Президент Сооронбай Жээнбековдун архивдик сүрөтү

Ажолукка 100 күн. Сооронбай Жээнбеков эмнелерге үлгүрдү

399
(жаңыланган 21:45 05.03.2018)
Бүгүн, 4-мартта президент Сооронбай Жээнбековдун ажо катары расмий иштеп баштаганына туура 100 күн болду. Андан бери кыргыз-казак мамилеси жолго салынып, өлкө башчысы коррупцияга каршы катуу күрөш башталарын жар салды. Sputnik Кыргызстан агенттиги үч айдан ашык убакыт ичиндеги маанилүү учурларга токтолду.

Тышкы саясат

Сооронбай Жээнбеков өлкө башчы катары биринчи иш сапарын Россиядан баштап, Владимир Путин жана өкмөт башчысы Дмитрий Медведев менен жолуккан. Ал эми 30-ноябрда Минскиде Жамааттык коопсуздук уюмунун юбилейлик саммитине катышып Белоруссиянын президенти Александр Лукашенко менен кезиккен. Аталган иш-чарада Сооронбай Жээнбеков менен казак президенти Нурсултан Назарбаев кол алышып, сууп кеткен мамиле жандана түшкөн

© Пресс-служба президента КР
Жээнбеков менен Назарбаев Минскиде чек ара маселесин өз тилинде чечишти. Видео

Декабрда болсо коңшу Өзбекстанга болгон сапарында Бишкек — Ташкент, Ош — Ташкент авиа каттамдарын ачуу сыяктуу бир катар келишимдерге кол коюлган

Президент Кыргызстана Сооронбай Жээнбеков и глава РУз Шавкат Мирзиёев во время подписание документов в Ташкенте
© Пресс-служба президента КР / Султан Досалиев
Жээнбековдун Өзбекстанга болгон сапарында Шавкат Мирзиёев менен жолукту

Жыл башында Тажикстанга барып, өлкө башчысы Эмомали Рахмон менен жолугушуп, экономикалык жана гуманитардык жактан кызматташуу боюнча сүйлөшүүлөрдү жүргүзгөн

В рамках официального визита президента Кыргызской Республики Сооронбая Жээнбекова в Таджикистан состоялась официальная церемония встречи с президентом республики Таджикистан Эмомали Рахмоном во Дворце нации, г. Душанбе.  1 февраля 2018 года
© Пресс-служба президента КР / Султан Досалиев
Жыл башында Тажикстанга барып, өлкө башчысы Эмомали Рахмон менен жолугушту

Бишкекте болсо, бир катар эл аралык уюмдардын өкүлдөрү менен чет элдик атка минерлерди кабыл алган. Алардын катарында Россиянын өкмөт башчысынын орун басары Аркадий Дворкович, Казакстандын Кыргызстандагы мурдагы элчиси Айымдос Бозжигитов бар.

Алгачкы кадамдар

Жыл башында Сооронбай Жээнбеков 2018-жылды региондорду өнүктүрүү жылы деп жарыялап, элет жерин жакшыртууга багытталган жарлыкка кол койду. Анын негизинде аймактарда жумуш орундарын түзүү, инфраструктураны жакшыртуу жана ишкерликти өнүктүрүүгө басым жасоо каралган. Кийин ажо иш сапары менен Нарын, Баткен облустарына барып, жарандарга ипотекалык насыяларды жылына 8 пайыз менен бериле турганын айтып кубанткан. 

Президент Кыргызской Республики Сооронбай Жээнбеков принял Генерального прокурора страны Индиру Джолдубаеву. 5 декабря 2017 года
© Пресс-служба президента КР / Султан Досалиев
Сооронбай Жээнбеков башкы прокурор Индира Жолдубаеваны чакырды

Ал эми 8-февралда Коопсуздук кеңешинин жыйынын өткөрүп укук коргоо, көзөмөл жана сот органдарын катуу сынга алып, коррупция менен күрөшүүдө көңүл жылытарлык жыйынтык болбой жатканын кесе айткан. Ал уюшкан кылмыштуулук, баңги заттарга байланышкан кылмыштарда погончондордун аралашуусу бар экенин сөз кылган. Андан соң Сооронбай Жээнбеков башкы прокурор Индира Жолдубаеваны чакырып, ишканаларды негизсиз текшерүүлөргө чара көрүүнү тапшырса, ички иштер министри Улан Исраиловго кылмыштарга аралашкан кызматкерлерден арылуу ишин жүктөгөн.

Кадр саясаты

Коопсуздук кеңешинин жыйынынан соң өлкө башчы УКМКнын Коррупцияга каршы күрөшүү кызматынын башчысы Дүйшөнбек Чоткараевди, Маалыматтык технологиялар жана байланыш боюнча мамлекеттик комитеттин төрагасы Нурбек Абаскановду кызматынан алды. Ага чейин Коопсуздук кеңешинин катчысы Алмазбек Курманалиевди ээлеген кызматынан бошотуп, президенттик аппаратта бир катар кызматтык дайындоолорду жүргүзгөн. 

Президент Кыргызской Республики Сооронбай Жээнбеков посетил Государственный исторический музей Кыргызской Республики для ознакомления с ходом реконструкции. 12 января, 2018 года
© Пресс-служба президента КР / Султан Досалиев
Жээнбеков аппарат жетекчиси Фарид Ниязов менен

Өткөн айдын соңунда аппарат жетекчиси Фарид Ниязовдун кызматтан кетүү тууралуу оюн угуп, анын сунушун кабыл алган жок. Фарид Ниязов өткөн жылдын декабрь айынын башында президенттин аппаратынын жетекчиси болуп дайындалган болчу.

Сес көрсөткөн өлкө башчы

Жүз күн ичинде Сооронбай Жээнбеков бийлик бутактарына сес көрсөтүп, айрымдарын жумуштан кетирди. Ажо жогорку кызматта иштегендерди карапайым элге жеткиликтүү болууга чакырган.

"Эл силерге арыз-муңумду угат деген үмүттө кайрылат. Бирок баарыңар эле кабыл ала бербейсиңер. Өткөрмө пункттары менен курчалып, күзөтчүлөрдү коюп алып, силер элге жеткиликтүү болбой жатасыңар. Адамдар силерден арка-бел издесе, силер өзүңөр жан сакчы менен жүрөсүңөр, анан кантип элди коргойсуңар?" — деп суроо салган өлкө башчысы.

© Пресс-служба президента КР
Жээнбеков: укук коргоо органдарындагы коррупция криминалдын баш көтөрттү
Ал ошондой эле эгер сот органдары алдына коюлган милдеттерди так аткара албаса, президент жеке өзү кийлигише турганын эскерткен.

"Соттордун ишине кийлигишейин деген кыпындай да оюм жок. Бирок соттор оор кылмыш жасагандарды актап, туура эмес чечим чыгарып, элдин укугун тепселеп жатса, мен президент катары бардык нерсеге кийлигишем. Мага элдик бийликти ишке ашырууга эл өзү уруксат берген. Бардыгын мыйзам чегинде аткарабыз", — деген өлкө башчысы.

Эске сала кетсек, Сооронбай Жээнбеков 2017-жылдын 24-ноябрында расмий түрдө президенттик кызматка киришип, эгемендүү Кыргызстандын бешинчи өлкө башчысы болуп шайланган.

399
Белгилер:
Кыргызстан, Сооронбай Жээнбеков, президент, башкаруу, саясат, 100 күн
Тема боюнча
Түрмөгө камайм! Мирзиёев аткаминерлердин тойго баруусуна тыюу салды
Сооронбай Жээнбеков — комсомол, мугалим, зоотехник. Сейрек сүрөттөр
Россиялык Су-25

Россиялык Су-25тер Тажикстанда: кол салгандын катыгын берүүгө даярдык

90
Афганистанга Ирак жана Сириядан келген террорчулардын топтолушу Көз карандысыз мамлекеттердин шериктештигине, айрыкча Борбор Азия өлкөлөрү үчүн коркунуч туудурат.

Мындай кырдаал афган чек араларынын түндүк жактагы аймактардын баарында атайын кызматтардын активдешүүсүн жана аскердик күчтөрдүн даярдыгын күчөтүүнү талап кылууда.

13-октябрда Азербайжан, Армения, Беларусь, Казакстан, Кыргызстан, Тажикстан, Түркмөнстан жана Өзбекстандын атайын кызматтарынын башчылары менен жолугушууда РФ президенти Владимир Путин КМШ өлкөлөрүнө Афганистандан ирактык жана сириялык тажрыйбасы бар террорчулардын келиши, "түз экспансиянын башталышы" толук ыктымал экенин билдирди. Ошону менен катар биргелешкен атайын операцияларга күч түзүмдөрүнүн алдын ала камылгасынын маанисин баса белгиледи. Аскерий баяндамачы Александр Хроленко алдыдагы атайын операциялардын даярдыгына токтолду.

Жолугушуу өткөн күнү эле россиялык чалгындоо кызматы Афганистандагы азыркы кырдаалды мурдатан болжогону да белгилүү болду. Тажикстандын Улуттук коопсуздук мамлекеттик комитети афган территориясынан баңгизат, курал, ок-дарынын агымы күч алганын маалымдады. Бул жакшы жышаан эмес.

Андан мурун РФ тышкы иштер министринин орун басары Андрей Руденко талибдер Афганистан провинциясын көзөмөлдөөгө чамасы келбей, Борбор Азия өлкөлөрүнүн коопсуздугуна кепилдик бере албай турганын айткан эле. "Талибан"* кыймылынын айрым куралдуу топтору Тажикстанга басып кирүүгө да даяр. Ушундай кооптуулуктардан улам ЖККУ (Жамааттык коопсуздук келишими уюмунун) күчтөрүнүн афган чек арасына жакын жерге белгиленген "Аскердик боордоштук – 2021" биргелешкен ыкчам-стратегиялык окуулары зарыл жана жетиштүүдөй көрүнөт.

Тажикстандагы Харб-Майдон жана Момирак полигондорунда 18–23-октябрь аралыгына белгиленген машыгууларга Беларусь, Казакстан, Кыргызстан, Россия жана Тажикстандан 5 000дин тегерегинде аскер кызматкери катышмакчы.

Окуунун алкагындагы операцияларга курал жана аскердик техниканын 700 бирдиги, анын ичинде 40тан ашуун учак жана тик учак (Су-24МР, Су-25, Ми-8МТВ, Ми-24), ошондой эле ар кыл багыттагы 15 учкучсуз аппарат да бар. Эске салсак, "Аскердик боордоштук – 2021" машыгууларынын жүрүшүндө "Өз ара аракеттешүү", "Издөө", "Эшелон" атайын операциялары өткөрүлөт, бул тууралуу биз да кабарлаган элек.

ЖККУнун Бириккен штабынын жетекчиси Анатолий Сидоров кечээ аскердик күчтөрдүн биргелешкен тобунун күч жана каражаттары көбөйтүлгөнүн кабарлап, окууларда тажик-афган чек арасындагы окуялардын ар кыл нугун, абдан курчуп кеткен вариантына дейре эске аларын белгиледи.

Чабуулчулардын кезеги

ЖККУ боюнча союздаштар Афганистан менен чектешкен аймактарда атайын окууларга даярдыгын аяктап калды. Тажикстанга РФтин Борбордук аскердик округунун фронттук Су-24МР бомбалоочулары, Кыргызстанда жайгашкан "Кант" россиялык авиабазасынын Су-25 чабуулчулары да жеткирилген. Биргелешкен окуулар эң кызып калган убакта учкучтар шарттуу душманды издөө, анын объектилерин жок кылуу, мотоаткычтар бөлүгү жана танкисттердин чабуулуна көктөн ок атуу менен көмөк көрсөтүүгө машыгышат.

Чабуулчу Су-25 жердеги чакан көлөмдөгү кыймылдуу жана кыймылсыз объектилерин жок кылууга багытталган. Бул – буталар так көрүнгөн шарттарда же 30 метрден 5 чакырымга чейинки бийиктикте Кургактагы күчтөрдү күнү-түнү түздөн-түз колдоодо алмашкыс аскердик бирдик. Су-25тин бурулушунун чакан радиусу (500 метр) чабуул коюучу учкучтарына чабуулду майнаптуу уюштурууга, аскердик запасты (30 миллиметрлик замбирек снаряддары, тескелүүчү жана башкарылбаган ракеталар, түзөтүлчү жана кассеталык аба бомбалары, күчтүү көлөмдүү-жардыруучу аба бомбалары жана күйүүчү май аралашмасы толтурулган челектер) сарамжалдуу пайдаланууга мүмкүндүк берет. Су-25 чабуул коюучу учагынын максималдык аскердик жүгү – 4 тоннадан ашуун. Күчтүү жана универсалдык бул аба бирдиги Афганистанда 1980-жылдардын башында эле өзүн көрсөтө алган. Андан бери бир нече ирет заманга ылайыкташтырылганы да маалым.

Алдыдагы машыгууларга даярдык абдан кызуу жана олуттуу жүрүүдө. Россиялык Борбордук аскердик округунун командачысынын орун басары Алексей Лемякин сириялык тажрыйбаны эске алуу менен Тажикстанда ЖККУнун Ыкчам чара көрүү жамааттык күчтөрүн материалдык-техникалык камсыздоо милдеттеринин кеңири түрлөрү аткарыларын айткан.

Айтмакчы, "Аскердик боордоштук – 2021" ыкчам-стратегиялык окууларында ЖККУга мүчө болбогон Өзбекстандын күчтөрү келбегени менен буга чейинки биргелешкен контртеррордук машыгууларга катышканын да белгилей кетели.

Ыкчам жагдай

Талибдердин бул айдагы тышкы саясий активдешүү аракеттери, Дохадагы бир катар маанилүү жолугушуулары, чет элдик гуманитардык жана каржылык жардам алууга, кыймылды эл аралык деңгээлде мыйзамдуу саясий күч катары таанытууга кадамдары деле өлкөнүн мындан аркы экономикалык жана ички саясий бүлгүнүн токтото албачудай. Коңшу мамлекеттер жана Бириккен Улуттар Уюму талибдер инклюзивдик өкмөт куруу жана аялдардын укугун коргоо боюнча убадаларын аткарбаганын белгилеп жатышат.

"Талибандын"* өз "атаандаштарына" каршы туруу далалаттарына карабастан Афганистандын ири шаарларында жана түндүк провинцияларындагы электр чубалгылар линияларын жардыруулар дале токтой элек.

Талибдер өлкө бийлигин кайрадан ээлегенден бери афган жалпыга маалымдоо каражаттарында 17 теракт тууралуу маалыматтар чыкты. Аларга таянсак, көпчүлүгүнүн артында "Ислам мамлекети"* уюму турат. Кабул, Нангархар, Парван, Кунар, Кундуздагы жардырууларда 600 киши жабыр тартты. Терактылардын баары эле коомго ачыктала калган жок.

Тажикстан менен чектеш Кундуз провинциясына караштуу Ханабад уездиндеги шииттердин мечитиндеги 8-октябрдагы теракт 120 кишинин өмүрүн алып, 160тан ашуун адамды жарадар кылды. 14-октябрда Кунар провинциясында талибдердин уезддик полициясынын начальниги олтурган автомобиль жардырылды. АКШ жана НАТОнун аскердик интервенциялары менен болгон күрөштө "Талибан"* жеңишке жетишкенден бери Афганистанга Ирак жана Сирияда согуштук аракеттерди жүргүзүүдө тажрыйба топтогон ИМ* террорчулары чогула баштады. Бул "баары баарына каршы" согушунун уланышынан коңгуроо кагат.

Калган көйгөйлөрү аз келгенсип, ушул тапта афган калкынын жүрөгүн өйүтүп турган нерсе – өлкөдө бийлик үчүн күрөшкө улам жаңы, мурдагылардан да радикалдуу топтордун жаралышы. Ошондой эле этникалык тажик – кенже Ахмат Масуддун жетекчилигиндеги Улуттук каршылык көрсөтүү фронту да талибдер менен "эзелки" партизандык күрөшүн улантууда.

ЖККУ Афганистандагы абалды эске алып Тажикстандагы аскердик окууларын, ал эми Россия Душанбеге россиялык аскердик жана аскердик-техникалык жардамын, жакынкы айларда тажик-афган чек арасын материалдык-техникалык жактан бекемдөөгө көмөктөшүүнү уланта берери ажеп эмес.

* – Кыргызстан, Россия жана бир катар мамлекеттерде тыюу салынган террордук уюмдар.

Аскерий баяндамачы Александр Хроленконун Telegram каналына жазылыңыздар.

90
Белгилер:
Тажикстан, Россия, Афганистан, Сирия, согушкер, 'Талибан' кыймылы, чек ара, машыгуу, курал
Тема боюнча
Иран менен Түркия согушка даярдыгын көрсөтүүдө: Азербайжандын эмне тиешеси бар?
Мамлекеттик салык кызматынын төрагасы Алтынбек Абдувапов

Мамлекеттик салык кызматына Алтынбек Абдувапов төрага болду