-министр Кыргызской Республики Толкунбек Абдыгулов во время принесения присяги новыми членами правительства КР
© Пресс-служба президента КР / Султан Досалиев
Толкунбек Абдыгулов, вице-премьер-министр

Толкунбек Абдыгулов 2010-жылдан тарта Экономика министрлигинин статс-катчысы болуп иштеп, андан соң өкмөттүн аппаратында иштеген. Улуттук банкты жетектеп, биринчи вице-премьерликке чейин көтөрүлгөн. Үч айдан кийин кызматынан төмөндөп, вице-премьер болгон. 

Албек Ибраимов

Мэр города Бишкек Албек Ибраимов во время рабочего совещания.
© пресс-служба мэрии города Бишкек
Албек Ибраимов, Бишкек шаарынын мэри

Бишкек шаарынын мэри Албек Ибраимов акыркы жети жылда алты кызматка отурган. 2010-2011-жылдар аралыгында "Бишкек" эркин экономикалык аймагынын башкы директору, 2011-2012-жылдарда "Дастан" мамлекеттик заводунун башкармалыгынын төрагасы, 2013-жылы Президенттик аппараттын жетекчисинин орун басары болгон. Ошондой эле 2016-жылы борбор калаанын мэри болгонго чейин эл аралык "Манас" аэропорту ачык акционердик коомунун башкармалыгы менен директорлор кеңешинин төрагалыгына дайындалган.

Нурханбек Момуналиев

Руководитель аппарата правительства — министр КР Момуналиев Нурханбек во время принесения присяги новыми членами правительства КР
© Пресс-служба президента КР / Султан Досалиев
Нурханбек Момуналиев, өкмөт аппаратынын жетекчиси

Өкмөт аппаратынын учурдагы жетекчиси Нурханбек Момуналиев жети жыл ичинде аталган кызматка үч жолу дайындалган. 2012-2016-жылдары эки жолу Мамлекеттик кадр кызматынын директору болуп иштеген. Ошондой эле президенттик администрациянын жетекчисинин орун басары, убактылуу өкмөттүн аппаратынын биринчи орун басары кызматтын аткарган.

Аалы Карашев

Депутат ЖК Аалы Карашев на экономическом форуме Евразийская экономическая перспектива
© Sputnik / Табылды Кадырбеков
Аалы Карашев, ЖК депутаты

Учурда Жогорку Кеңештин депутаты болуп отурган Аалы Карашев апрель окуяларынан кийин эки жолу вице-премьер болуп, бир жолу премьер-министрдин милдетин аткарган. 2012-1015-жылдары Мамлекеттик кадр кызматын жетектеп, эл өкүлү болгонго чейин президенттик аппараттын жетекчисинин биринчи орун басары болгонго жетишкен.

Токон Мамытов

Председатель правления ОАО Кыргызалтын Токон Мамытов на церемонии принесения присяги
© Пресс-служба президента КР / Султан Досалиев
Токон Мамытов, өкмөт башчынын кеңешчиси, Кыргызстан элинин ассамблеясынын төрагасы

Токон Мамытов азыр өкмөт башчынын кеңешчиси, Кыргызстан элинин ассамблеясынын төрагасы болуп эки кызматты аркалайт. Акыркы жети жыл ичинде Жогорку Кеңештин депутаты, Мамлекеттик чек ара кызматынын төрагасы, өкмөттүн Ысык-Көл облусундагы өкүлү, коопсуздук жана чек ара маселелери боюнча вице-премьер жана "Кыргызалтындын" башчысы боло алган.

2701
Белгилер:
Кыргызстан, дайындоо, кызмат, бийлик
Тема боюнча
Акаевдер, Бакиевдер... Мекенге кайтууга шашпаган чөт өлкөдөгү кыргыз саясатчылары
Сооронбай Жээнбеков өзүнө дагы бир жардамчы дайындады
Экс-министр Бекбоев президенттик аппараттын бир бөлүмүн жетектемей болду
Беларусь аскер кызматкерлери

НАТОнун "баш оорусу": Беларусь моюн сунгусу жок

5
(жаңыланган 22:04 24.10.2021)
Беларусь Россия менен союздаштыкты бекемдөөдө. Буга жаңы пландар, биргелешкен машыгуулар, аскердик жана аскердик-техникалык өз ара аракеттешүү, күчтөрдү жана башкаруу органдарын даярдоо масштабын кеңейтүү чаралары далил.

Узаган жумада Беларусь Республикасы жана Россия Федерациясынын коргоо министрлеринин коллегиясы өтүп, 2022-жылга карата кызматташуунун – биргелешкен 139 иш-чаранын пландары бекитилди. Аларда Беларусь жана Россиянын аскердик багыттагы бириккен тутумдарын, эки өлкөнүн күчтөрүнүн чөлкөмдүк топторун өнүктүрүү, ошондой эле радиациялык, химиялык жана биологиялык коргоо, радиоэлектрондук күрөш, топогеодезиялык жана навигациялык камсыздоо тармактарындагы кызматташуу камтылган. Эки союздаш мамлекеттин ортосундагы алакалар жана ушул багыттагы кызматташууларын аскерий баяндамачы Александр Хроленко талдаган.

Минск жана Москва 2023-жылы "Союз калканы" биргелешкен стратегиялык окууларды өткөрүүгө макулдашып, Беларусь Республикасынын аймагында РФтин аскердик объектилерин (Барановичи шаарында ракеталык кол салуунун алдын алуу тутумдар түйүнү жана Вилейка калаасындагы РФ Аба-деңиз флотунун радиостанциясы) жайгаштыруу жөнүндө келишимди узартышты.

Өлкөлөр союздаш мамлекеттердин коргоо тармагындагы аракеттердин биримдигин, милдеттерди аткарууга умтулууну тастыкташты. Батыш өлкөлөрү тарабынан коопсуздук коркунучу, саясий жана экономикалык кысымы аталган Россия менен Беларусту жакын арада союздаш мамлекеттин жаңы аскердик доктринасын кабыл алууга аргасыз кылууда. Беларусь жана Польша, Беларусь - Литва чек араларында кооптуу чыңалуу бар.

Мурда Варшава беларустук чек арачылар польшалык жоокерлерди аткылаганын кабарлаган. Эске салсак, анда жабыр тарткандар болгон эмес. Беларустун "баш ийбестигине" Минскинин Москва менен аскердик кызматташуусуна жамааттык Батыштын кыжыры кайнап келет. Лексингтон институтунун (АКШнын мамлекеттик саясат аналитикалык борбору) улук талдоочусу Сара Уайт: "Беларустун саясий тутуму, экономикасы жана Куралдуу күчтөрүнүн бардык деңгээлдериндеги Россиянын орду НАТОнун батыш фронтун кескин түрдө артка түртөт. Анан да эгер Россия жана Беларусь бир саясий түзүмгө бириксе, НАТОнун аталган фронттун чегиндеги мамлекеттерине тобокелдигин болжоо да мүмкүн эмес" - дегени бар. Кандай тобокелдик болушу мүмкүн экени түшүнүксүз, бирок НАТОго чыгыш европалык өлкөлөрдүн мүчөлүгү, аталган альянстын 1991-жылдан берки абалы сымал эле рационалдуу негизге ээ эмес.

Кимдин ким экени...

РФ коргоо министри Сергей Шойгу 20-октябрда россиялык-беларустук аскердик коллегияда кабыл алынган чечимдер союздаш мамлекеттин коопсуздугун 2024-жылга дейре бекемдөөнү өбөлгөлөй турганын билдирди.

Беларусь жана Россия эч кимге кооптуулук туудурбайт, жамааттык Батыштын саясий, экономикалык жана аскердик кысымына гана жооп кайтарат. РФтин Брюсселден Вашингтонго чейинки мейкиндиктеги агрессорлорго асимметриялык өч алууга кепилдигин туюндурган Аскердик доктринасын Пентагон жана НАТОдогулар көңүлгө түйүп алганы дурус. Кошмо Штаттардын аскердик-саясий эркинен көз каранды болгон европалык 28 өлкөнүн жетекчилери бул механизмдин бар-жогуна ишенип же ишенбей кое алышар, бирок аскер жетекчилери жооп иретиндеги өзөктүк соккунун натыйжалуулугу жана сапатын иш жүзүндө сынабай эле койгону оң.

Чыгыш Европада андай аскердик авантюраларды пландоонун өзү франциялык президент Эммануэль Макрон эки ирет диагноз койгондой НАТО "акылдан тайганы" болмок.

Негизги көйгөй миграция эмес

Балтика өлкөлөрү жана Польшанын аскердик бөлүктөрү НАТОнун контингентинин курамында Ирак жана Афганистандагы тынчтык жана калыптанып калган жашоо образын бузууга катышканы унутула элек. Бүгүн аталган ушул эки мамлекеттен агылган көч Прибалтикага жетип калды. Аларды азыр зым менен тосулган дубалдар да, куралчан чек арачылар да токтото албайт. Варшава менен Вильнюс азыркы окуялардын маңызын түшүнгүсү да жок. Жоопкерчиликти алар Минск менен Москванын "гибриддик агрессиясына" жүктөөгө тырышууда.

Польшанын бийликтеги "Укук жана адилеттүүлүк" партиясынын лидери Ярослав Качиньский 19-октябрда өлкөсүнө каршы "көп тепкичтүү гибриддик согуш" жүргүзүүдө деп Россияны айыптады. Айтымында, бул ири держава дароо эки фронтто, атап айтканда, Беларусь Республикасы менен чектешкен жерде жана Варшавада мигранттарды колдоп чыккан оппозицияны пайдалануу менен Польшага каршы иш жүргүзүп жаткан имиш.

Былтыркы жылдын аягында Польшада стратегиялык командалык-штабдык окуулар өткөн. НАТОнун стратегдеги америкалык Abrams танкалары, HIMARS залптык ок тутумдары, Patriot зениттик-ракеталык комплекстери жана ал тургай F-35 истребителдеринин коштоосундагы "чыгыштагы душман" менен согуштун сценарийин түзүп чыккан. Баса, аталган истребителдер Польшанын колуна 2026-жылдан эрте тийбей турганы анык.

Альянс аскердик инфраструктураны бекемдеп, ошол эле убакта батыш багытында аскердик-саясий кырдаалды курчутууда. НАТОнун коргоо министрлери 21-октябрда "эки деңиз ортосундагы согуш" (Балтика жана Кара деңиз) Россияга каршы стратегиясын макулдашууга чогулганы маалым.

Россия менен альянстын алакасы Брюсселдин демилгеси менен үзүлдү. Пентагондун башчысы жеке өзү Тбилиси, Киев, Бухарестте сателиттердин аскердик духун көтөрүүдө. Батыш аналитиктери бул окуялардын ырааттуулугунан "согушка даярдыкты" баамдап, "эки дөө урушса, ортосунда чымын өлөт" дегендей, АКШ менен РФтин тирешинде чыгыш европалык өлкөлөрдүн жабыр тартарын, кокус куралдуу чоң жаңжал тутанып кете турган болсо, эң оболу НАТОнун чечим кабыл алуучу борборлору жок кылынарын болжошот. Америкалык эксперттер жогорку технологиялык куралдануу жаатында Россия Кошмо Штаттарды караандатпай турганын, Үчүнчү дүйнөлүк согушта утуларын боолголошот.

Вашингтондогу Heritage Foundation аналитикалык борбору АКШнын Аба-аскердик жана Космостук күчтөрүнүн бардык багыттагы дарамети жана согуштук мүмкүнчүлүктөрүн "маргиналдуу" жана "чабал" деп белгилегенинен кабардарбыз. Москвада өткөн Беларусь жана Россиянын күч органдарынын биргелешкен коллегиясы союздаш мамлекеттин коргоо дараметин жогорулатуу, Пентагон менен НАТО аларга чектеш Балтика, Польша жана Украина аймагынан сокку ура турган болсо мизи катуу кайтарыларын дагы бир ирет эскерткендей болду.

Аскерий баяндамачы Александр Хроленконун Telegram каналына жазылыңыздар.

5
Белгилер:
Беларусь, Россия, НАТО, альянс, Аскер, күч, биригүү, машыгуу, техника
Тема боюнча
НАТОнун Steadfast Noon 2021 машыгуусунун сырлары. Максаты эмне?
Дүйнөнү селт эттирип... Украина НАТОго кирсе эмне болот?
Жогорку Кеңештин төрагасы Талант Мамытов. Архив

БШК Талант Мамытовду депутаттыкка талапкер катары каттоодон баш тартты