Президент Сооронбай Жээнбековдун архивдик сүрөтү

Жээнбеков Тажикстанга барат. Кимдер менен жолугуп, кандай маселелер талкууланат?

112
(жаңыланган 20:49 31.01.2018)
Өлкө башчы Тажикстандын президенти Эмомали Рахмон, премьер-министри жана парламенттин төрагасы менен жолукмакчы.

БИШКЕК, 31-янв. — Sputnik. Президент Сооронбай Жээнбеков 1-февралда расмий иш сапары менен Тажикстандын борбору Душанбеге барат. Бул туурасында президенттин аппаратынын тышкы саясат бөлүмүнүн жетекчиси Айзада Субакожоева билдирди.

Маалыматка ылайык, өлкө башчы Тажикстандын президенти Эмомали Рахмон, премьер-министри жана парламенттин төрагасы менен жолугат.

"Негизги маселелердин бири катары экономика жаатындагы кызматташтыкты күчөтүү боюнча сүйлөшүүлөрдү жүргүзүү пландалууда. Ооба, эки өлкөнүн соода жүгүртүүсү өсүп жатат. 2017-жылдын январь-октябрь айларында өткөн жылга салыштырмалуу соода жүгүртүүнүн көлөмү 29 пайызга өсүп, 30 миллион долларды түзгөн. Анткен менен бул биздин потенциал үчүн аздык кылат", — деди Субакожоева.

Кыргыз тарап бизнесмендерге Кыргызстандын түштүгүндө жайгашкан эркин экономикалык аймактардын мүмкүнчүлүктөрүнө байкоо салууну сунуштайт.

Ошондой эле иш сапардын алкагында кыргыз-тажик чек арасын делимитациялоо жана гуманитардык жактан кызматташуу тууралуу да сөз болот.

112
Белгилер:
расмий иш сапар, Сооронбай Жээнбеков, Душанбе
Тема:
Сооронбай Жээнбековдун Тажикстанга болгон расмий сапары (8)
Тема боюнча
Исаков ири компаниялардын өкүлдөрүн КРге инвестиция салууга чакырды
Назарбаев Жээнбековго: мен Кыргызстанга эч качан сөз тийгизген эмесмин
Жээнбеков кыргыз-өзбек ортосундагы ишенимди бекемдеген мыйзамга кол койду
Жогорку соттун алдындагы Сот департаменти. Архив

Сот департаментине жаңы жетекчи келди. Мурда Мамкаттоодо иштечү

123
(жаңыланган 23:37 27.05.2020)
Жаңы дайындалган жетекчи Кожомбердиев 2012-жылдан 2014-жылга чейин Сот департаментинин жетекчисинин милдетин аткаруучу болгон.

БИШКЕК, 27-май — Sputnik. Жогорку соттун алдындагы Сот департаментине жаңы жетекчи дайындалды. Бул тууралуу Жогорку соттун сайтына жарыяланган.

Маалыматка ылайык, жаңы жетекчи — Урмат Кожомбердиев. Буга чейин ал Каттоо кызматында жетекчинин орун басары болуп иштеп келген.

"Мамлекеттик каттоо кызматына барганга чейин Кожомбердиев көп жылдар бою Сот департаментинде ар кандай кызматтарда иштеген. 2012-жылдан 2014-жылга чейин Сот департаментинин жетекчисинин милдетин аткаруучу болгон", — деп айтылат билдирүүдө.

Ал эми буга чейин департаментти башкарып келген Кубанычбек Капалов Жогорку соттун алдындагы Соттук иштерди аткаруу кызматынын начальниги, башкы сот аткаруучусу болуп дайындалганы айтылды.

123
Белгилер:
дайындоо, жетекчи, жогорку сот
Тема боюнча
Төбө чач тик турат! Адвокаттын КРдеги соттор тууралуу агынан жарылган маеги
Кыргызстан менен Тажикстандын чек арасындагы Ворух айылы. Архив

Кыргызстандын Чек ара кызматы Тажикстан тарапка дагы кайрылуу жасады

303
(жаңыланган 22:29 27.05.2020)
Кыргызстандын Чек ара кызматы тажик тарапты ЖМКларга так эмес маалыматтарды таратпоону жана чек арада болгон окуяга бааны биргелешип берүүгө чакырды.

БИШКЕК, 27-май — Sputnik. Тажикстандын Улуттук коопсуздук комитетинин Чек ара күчтөрүнүн "Кыргызстан тарап Тажикстандын жаранына, аял кишиге ок чыгарып чагымчылдык кылды" деген кабары чындыкка жатпайт. Бул тууралуу маалыматты Кыргызстандын Чек ара кызматынан билдиришти.

27-майда Баткен районунун Жака-Өрүк аймагында Баткен жана Исфара райондорунун өкүлдөрүнүн кырдаалды териштирүү боюнча жолугушуусу өттү. Кыргыз-тажик чек ара кызматынын өкүлдөрү чек ара тилкесинде чатактын алдын алуу жана аны мындан ары болтурбоо маселесин талкуулады. Алар аталган маалыматты эки тараптан тең объективдүү карап чыгууга кызыкдар экендигин билдиришти.

Бул факты боюнча эки мамлекеттин тартип коргоо органдары биргелешип териштирүү иштерин баштады.

Кыргызстандын Чек ара кызматы тажик тарапты ЖМКларга так эмес маалыматтарды таратпоону жана чек арада болгон окуяга бааны алар менен биргелешип берүүгө чакырды.

Учурда кыргыз-тажик чек арасында абал туруктуу экени айтылды.

303
Белгилер:
териштирүү, Мамлекеттик чек ара кызматы, жалган маалымат, чек ара, Тажикстан, Кыргызстан
Тема боюнча
КРдин Чек ара кызматы тажикстандык кесиптештерин абалды курчутпоого чакырды
Чек арадагы чатак боюнча Тажикстандын маалыматы
Нью-Йорк шаарынын Таймс-сквериндеги көчө шыпыргыч

Америкада депрессияга түшүп, тынчсыздангандар кескин көбөйдү

0
(жаңыланган 10:28 28.05.2020)
АКШнын Эл каттоо кызматы пандемиянын ар кайсы тармакка тийгизген таасирин баалоо үчүн жума сайын сурамжылоо жүргүзө баштады.

БИШКЕК, 28-май — Sputnik. Америкада пандемия башталгандан бери депрессия менен тынчсызданууга кабылгандар кескин көбөйдү. Бул тууралуу Washington Post АКШнын Эл каттоо кызматынын изилдөөсүнө таянып жазды.

Бюро апрелдин аягында жумушка орношуу, финансы, билим берүү жана саламаттык сактоо чөйрөсүнө пандемиянын тийгизген таасирин баалоо үчүн жума сайын сурамжылоо жүргүзө баштаган. Акыркы сурамжылоо 7-майдан 12-майга чейин жүргүзүлүп, ага 42 миң респондент катышкан. Анда адамдардын психикалык абалын билүү үчүн төрт суроо берилген.

Басылманын маалыматы боюнча, иликтөөгө катышкандардын 24 пайызында олуттуу депрессиянын белгилери аныкталса, 30 пайызында тынчсыздануу байкалган. Мындай симптомдор көбүнчө жаштарда кездешкени айтылат. Ошондой эле эркектерге караганда аялдарда тынчсыздануу менен депрессия көп катталган.

Адистер пандемияга чейин бул көрсөткүч кыйла ылдый болгонун белгилешет. Маселен, 2014-жылы сурамжылоого катышкандардын 25 пайызы маанайы чөгүп жүргөнүн айткан. 2020-жылы бул статистика 50 пайызга өскөн. Анын 10 пайызы күн сайын маанайы жок экендигин билдиришкен.

АКШнын калкты каттоо бюросу үч ай ичинде жума сайын сурамжылоо өткөрүүнү ниеттенип жатат.

Америка COVID-19 инфекциясы аныкталган учурлардын саны боюнча дүйнөдө биринчи орунда турат. Ал жакта ооругандардын саны 1 миллион 600 миңден ашып, жүз миңден көп киши көз жумду.

0
Белгилер:
депрессия, пандемия, коронавирус, АКШ
Тема:
Кытайдагы жаңы типтеги коронавирус
Тема боюнча
Коронавируска каршы Япония чыгарган вакцина июлда сынактан өтөт
Япония Кыргызстан баш болгон 11 өлкөнүн жарандарына кирүүгө тыюу салды