Кыргызстандын президенти Сооронбай Жээнбеков жана Тажикстандын башчысы Эмомали Рахмондун архивдик сүрөтү

Сооронбай Жээнбеков расмий сапар менен Тажикстанга барат

143
(жаңыланган 11:15 14.01.2018)
Президенттер эки өлкөнүн ортосундагы кызматташууну бекемдөө максатын көздөйт

БИШКЕК, 13-янв. — Sputnik. Президент Сооронбай Жээнбековдун Тажикстанга расмий сапар менен баруусу күтүлүп жатат. Бул тууралуу өлкө башчынын маалымат кызматы тараткан билдирүүдөн белгилүү болду.

Жээнбеков менен Эмомали Рахмон Кыргызстан менен Тажикстандын ортосундагы дипломатиялык мамилелердин 25 жыл толгонуна байланыштуу бири-бирин куттуктаган.

"Чейрек кылымдан бери кыргыз-тажик мамилелери бекемделип, сый-урматтын негизинде өнүгүп келе жатат. КМШ, БУУ, ШКУ, ЖККУ жана башка бир катар уюмдардын алкагында да активдүү кызматташып жатабыз", — деп айтылат КР президентинин кайрылуусунда.

Жээнбеков эки тараптуу алака байланыштын мындан аркы чыңдалышына өбөлгө болоруна токтолгон.

Ал эми Рахмондун телеграммасында Кыргызстан менен кылымдардан бери уланып келе жаткан коңшулук мамиле Тажикстандын тышкы саясатынын артыкчылыктуу багыттарынын бери экени айтылат.

"Биргелешкен аракет менен бир топ жакшы жыйынтыктарга жетиштик. Кыргыз-тажик мамилелери өз ара пайдалуу өнөктөштүккө шарт түзөт", — деп айтылат өлкө башчынын куттуктоосунда.

Рахмон Жээнбековдун Тажикстанга боло турган расмий сапары көп кырлуу кызматташтыкка жаңы дем-күч берип, мамиленин сапатын бийик деңгээлге көтөрөрүнө ишенерин айткан.

Азырынча КР президентинин сапары кайсы убакытка белгиленгени айтыла элек.

143
Белгилер:
мамиле, Эмомали Рахмон, Сооронбай Жээнбеков, Тажикстан, Кыргызстан
Тема:
Сооронбай Жээнбековдун Тажикстанга болгон расмий сапары (8)
Тема боюнча
Жээнбеков диний уюмдардын каржылык булагын көзөмөлдөө керектигин айтты
Жогорку соттун алдындагы Сот департаменти. Архив

Сот департаментине жаңы жетекчи келди. Мурда Мамкаттоодо иштечү

116
(жаңыланган 23:37 27.05.2020)
Жаңы дайындалган жетекчи Кожомбердиев 2012-жылдан 2014-жылга чейин Сот департаментинин жетекчисинин милдетин аткаруучу болгон.

БИШКЕК, 27-май — Sputnik. Жогорку соттун алдындагы Сот департаментине жаңы жетекчи дайындалды. Бул тууралуу Жогорку соттун сайтына жарыяланган.

Маалыматка ылайык, жаңы жетекчи — Урмат Кожомбердиев. Буга чейин ал Каттоо кызматында жетекчинин орун басары болуп иштеп келген.

"Мамлекеттик каттоо кызматына барганга чейин Кожомбердиев көп жылдар бою Сот департаментинде ар кандай кызматтарда иштеген. 2012-жылдан 2014-жылга чейин Сот департаментинин жетекчисинин милдетин аткаруучу болгон", — деп айтылат билдирүүдө.

Ал эми буга чейин департаментти башкарып келген Кубанычбек Капалов Жогорку соттун алдындагы Соттук иштерди аткаруу кызматынын начальниги, башкы сот аткаруучусу болуп дайындалганы айтылды.

116
Белгилер:
дайындоо, жетекчи, жогорку сот
Тема боюнча
Төбө чач тик турат! Адвокаттын КРдеги соттор тууралуу агынан жарылган маеги
Кыргызстан менен Тажикстандын чек арасындагы Ворух айылы. Архив

Кыргызстандын Чек ара кызматы Тажикстан тарапка дагы кайрылуу жасады

301
(жаңыланган 22:29 27.05.2020)
Кыргызстандын Чек ара кызматы тажик тарапты ЖМКларга так эмес маалыматтарды таратпоону жана чек арада болгон окуяга бааны биргелешип берүүгө чакырды.

БИШКЕК, 27-май — Sputnik. Тажикстандын Улуттук коопсуздук комитетинин Чек ара күчтөрүнүн "Кыргызстан тарап Тажикстандын жаранына, аял кишиге ок чыгарып чагымчылдык кылды" деген кабары чындыкка жатпайт. Бул тууралуу маалыматты Кыргызстандын Чек ара кызматынан билдиришти.

27-майда Баткен районунун Жака-Өрүк аймагында Баткен жана Исфара райондорунун өкүлдөрүнүн кырдаалды териштирүү боюнча жолугушуусу өттү. Кыргыз-тажик чек ара кызматынын өкүлдөрү чек ара тилкесинде чатактын алдын алуу жана аны мындан ары болтурбоо маселесин талкуулады. Алар аталган маалыматты эки тараптан тең объективдүү карап чыгууга кызыкдар экендигин билдиришти.

Бул факты боюнча эки мамлекеттин тартип коргоо органдары биргелешип териштирүү иштерин баштады.

Кыргызстандын Чек ара кызматы тажик тарапты ЖМКларга так эмес маалыматтарды таратпоону жана чек арада болгон окуяга бааны алар менен биргелешип берүүгө чакырды.

Учурда кыргыз-тажик чек арасында абал туруктуу экени айтылды.

301
Белгилер:
териштирүү, Мамлекеттик чек ара кызматы, жалган маалымат, чек ара, Тажикстан, Кыргызстан
Тема боюнча
КРдин Чек ара кызматы тажикстандык кесиптештерин абалды курчутпоого чакырды
Чек арадагы чатак боюнча Тажикстандын маалыматы
Ооруканада медициналык кызматкерлери. Архив

Мындай боло элек болчу! Бир суткада 27 медик коронавирус жуктурду

0
(жаңыланган 10:19 28.05.2020)
Жалпысынан республика боюнча COVID-19 диагнозу менен медиктер арасында 326 учур катталды, алардын ичинен 247 медкызматкер стационарлардан айыгып чыккан.

БИШКЕК, 28-май — Sputnik. Бир сутка ичинде өлкө боюнча 27 медицина кызматкери коронавирус жуктуруп алганы аныкталды. Бул тууралуу брифинг учурунда саламаттык сактоо министринин орун басары Нурболот Үсөнбаев билдирди.

“Алардын бешөө Бишкек шаарында, 15и Ош шаарында, жетөө Нарын облусунда иштегендер”, — деди Үсөнбаев.

Ал эми стационарлардан 4 медкызматкер сакайып чыкты. Жалпысынан республика боюнча COVID-19 диагнозу менен медициналык кызматкерлер арасында 326 учур катталды, алардын ичинен 247 медик стационарлардан айыгып чыккан.

Учурда өлкө аймагындагы кырдаал тууралуу Sputnik Кыргызстан тексттик баяндама жүргүзүүдө.

0
Белгилер:
дарыгер, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Азайбай жатат! Бүгүн 74 кишиден коронавирус чыкты