Өлкө башчы Сооронбай Жээнбеков Минск шаарында казак президенти Нурсултан Назарбаев менен жолукту

Назарбаев Жээнбековду Астанага чакырды. Минск шаарындагы жолугушуу

2757
(жаңыланган 14:51 01.12.2017)
Назарбаев чек арада Казакстан тарабынан да, Кыргызстан тарабынан да көзөмөл орнотуу боюнча чечим кабыл алынганын маалымдады

БИШКЕК, 30-ноя. — Sputnik. Өлкө башчы Сооронбай Жээнбеков Минск шаарында казак президенти Нурсултан Назарбаев менен жолукту. Бул тууралуу КР президентинин маалымат кызматы билдирди.

  • Өлкө башчы Сооронбай Жээнбеков Минск шаарында казак президенти Нурсултан Назарбаев менен жолукту
    Өлкө башчы Сооронбай Жээнбеков Минск шаарында казак президенти Нурсултан Назарбаев менен жолукту
    © Пресс-служба президента КР / Султан Досалиев
  • Эки мамлекеттин президенттери өз ара кызматташуунун келечеги жана кыргыз-казак чек арасындагы абал тууралуу пикир алышкан
    Эки мамлекеттин президенттери өз ара кызматташуунун келечеги жана кыргыз-казак чек арасындагы абал тууралуу пикир алышкан
    © Пресс-служба президента КР / Султан Досалиев
  • Жолугушуудан кийин өлкө башчылар журналисттер үчүн билдирүү жасаган.
    Жолугушуудан кийин өлкө башчылар журналисттер үчүн билдирүү жасаган.
    © Пресс-служба президента КР / Султан Досалиев
1 / 3
© Пресс-служба президента КР / Султан Досалиев
Өлкө башчы Сооронбай Жээнбеков Минск шаарында казак президенти Нурсултан Назарбаев менен жолукту

Белгилей кетсек, Жээнбеков Минск шаарына Жамааттык коопсуздук келишими уюмунун кезектеги жыйынына катышуу үчүн келген.

Эки мамлекеттин президенттери өз ара кызматташуунун келечеги жана кыргыз-казак чек арасындагы абал тууралуу пикир алышкан. Жолугушуудан кийин өлкө башчылар журналисттер үчүн билдирүү жасаган.

Назарбаев Жээнбековду Кыргызстандын президенти катары кызматка киришүүсү менен куттуктап, эки элдин ортосундагы бир туугандык жана коңшулук мамилени калыбына келтирүү керектигин белгилеген.

"Эки мамлекеттин өкмөтү түзгөн "жол картасы" бар. Эми эки өлкөнүн жумушчу топтору жолугуп ага кол коёт. "Кордай" көзөмөл өткөрүү пунктун убактылуу ачуу жана Казакстан тараптан да, Кырызстан тараптан дагы көзөмөл орнотуу боюнча чечим кабыл алынды. Ошондой эле ЕАЭБден үч киши жүктөрдү карап өткөрүп турат", — деди Назарбаев.

Назарбаев өз сөзүндө Жээнбековду расмий сапар менен Казакстанга чакырганын билдирди.

Жээнбеков өз кезегинде куттуктоо жана жылуу пикир үчүн Назарбаевге ыраазычылыгын айтты.

"Нурсултан Абишевич менен азыр болуп жаткан бардык маселелер боюнча сүйлөшүп, бир чечимге келдик. "Жол картасы" бар, эки мамлекеттин өкмөттөрү иш алып барууда. Декабрь айында бул багыт боюнча иштерди аяктайбыз. Чек арада казак тараптан да, кыргыз тараптан да, ошондой эле ЕАЭБ жактан да көзөмөл коёбуз. Эки тараптуу кызматташуунун бардык маселелери сүйлөшүлгөн мөөнөттүн ичинде чечилет", — деди Жээнбеков.

Белгилей кетсек, кыргыз-казак чек арасындагы абал 10-октябрдан тарта кыйындай баштаган. Чек арадагы көзөмөл пунктуларындагы бир нече чакырымга жеткен кезек күтүүлөр пайда болгон. Расмий Астана мындай кадамды аткезчиликке каршы күрөшүү үчүн жасалып жаткан иш-чара менен байланыштырган.

2757
Белгилер:
Кыргызстан, Казакстан, Нурсултан Назарбаев, Сооронбай Жээнбеков, кыргыз-казак чек арасы
Тема:
Сооронбай Жээнбековдун Россия жана Белоруссияга болгон иш сапары (17)
Тема боюнча
Жээнбеков Минскидеги саммитте Назарбаев менен сүйлөшүүгө ниеттенүүдө
Казак эксперти: Кыргызстандан товар келбей калгандыктан Казакстанда баалар өстү

Аябай бактылуу болуп турам! Акаевдин сурактан чыккандан кийинки маеги видеодо

77
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

77
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!
Бишкек шаарынын мэринин милдетин аткаруучу Таалайбек Сарыбашов

Сарыбашов ишке киришери менен Бишкек мэриясында иштеген уулун жумуштан алды

112
(жаңыланган 21:55 02.08.2021)
Нурсултан Насирбеков мэриянын борбордук аппаратынын уюштуруу-инспектордук бөлүмүнүн адиси болуп иштеп жаткан.

БИШКЕК, 2-авг. — Sputnik. Бишкек шаарынын мэринин милдетин аткаруучу Таалайбек Сарыбашов менен муниципалитетте иштеген уулун кызматтан алды. Бул туурасында калаа башчынын маалымат катчысы Азамат Абсаттаров билдирди.

Анын уулу Нурсултан Насирбеков мэриянын борбордук аппаратынын уюштуруу-инспектордук бөлүмүнүн адиси болуп иштеп жаткан. Маалымат катчы Нурсултан Насирбековдун буга чейин конкурстан өтүп кызматка алынганын белгиледи.

Ош шаарынын мэри Таалайбек Сарыбашов кызматын которуп, бүгүн Бишкектин мэринин милдетин аткаруучу болуп дайындалган.

112
Белгилер:
Таалайбек Сарыбашов, кызмат, мэрия, уул, бошотуу
Тема боюнча
Өкмөт Алмаз Мамбетовду Ош шаарынын мэринин милдетин аткарууга жөнөттү
Алмазбек Бейшеналиев Кыргызстандын Швейцариядагы элчиси болду
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

0
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

0
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео