Россиянын Нидерланддар мамлекетиндеги элчилиги Башкы чалгындоо башкармалыгынын мурдагы полковниги Сергей Скрипаль менен кызы Юлиянын ууланган жеринде тез жардам кызматкерлери. Архивдик сүрөт

Кыргызстан Россиянын Скрипалдын ууланышы боюнча билдирүүсүн колдоду

227
(жаңыланган 21:04 05.04.2018)
Россия менен чогуу билдирүүнү колдогон 14 мамлекеттин жетөө мурдагы СССРдин курамындагы өлкөлөр

БИШКЕК, 5-апр. — Sputnik. Россиянын Нидерланддар мамлекетиндеги элчилиги Башкы чалгындоо башкармалыгынын мурдагы полковниги Сергей Скрипаль менен кызы Юлиянын уулануусун изилдеп жаткан Химиялык куралга тыюу салуу боюнча уюмга карата Россиянын бирдиктүү билдирүүсүн колдогон мамлекеттерди атады.

Элчилик билдирүүнү колдоого алган мамлекеттердин желектеринин тизмесин Twitter социалдык тармагындагы расмий баракчасына жарыялаган. Анда Россиядан башка Иран, Венесуэла, Куба, Сирия, Пакистан жана Никарагуа бар. Калган жети өлкө мурдагы Советтер Союзунун курамындагы — Белоруссия, Армения, Азербайжан, Казакстан, Кыргызстан, Өзбекстан жана Тажикстан.

​4-апрелде Россия Кытай жана Иран менен бирге "Улуу Британиянын Россияга койгон бардык айыптарын бирге иликтөөнү" сунуштап, Химиялык куралга тыюу салуу боюнча уюмга керектүү кадамдарды жасоону тапшыруу керектигин айткан.

Химиялык куралга тыюу салуу боюнча уюмга 41 мамлекет мүчө. Аталган маселе боюнча чечим мүчөлөрдүн үчтөн экисинин добушу менен кабыл алынат. Бирок Россиянын демилгеси тийиштүү добушка ээ болбой, колдоого алынган эмес.

227
Белгилер:
уулануу, Сергей Скрипаль, Россия
Тема боюнча
Германия "Скрипалдын ишине" РФтин тиешеси далилденбегенин айтты
Скотланд-Ярд Скрипаль кайдан ууланганын айтты
20 өлкө орус дипломаттарын чыгарууда. Россия ТИМи муну чагымчылдык деди
Президент Сооронбай Жээнбеков саламаттыкты сактоо министри Сабиржан Абдикаримов менен онлайн кеңешме өткөрүп, коронавирус боюнча учурдагы абалды талкуулаган

Маалыматты так берип тургула. Жээнбеков министр Абдикаримов менен сүйлөштү

92
(жаңыланган 17:42 04.07.2020)
Президент министрди бейтаптардын жана дарыгерлердин муктаждыктары жөнүндө так жана өз убагында маалымат берип турууга чакырган. Буга кошумча дагы бир жолу медицина кызматкерлерин мобилизациялоо зарылдыгын белгилеген.

БИШКЕК, 4-июл. — Sputnik. Президент Сооронбай Жээнбеков саламаттыкты сактоо министри Сабиржан Абдикаримов менен онлайн кеңешме өткөрүп, коронавирус боюнча учурдагы абалды талкуулаган. Бул туурасында мамлекет башчынын маалымат кызматынан кабарлашты.

Жээнбеков саламаттыкты сактоо системасынын кызматкерлерин кесиптик майрамы менен дагы бир жолу куттуктаган.

Президент КР Сооронбай Жээнбеков провел онлайн совещание с министром здравоохранения Сабиржаном Абдикаримовым
© Пресс-служба президента КР / Султан Досалиев
Президент Сооронбай Жээнбеков саламаттыкты сактоо министри Сабиржан Абдикаримов менен онлайн кеңешме өткөрүп, коронавирус боюнча учурдагы абалды талкуулаган
"Өлкө үчүн эң татаал учурда кесиптик милдетиңерди татыктуу аткарып жатасыздар. Дарыгерлерибиздин чоң армиясы бүгүнкү күндө элибиздин саламаттыгын жана өмүрүн сактоо максатында өз жанын унутуп коюп, айрымдары үй-бүлөсүн, балдарын көрбөй, айлап иш үстүндө болууда. Медиктерибизге терең ыраазычылык билдиребиз", — деген мамлекет башчысы.

6000ге чейин адамды тейлейт дешти. Бишкекте ачылып жаткан төрт стационардын дареги

Президент кырдаалды талдоо жана ыкчам чечимдерди кабыл алуу үчүн өз убагында прогноз кылуунун зарылдыгына министрдин көңүлүн бурган.

"Бейтаптарды кабыл алуу жана жайгаштыруу алгоритмин зарылдыгына жараша ийкемдүү өзгөртүүгө, бейтаптардын жана дарыгерлердин муктаждыктары жөнүндө так жана өз убагында маалымат берип турууга чакырды", — деп айтылат маалыматта.

Мамлекет башчысы дагы бир жолу медицина кызматкерлерин мобилизациялоо зарылдыгын белгилеген.

Президент КР Сооронбай Жээнбеков провел онлайн совещание с министром здравоохранения Сабиржаном Абдикаримовым
© Пресс-служба президента КР / Султан Досалиев
Президент кырдаалды талдоо жана ыкчам чечимдерди кабыл алуу үчүн өз убагында прогноз кылуунун зарылдыгына министрдин көңүлүн бурган

Ошону менен азыркы шарттарда бейтаптарды ыкчам орундуктарга жайгаштыруу үчүн ооруканалардын бирдиктүү санарип картасын иштеп чыгуунун маанисин баса белгилеген.

Пневмониядан дарылоо үчүн Бишкекте дагы үч стационар ачылды. Дареги

Мындан тышкары, дары-дармектердин жана медициналык каражаттардын тартыштыгына жана баасын жасалма жогорулатууга жол бербөө максатында рынокту көзөмөлдөөнү айткан.

"Мындай нерселер жазасыз калбашы керек. Бул багытта Финансы полициясы иш алып барууда. Саламаттыкты сактоо министрлиги дагы ар дайым мониторинг жүргүзүп, маалыматтарды ыкчам берип турууга милдеттүү", — деген Жээнбеков.

Ал дарыгерлердин айлык акысы үзгүлтүксүз, убагында берилишин, медицина кызматкерлерин тамак-аш менен камсыз кылуу жана анын сапаты министрдин көзөмөлүндө болушу керектигин билдирген.

Абдикаримов жогорку окуу жайлардын ректорлору менен макулдашылып, медициналык факультеттердин жогорку курстарынын 70ке жакын студенттери ишке тартылганын, дагы 30 студент Тез жардам кызматтарынын катарын толуктаганын маалымдаган.

"Коопсуздук кеңешинин чечимдерин ишке ашыруунун алкагында Бишкек шаарында алгачкы медициналык жардам көрсөтүү үчүн төрт стационардык борбордо 7 миң кошумча орун уюштурулуп, ага үч дарыгер жана 6 медайым жөнөтүлөт", — деп айтылган маалыматта.

Дарыны компаниялар эмес, ташып келгендер кымбаттатып жатканы айтылды

Пилоттук долбоордун алкагында коронавирусу бар бейтаптар үчүн атайын адистештирилген жерлерде бош орундуктардын эсеби жүргүзүлүп, бардык ооруканалардан келип түшкөн маалыматтар бирдиктүү базага киргизилери айтылган.

Министр рыноктун анализи жүргүзүлүп, дары-дармектердин баасын кыйла жогорулатып жибергендердин тизмеси түзүлгөнүн жана ал Республикалык штабга жөнөтүлгөнүн кошумчалаган.

92
Белгилер:
Сабыржан Абдикаримов, Сооронбай Жээнбеков, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Боронов: Россияда иштеген кыргыз дарыгерлер жардамга даяр, учак менен алып келебиз
Кырдаал оор экен. Россиялык эксперттер ооруканаларга барып, КРдеги абалга баа берди
АКШнын президенти Дональд Трамп

Президент Жээнбеков Трампты АКШнын көз карандысыздык күнү менен куттуктады

43
(жаңыланган 14:47 04.07.2020)
Кыргызстан президенти Трампка бекем ден соолук жана ийгилик, АКШ элине тынчтык менен өсүп-өнүгүү каалаган.

БИШКЕК, 4-июл. — Sputnik. Президент Сооронбай Жээнбеков Американын президенти Дональд Трампты АКШнын көз карандысыздык күнү менен куттуктады. Бул тууралуу мамлекет башчынын маалымат кызматынан кабарлашты.

Билдирүүгө ылайык, КРдин президенти Америка Кошмо Штаттарынын улуттук майрамы болгон көз карандысыздык күнү менен куттуктаган телеграмма жолдоду.

"Биздин өлкөлөрдүн ортосунда калыптанган достук мамилелер мындан дагы тыгыз саясий, соода-экономикалык жана маданий-гуманитардык чөйрөлөрдө, эл аралык уюмдардын алкагында көп тараптуу кызматташууну өнүктүрүүгө жакшы негиз түзөт деп ишенем. Өз кезегинде, Кыргызстан АКШ менен алаканы чыңдоо жана кеңейтүү үчүн мындан ары дагы бардык күч-аракеттерин жумшайт деп ишендиргим келет", — деп жазылган куттуктоодо.

Жээнбеков Путин менен сүйлөшүп, жардамы үчүн ыраазычылык билдирди

Жээнбеков ошондой эле Трампка бекем ден соолук жана ийгиликтерди, АКШ элине тынчтык жана өсүп-өнүгүүнү каалады.

43
Белгилер:
Дональд Трамп, АКШ, Сооронбай Жээнбеков, Кыргызстан
Тема боюнча
Жээнбеков Бердымухамедовду туулган күнү менен куттуктады
Жээнбеков медиктерди куттуктады: ыраазымын, журт жүгүн көтөрүп жатасыңар
Бишкек шаары. Архив

Жекшембиге карата аба ырайы

0
(жаңыланган 21:03 04.07.2020)
Түнкүсүн Чүй облусунун тоолуу райондорунда өткүн өтүп, күн күркүрөп, бийик тоолуу райондордо кар жаайт. Калган аймактарда жаан-чачын болбойт.

БИШКЕК, 4-июл. — Sputnik. Эртең күндүз республика боюнча көпчүлүк аймактарда жамгыр жаап, бийик тоолуу райондорго кар түшүшү күтүлөт. Бул тууралуу Кыргызгидромет билдирди.

Абанын температурасы Чүйдө +24...+29, Талас жергесинде +23...+28, Ош, Жалал-Абад жана Баткен облустарында +30...+35, Ысык-Көл, Нарын аймактарында +22...+27 градус жылуу болот.

Борбор калаада күндүн табы +27...+29, Ошто +33...+35, Чолпон-Атада +22...+24 градус болору маалымдалды.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

0
Белгилер:
аба ырайы, Кыргызстан
Тема боюнча
Жаанчыл болот. Бир жумага карата аба ырайы