Жээнбеков кыргыз-тажик чек арасын делимитациялоо иштерин тездетүүнү тапшырды

© Пресс-служба президента КР / Султан ДосалиевПрезидент КР Сооронбай Жээнбеков обсудил демаркацию границ
Президент КР Сооронбай Жээнбеков обсудил демаркацию границ - Sputnik Кыргызстан
Жазылуу
Өлкө башчы чек араны кесип өткөн жарандарга ыңгайлуу шарттар түзүлүшү керектигин белгиледи

БИШКЕК, 5-мар. — Sputnik. Президент Сооронбай Жээнбеков бүгүн, 5-мартта, Мамлекеттик чек ара кызматынын төрагасы Уларбек Шаршеев менен өкмөттүн чек араны делимитациялоо маселелери боюнча атайын өкүлү Курбанбай Искандаровду кабыл алды. Бул тууралуу өлкө башчынын маалымат кызматы билдирди.

Контрольно-пропускной пункт кыргызско-узбекской границы в Кара-Суу - Sputnik Кыргызстан
Кыргыз-өзбек чек арасындагы "Достук" пунктунун өткөрүү мүмкүнчүлүгү жогорулайт
Жолугушууда чек арадагы абал жана мамлекеттик чек аранын участкаларындагы көзөмөл-өткөрүү пунктуларын жакшыртуу боюнча аткарылып жаткан иштер талкууланды.

Жээнбеков анын Өзбекстан жана Тажикстанга болгон иш сапарларынын натыйжасында жетишилген макулдашууларга ылайык, кыргыз-тажик жана кыргыз-өзбек чек арасынын калган участкаларын делимитациялоо жумуштарын тездетүү боюнча бардык чараларды көрүүгө тапшырма берди.

Искандаров кыргыз-өзбек чек арасынын калган участкаларын аныктоо боюнча жумуштар ыкчам жүрүп жатканын, 2018-жылдын экинчи кварталында Кыргызстан жана Тажикстандын ортосундагы эки тараптуу маселелерди комплекстүү карап чыгуу үчүн өкмөттөр аралык комиссиянын жолугушуусу белгиленгенин айтты.

Кыргыз-тажик чек арасы: түшүнбөстүк чыккан аймакка көпүрө курулду. Видео - Sputnik Кыргызстан
Кыргыз-тажик чек арасы: түшүнбөстүк чыккан аймакка көпүрө курулду. Видео
Ал эми Шаршеев "Достук" көзөмөл-өткөрүү пунктунун өткөрүү жөндөмүн жогорулатууга багытталган иш-чаралар жөнүндө белгиледи. Анын айтымында, кыргыз-өзбек чек арасындагы көзөмөл-өткөрүү пунктуларынын аймагында соода-сатыктын өнүгүшүнө байланыштуу жүргүнчүлөрдүн агымы көбөйүүдө. Өткөрүү жөндөмүн жогорулатуу максатында паспорттук көзөмөл кабиналарынын саны 30га чейин көбөйтүлмөкчү.

Президент мамлекеттик чек аранын участкаларындагы өткөрүү пунктуларынан өтүү үчүн жагымдуу шарттарды түзүү зарылдыгын белгиледи.

Жолугушууга ошондой эле президент аппаратынын жетекчисинин орун басары Алмамбет Салиев, Коопсуздук кеңешинин катчысынын биринчи орун басары Дамир Сагынбаев, президенттин кеңешчиси Жеңиш Раззаков катышты.

Жаңылыктар түрмөгү
0