Здание Правительства Кыргызской Республики в Бишкеке

Жер иштеткен, лекция окуган, качкан экс-премьерлер. Өкмөттү башкаргандар кайда?

2902
(жаңыланган 10:26 22.04.2018)
Бүгүн Жогорку Кеңештин депутаттары Сапар Исаковдун өкмөтүнө ишеним көрсөтпөө боюнча чечим кабыл алды. Ушуну менен өкмөт башчынын милдетин аткаргандарды эсепке албаганда 21-премьер-министр кетип жатат.

Исаков кыргыз өкмөтүнүн башына 2017-жылдын 25-августунда дайындалып, бул кызматты 8 ай аркалады.

Чиновник. Архив
© Пресс-служба правительства / Сабыр Аильчиев
Кыргызстандын тарыхында 1991-жылдан тарта өкмөттү 21 премьер-министр жетектеди. Алардын арасында эки ирет өкмөт башчылык тизгинди кармагандар болгон. Кызыгы, алар кийин Кыргызстандын президенти болуп шайланган. Министрлер кабинетин алды беш жыл, арты бир ай жетектеген. Эки премьер-министр жалындап иштеп турган кезинде бирөө жол кырсыгынан, экинчиси оорудан көз жумган. Учурда төрт экс-премьер министрине кылмыш иши козголуп, чет өлкөдөн Кыргызстанга келбей жүрөт. Алардын арасында Интерпол аркылуу издөөгө алынгандар бар.

Булардан сырткары сегиз аткаминер, анын ичинен бир аял киши Роза Отунбаева премьер-министрдин милдетин аткарып турган. Буларды кошкондо Кыргызстандын өкмөт башчылык тизгини 29 адамга берилген.

Sputnik Кыргызстан мурдагы премьер-министрлер азыр кайда, эмне иш менен алек кылып жаткандыгын тизмектеп көрдү.

Насирдин Исанов — Кыргызстандын тунгуч премьер-министрлигине 1991-жыл, 21-январында дайындалган. Тунгуч өкмөт башчы кызматка тургандан 10 ай өтпөй жол кырсыктан 49 жашында каза тапкан

Насирдин Исанов — государственный деятель и первый премьер-министр Кыргызстана, академик Инженерной академии СССР
предоставлено Марией Исановой
Насирдин Исанов

Турсунбек Чыңгышев — Кыргызстандын 2-премьер-министри. 1992-жылы 10-февралда дайындалып туруп, бир жыл он ай иштеген. Учурда эч кандай мамлекеттик кызматты ээлебейт, пенсияда. 76 жашта. 

Апас Жумагулов — Кыргызстандын 3-премьер-министрлигине 1993-жылдын 14-декабрында дайындалып, 5 жыл үч ай иштеген. Андан кийин элчилик кызматтарды аркалап, 2007-жылы КРдин Россиядагы элчилиги менен мамлекеттик кызматтагы доору аяктаган. Өзү менен байланышканыбызда Россияда курулуш боюнча долбоорлордун жетекчи-консультанты болуп жүрүп, 2017-жылы Кыргызстанга келип, учурда инвестиция тартуу боюнча иштеп жүргөнүн айтты. 84 жашта.

Премьер-министр Кыргызстана Апас Джумагулов
© Sputnik / РИА Новости
Апас Жумагулов

Кубанычбек Жумалиев — Кыргызстандын 4-премьери, 1998-жылдын 14-мартынан тарта бул кызматта 9 ай отурган. Учурда Жогорку Кеңештин VI чакырылышында "Бир бол" фракциясынан депутат болуп отурат. 62 жашта. 

Депутат ЖК КР от партии Бир Бол Жумалиев Кубанычбек Мырзабекович
© Sputnik / Табылды Кадырбеков
Кубанычбек Жумалиев

Жумабек Ибраимов Кыргызстандын тарыхында 5-өкмөт башчы болуп 1998-жылдын 25-декабрында дайындалып, төрт айдан кийин өрт-жалын болуп иштеп жатып, мурдатан тооруган дарттан улам 55 жашында көз жумган. 

Премьер-министр Кыргызстана Джумабек Ибрагимов.
© Sputnik / Сергей Субботин
Жумабек Ибраимов

Амангелди Муралиев — Кыргызстандын 6-премьерлигине 1999-жылдын 12-апрелинде дайындалып, бир жыл сегиз ай иштеген. Андан кийин саясатка, мамлекеттик кызматтарга аралашып жүргөн. Учурда Разаков атындагы Кыргыз Техникалык университетинин Камкорчулар кеңешинин төрагасы. Андан сырткары жогорку окуу жайларда лекция окуйт. 71 жашта.

Государственный деятель, экс-премьер-министр КР Амангелди Муралиев
© AFP 2019 / KAZUHIRO NOGI
Амангелди Муралиев

Курманбек Бакиевге Кыргызстанда премьерлик тизгин эки ирет тийип, өлкөнүн 7-жана 9-өкмөт башчысы болгон. Биринчи жолу 2000-жылдын 21-декабрынан тарта 1,5 жыл министрлер кабинетин жетектеген. Ал эми экинчи ирет 2005-жылдын 25-мартынан тарта үч айга чукул иштеген. Президенттик тактысы Бакиевдин тагдырын таптакыр башкача жакка өзгөртүп, элдик толкундоолордон, адамдардын өлүмүнөн кийин Белоруссиядан баш паанек издеп, качып кеткен. Учурда 69 жашта. 

И.о. президента Кыргызстана, премьер-министр КР Курманбек Бакиев во время рабочей встречи глав государств СНГ
© Фото / POOL
Курманбек Бакиев

8. Николай Танаев 8-премьер кыргыз өкмөтүн 2002-жылдын 22-майынан 2005-жылдын 25-мартына чейин башкарган. Акаевдин бийлиги учурундагы акыркы өкмөт башчы Танаев "Кумтөр" келишими боюнча коррупцияга айыпталып, ага эки ирет издөө жарыяланган. Учурда чет өлкөдө жашайт. 73 жашта. 

Экс-премьер-министр КР Николай Танаев на пресс-конференции в Бишкеке (Кыргызстан). 23 августа 2005 года
© AP Photo / AZAMAT IMANALIEV
Николай Танаев

Феликс Кулов 10-өкмөт башчы болуп, 2005-жылдын 15-августунда дайындалып, бир жыл беш айдан кийин кызматтан кеткен. Кийин ЖКда депутат болгон. Учурда мамлекеттик кызматта иштебейт, бирок өзү түптөгөн "Ар намыс" саясий партиясынын ишин алып барып, эрмек кылат. Быйыл күздө 70ке толот.

Экс-глава кабинета министров Кыргызстана Феликс Кулов
© Sputnik / Андрей Стенин
Феликс Кулов

10. Кыргызстандын тарыхында өкмөт башын бир ай гана турган премьер-министрлер да болгон. Ал өлкөнүн 11-өкмөт башчысы Азим Исабеков эле. Андан кийин "Бишкек" эркин экономикалык аймагында директорлукту эки жылдай аркалады. Учурда ата-энесинин үлүш жерин иштетип, айыл чарбачылыгы менен алектенип жүргөндүгүн айтты. 58 жашта.

Бывший премьер-министр и  министр сельского хозяйства Азимбек Исабеков (29 января 2007 — 29 марта 2007)
© Фото / из архива семьи Исабековых
Азим Исабеков

11. Кыргыз мамлекетинин тарыхында эки ирет, 12-жана 14-премьер-министр болгондордун бири — Алмазбек Атамбаев. Алгач 2007-жылдын 29-мартынан 28-ноябрга чейин министрлер кабинетин башкарган. Экинчи жолу 2010-жылдын декабрынан баштап 12 ай премьер болгон. Кийин президенттикке шайланып, мамлекетти алты жыл башкарып, мөөнөтү аяктады. Учурда өзү түптөгөн КСДПнын төрагасы. 62 жашта. 

Бывший премьер-министр Алмазбек Атамбаев встречается со своими сторонниками во время президентской кампании в Бишкеке. 18 июля 2009 года
© AFP 2019 / VYACHESLAV OSELEDKO
Алмазбек Атамбаев

Игорь Чудиновдун тагдырына Кыргызстандын 12-өкмөт башчысы болуу шыбагасы буюрган. Ал 2007-жылдын 24-декабрынан тарта үч жылга чукул иштеген. Андан соң мамлекеттик кызматта иштеп, 2010-жылы бийлик алмашкандан кийин, ага кылмыш иши козголгон. Учурда ЖКнын VI чакырылышына "Бир бол" фракциясынан депутат болуп отурат. 57 жашта. 

Депутат ЖК 6-го созыва Игорь Чудинов от фракции Бир Бол. Архивное фото
© Sputnik / Табылды Кадырбеков
Игорь Чудинов

15-премьер-министр Данияр Усенов 2009-жылдын 21-декабрында кызматка келсе, 2010-жылдагы апрель ыңкылабы аны төрт айдан кийин алып түшкөн. Бизнестен депутаттыкка, андан кийин мамлекеттик кызматтарга келген Усеновго Бакиевдин учурундагы акыркы премьер-министр. 7-апрель окуялары боюнча сыртынан соттолгон. Учурда чет өлкөдө. 58 жашта. 

Новый премьер-министр Киргизии Данияр Усенов
© Sputnik / Владислав Ушаков
Данияр Усенов

Өмүрбек Бабанов Кыргызстандын 16-өкмөт башчысы 2011-жылдын 1-декабрынан тарта 9 ай иштеди. Андан соң парламенттик шайлоодо "Республика" партиясын жетектеп, ЖКнын VI чакырылышына депутат болуп келди. 2017-жылдагы президенттик шайлоого катышып, 33,8 пайыз добушун алган. Үгүт иштеринде туура эмес сүйлөгөндүгү үчүн кылмыш иши козголуп, депутаттык мандатынан кол жууган. Кыргызстандан чыгып кеткен, учурда чет өлкөдө жүрөт. 48 жашта. 

Члены Совета государств — участников СНГ выступили с заявлениями
© Sputnik / Алексей Никольский
Өмүрбек Бабанов

Жантөрө Сатыбалдиев өлкөдөгү 17-премьер министр болуп, бул кызматта 2012-жылдын 5-сентябрынан тарта бир жыл жети ай турду. Өкмөт башчылыктан кийин саясий кызматтан көрүнгөн жок. Учурда Бишкек шаарындагы банктардын биринде эмгектенээрин айтты. 62 жашта. 

Парламент Кыргызстана денонсировал соглашение о ЦТП Манас
© Sputnik / Владимир Пирогов
Жантөрө Сатыбалдиев

Жоомарт Оторбаевге Кыргызстандын 18-өкмөт башчысы болуу энчиси туш келет. 2014-жылдын 4-апрелинен тарта эсептегенде бир жыл иштеген соң отставкага кеткен. Учурда эл аралык уюмдар менен кызматташат. 63 жашта. 

Джоомарт Оторбаев проводит селекторное совещание по вопросу подготовки к весенне-полевым работам, 20 марта 2015
© Пресс-служба правительства / Сабыр Аильчиев
Жоомарт Оторбаев

Темир Сариев өлкөнүн 19-премьер-министрлик кызматына 2015-жылдын 1-майында бекип, бирок болгону 11 ай иштеген. 11-апрелде Балыкчы — Корумду жолунун тендери боюнча чыккан жаңжалдын айынан арызын жазып, отставкага кеткен. 2017-жылдагы президенттик шайлоого катышып, 2,57 пайыз добушка ээ болгон. Учурда мамлекеттик кызматта эмес, жеке иштери, бизнеси менен алек. 

Премьер-министр Темир Сариев во время совещания по вопросам безопасности и укрепления государственной границы
© Пресс-служба правительства / Сабыр Аильчиев
Темир Сариев

Кыргызстандын 20-премьер-министри Сооронбай Жээнбеков болуп, бир жыл төрт ай иштеп, андан соң президенттик шайлоого талапкер болгону үчүн кызматын тапшырды. Учурда Кыргызстандын президенти. 60 жашта. 

Премьер-министр КР Сооронбай Жээнбеков на торжественной церемонии вручения благодарственного письма СМИ за освещение II Всемирных игр кочевников в государственной резиденции президента КР
© Пресс-служба правительства / Сабыр Аильчиев
Сооронбай Жээнбеков

Сапар Исаков өлкөнүн 21-өкмөт башчылыгына 2017-жылдын 25-августунда дайындалып, 2018-жылдын 19-апрелинде кызматынан четтетилди. 41 жашта. 

Премьер-министр КР Сапар Исаков во время отчета правительства перед парламентской оппозицией
© Пресс-служба правительства / Сабыр Аильчиев
Сапар Исаков

Мурдагы премьер-министр жана президент Алмазбек Атамбаевдин саясатка кайра кайтары туурасында социалдык медиада кеп жүрүүдө. Мурдагы президенттин өлкөнүн эң жогорку кызматтарынын бирин ээлей тургандыгы канчалык мүмкүн экендигин Sputnik Кыргызстандын редакциясы серепчилерден сурап билди.

2902
Белгилер:
лекция, кызмат, премьер-министр, кызматтан алуу, сот, президент, өкмөт, кылмыш иши, айыл чарба, инвестициялар, Сапар Исаков
Тема боюнча
Президент көпчүлүк коалициядагы фракция лидерлери менен жолукту
Сапар Исаков ЖК төрагасына кат жолдоду
Сооронбай Жээнбеков Сапар Исаковдун өкмөтүн отставкага кетирди
Атамбаев премьер же спикер болобу? Кеп-сөздүн канчалык чындыгы бар