Президент көпчүлүк коалициядагы фракция лидерлери менен жолукту

© Пресс-служба президента КР / Султан ДосалиевПрезидент КР Сооронбай Жээнбеков встретился с лидерами фракций коалиции большинства в ЖК
Президент КР Сооронбай Жээнбеков встретился с лидерами фракций коалиции большинства в ЖК - Sputnik Кыргызстан
Жазылуу
Көпчүлүк коалициянын курамында үч фракция бар.

БИШКЕК, 19-апр. — Sputnik. Президент Сооронбай Жээнбеков 19-апрелде Жогорку Кеңештеги көпчүлүк коалициясына кирген КСДП, "Кыргызстан" жана "Бир Бол" фракцияларынын лидерлери менен жолукканын өлкө башчынын маалымат кызматы билдирди.

Встреча президента КР Алмазбека Атамбаева с торага ЖК Дастанбеком Джумабековым - Sputnik Кыргызстан
Сапар Исаков ЖК төрагасына кат жолдоду
Жолугушууга Иса Өмүркулов, Алмазбек Баатырбеков жана Алтынбек Сулаймановдон тышкары Жогорку Кеңештин төрагасы Дастанбек Жумабеков менен президенттик аппараттын жетекчиси Мухаммедкалый Абулгазиев катышты.

Көпчүлүк коалициянын лидери Өмүркулов Жогорку Кеңеш бүгүнкү жыйынында парламенттин теңинен көбүн түзгөн үч фракциянын депутаттарынын өкмөткө ишеним көрсөтпөө сунушун колдогонун билдирди.

"Парламент мындай чечимди өлкөнүн кызыкчылыгында кабыл алды. Көпчүлүк коалициясы ошол эле курамда калат", — деп белгиледи Иса Өмүркулов.

Ошону менен бирге ал коалициянын курамына "Республика — Ата-Журт" фракциясынын кириши күтүлүп жатканын кошумчалады.

Президент Сооронбай Жээнбеков парламенттеги көпчүлүк коалициясынын туруктуу иштеши мамлекеттин туруктуу өнүгүүсүн камсыз кыларын белгилеп, парламентке бийликтин аткаруу бутагы менен жемиштүү иштешин каалады.

Жаңылыктар түрмөгү
0