Президент Сооронбай Жээнбеков жана Өзбекстандын премьер-министри Абдулла Арипов

Сооронбай Жээнбеков Өзбекстанга учуп барды

189
(жаңыланган 19:40 13.12.2017)
Аэропортко ардак кароол ротасы тизилип, эки өлкөнүн желектери илинди

БИШКЕК, 13-дек. — Sputnik. Президент Сооронбай Жээнбеков Өзбекстанга расмий сапары менен учуп барды. Бул тууралуу мамлекет башчынын маалымат кызматынан кабарлашты.

Ислам Каримов атындагы "Ташкент" эл аралык аэропортунан Жээнбековду Өзбекстандын премьер-министри Абдулла Арипов, тышкы иштер министри Абдулазиз Камилов, Кыргызстандын элчиси Данияр Сыдыков тосуп алды.

Аэропортко ардак кароол ротасы тизилип, эки өлкөнүн желектери илинген.

Расмий сапардын алкагында Сооронбай Жээнбеков өзбек кесиптеши Шавкат Мирзиёев менен тар жана кең форматта жолугушууларды өткөрөт. Анын жыйынтыгы менен бир катар документтерге кол коюлат.

Ошондой эле, өлкө башчылары биргеликте билдирүү жасашат.

Мындан тышкары, Жээнбеков Өзбекстандын өкмөт башчысы Абдулла Арипов жана Мажилистин спикери Нигматилла Юлдашев менен дагы жолугушуусу күтүлүүдө.

189
Белгилер:
расмий сапар, Шавкат Мирзиеев, Сооронбай Жээнбеков, Өзбекстан
Тема:
Сооронбай Жээнбековдун Өзбекстанга болгон расмий сапары (10)
Тема боюнча
Сооронбай Жээнбеков Өзбекстанга жөнөп кетти
Сооронбай Жээнбековдун Өзбекстанга болгон расмий сапары
Сооронбай Жээнбековду Өзбекстанга кимдер коштоп барып, ким тосуп алат? Тизме
Мурдагы депутат Анарбек Калматов. Архив

Президенттин ЖКдагы өкүлү Дыйканбаев иштен алынып, ордуна Калматов дайындалды

91
(жаңыланган 14:43 27.11.2020)
Калматов буга чейин президентке караштуу Ырайым кылуу маселелери боюнча комиссиянын жооптуу катчысы болуп иштеп келген.

БИШКЕК, 27-ноя. — Sputnik. Президенттик аппараттын жетекчисинин орун басары рангындагы өлкө башчынын Жогорку Кеңештеги ыйгарым укуктуу өкүлү Курманбек Дыйканбаев ээлеген кызматынан бошотулду. Бул тууралуу мамлекет башчынын маалымат кызматы билдирди.

Ал жумуштан кетүүгө өз арызын бергени айтылат. Ордуна Анарбек Калматов парламенттеги өкүл болуп дайындалды.

Эки жарлыкка тең президенттин милдетин аткаруучу Талант Мамытов кол койгон.

Калматов буга чейин Кыргызстандын президентине караштуу Ырайым кылуу маселелери боюнча комиссиянын жооптуу катчысы болуп иштеп келген. Бул кызматынан бошотулганы белгиленди.

Курманбек Дыйканбаев 24-ноябрда УКМК тарабынан кармалып, эки айга тергөө абагына камалды. Ал кызматтык абалынан кыянаттык менен пайдалануу беренеси боюнча айыпталууда. УКМКнын билдиришинче, Дыйканбаев октябрдагы парламенттик шайлоо өнөктүгү маалында стратегиялык маанидеги мамлекеттик ишкананын башчысын бир партиянын кызыкчылыгы үчүн 7 миллион сом берүүгө мажбурлаган. Эгер баш тарта турган болсо, кызматтан кетирерин айтып коркутканы тергөөдө аныкталган.

91
Белгилер:
өкүл, дайындоо, Анарбек Калматов, Курманбек Дыйканбаев
Тема боюнча
Бишкектин Октябрь районуна аким болуп Караколдун экс-мэри келди
Башкы прокуратуранын жетекчилик курамы толугу менен алмашты. Тизме
Мурдагы президент Алмазбек Атамбаев. Архив

Атамбаев, Ниязов жана Сагымбаев сотко алып келинди. Сүрөт

129
(жаңыланган 15:32 27.11.2020)
Буга чейин Бишкек шаарынын Биринчи май райондук сотунун судьясы Азирет Медеров мурдагы президент Алмазбек Атамбаев фигурант болгон үч кылмыш ишин бириктирип салган.

БИШКЕК, 27-ноя. — Sputnik. Биринчи май райондук соту Кой-Таш окуялары боюнча ишти карай баштады. Бул тууралуу мурдагы президент Алмазбек Атамбаевдин кеңешчиси Кундуз Жолдубаева билдирди.

  • Биринчи май райондук соту Кой-Таш окуялары боюнча ишти карай баштады
    Биринчи май райондук соту Кой-Таш окуялары боюнча ишти карай баштады
    © Фото / Кундуз Жолдубаева
  • Сотко Алмазбек Атамбаев, президенттин аппаратынын мурдагы башчысы Фарид Ниязов жана УКМКнын 9-кызматынын мурдагы кызматкери Канат Сагымбаев алып келинген
    Сотко Алмазбек Атамбаев, президенттин аппаратынын мурдагы башчысы Фарид Ниязов жана УКМКнын 9-кызматынын мурдагы кызматкери Канат Сагымбаев алып келинген
    © Фото / Кундуз Жолдубаева
1 / 2
© Фото / Кундуз Жолдубаева
Биринчи май райондук соту Кой-Таш окуялары боюнча ишти карай баштады

Сотко Алмазбек Атамбаев, президенттин аппаратынын мурдагы башчысы Фарид Ниязов жана УКМКнын 9-кызматынын мурдагы кызматкери Канат Сагымбаев алып келинген.

Эске салсак, буга чейин Бишкек шаарынын Биринчи май райондук сотунун судьясы Азирет Медеров мурдагы президент Алмазбек Атамбаев фигурант болгон үч кылмыш ишин бириктирип, сотко чейинки бир өндүрүш катары кароону чечкен. Анда Кой-Таш окуясы, Кой-Таш айылындагы жерлер боюнча коррупциялык иштер жана мыйзамсыз кирешелерди адалдаштыруу иштери бириктирилген

129
Белгилер:
сот, окуя, Кой-Таш, Алмазбек Атамбаев
Тема:
Алмазбек Атамбаевдин кармалышы
Тема боюнча
Атамбаевдин үй-бүлөсү, тарапташтары нааразычылык акциясына чыгышты. Видео
Кой-Таш окуясы боюнча соттук териштирүүнүн мөөнөтү узартылды. Судья алмашат
Диего Марадонанын таблодогу сүрөтү. Архив

Өз тажиямда эмне дээр элем... Марадонанын эски видеосу желдей тарады

0
(жаңыланган 16:39 27.11.2020)
Диего Марадонанын каза болгону тууралуу кабар 25-ноябрда айтылган. XX кылымдын мыкты футболчуларынын бири жүрөк кемтигинен каза болду.

БИШКЕК, 27-ноя. — Sputnik. Соцтармакта Диего Марадонанын өзүнүн акыркы сапарга узоо зыйнатында эмне деп айткысы келмектиги боюнча суроого жооп берген видеосу вирустай тарап жатат.

"Чемпионаттын" маалыматына караганда, бул 2005-жылы аргентиналык теле берүүгө чыккан La noche del 10 берүүсүнүн үзүндүсү.

"Өзүмдүн акыркы сапарга узаган зыйнатымда эмне деп айткым келер эле... Футбол ойногонума рахмат. Бул спорт мага кубаныч жана эркиндик берди. Асманды колуңа кармап тургандай эле сезим. Топко дагы рахмат. Табытыма "топко рахмат" деп жазып койгула", — деген Марадона.

Видео Bolavip Facebook аккаунтуна жарыяланды.

Диего Марадонанын каза болгону тууралуу кабар 25-ноябрда тараган. XX кылымдын мыкты футболчуларынын бири жүрөк кемтигинен каза болгон.

0
Белгилер:
футболчу, топ, Диего Марадона
Тема боюнча
Футбол, бокс, кокаин. КР калысына рахмат айткан Марадона тууралуу фактылар