Депутат Исхак Масалиевдин архивдик сүрөтү

Исхак Масалиев КСДП фракциясынын кемчилигин айтып, кине койду

(жаңыланган 21:40 19.04.2018)
Депутат КСДП фракциясы алгач өкмөттүн отчетун жактырып, кийин кайра ага каршы болгонуна таң калганын айтты.

БИШКЕК, 19-апр. — Sputnik. Жогорку Кеңештин депутаты Исхак Масалиев парламенттин бүгүнкү жыйынында отставкага кеткен өкмөттү мурдагы президент башынан бир тал чачын түшүрбөй коргоп келгенин айтты.

Ал ошондой эле Кыргызстандын тарыхында парламент өкмөттү биринчи жолу ишеним көрсөтпөө менен кетирип жатканына токтолду.

Депутат өз сөзүндө бүгүн болгон саясий өзгөрүү маанилүү экенин айтты.

"Бул эмненин белгиси? Биринчиден, жаңы саясий маданияттуулук ишке ашып жатат. Экинчиден, депутаттар азыркы өкмөт башчысына жана анын командасына ишенбейт. Аларды мурунку президент башынан кыл түшүрбөй коргоп келген болчу. Эми ээси кеткенден кийин ички ойлорубуз ачыкка чыкты. Үчүнчүдөн, өкмөттүн ишмердиги биз күткөндөй чыккан жок. Жаш команда деп өткөн жылдын август айында бекиткенбиз. Булар иштен чаң чыгарып, мамлекетти алдыга жылдырат делген. Бирок ал ишенич акталган жок. Киреше бөлүгү аткарылган эмес, чыгаша тармагы да ойдогудай болгон жок. Тышкы карызыбыз 300 миллион долларга, ички каразыбыз 127 миллион долларга көбөйүп кетти", — деди ал.

Масалиев ошондой эле КСДП баш болгон көпчүлүк коалиция аларды колдогонуна бир чети ыраазы болуп, бир жагынан таң калганын айтты.

"Бир жума мурда өкмөттүн отчетуна жакшы баа берип, бүгүн ишеним көрсөтпөөнү колдогону (КСДП — ред.) менин пикиримде жакшы болбой калды. Силер өкмөтүңөрдү коргошуңар керек болчу. Ишеним көрсөтпөө — бул КСДП фракциясына ишеним көрсөтпөө деген сөз. Ошондуктан мен "Кыргызстан" жана "Бир Бол" фракцияларына кайрылат элем, сиздер ансыз деле мурда коалицияда жүрүп бир да кадр масалесин чече алган эмессиңер. Ошондуктан коалициядагы фракциялар чыгып, КСДПны жалгыз оппозицияда калтырып койсок, коомчулукта кичине үмүт пайда болот деген оюм бар", — деди депутат.

Өз кезегинде көпчүлүк коалициянын лидери Иса Өмүркулов Масалиевдин айткан дооматтарына жооп берип, коалициядагы фракция мүчөлөрүнүн ар биринин укуктары бирдей экенине токтолду.

Андан сырткары, өкмөткө эмнеге ишеним көрсөтпөөнү колдогонун түшүндүрдү.

"Баарыбыз көрүп жатабыз го, биз эмес, катардагы жарандар да көрүп жатат. Ар бирибизге "эмне болуп жатасыңар" деп кат келип, телефон чалуулар болуп жатат. Мына ушундай кырдаалда биз депутаттар да принципиалдуу позициябызды көрсөтпөсөк, калыс сөзүбүздү айтпасак болбойт. Биз бүгүнкү күнү эл алдындагы вазийпабызды аткарып жатабыз. Тынччылыкка, ынтымакка чакырып жатабыз. Мына ушундай позицияны карманып, оппозициялык фракциянын сунушун колдодук", — деди ал.

Өмүркулов өкмөттү отставкага көрсөтүү менен көпчүлүк коалиция тарабаганын билдирди.

"Жаңы түзүлө турган коалицияда да, депутаттарда да жоопкерчилик чоң. Кийинки өкмөттү тажрыйбалуу адистерден шайлайлы. Коррупциялык көрүнүшөрдөн алыс бололу. ТЭЦти көрдүк, кошумча нарк салыгы боюнча да көрүп жатабыз. Майыптар боюнча, өзгөчө биринчи топтогу майып балдар 3 миң сом алат. Өкмөт ошолорду караган ата-энелери үчүн 400 миллион таба албай койду. Анан бул өкмөттүн көзүн карап отуралыбы, андыктан биздин чечим туура деп ойлойм", — деди ал.

Эске салсак, Жогорку Кеңеш өкмөткө ишеним көрсөтпөгөндүктөн өлкө президенти Сооронбай Жээнбеков Сапар Исаков баштаган өкмөттү отставкага кетирүү боюнча Жарлыкка кол койгон.

Белгилер:
оппозиция, коалиция, өкмөт, Жогорку Кеңеш, Иса Өмүркулов, Исхак Масалиев
Тема:
Сапар Исаковдун отставкасы (20)
Тема боюнча
Сапар Исаковдун өкмөтүн кетирүүгө кайсы депутат кандай добуш берди. Тизме
Сапар Исаковдун өкмөтүнүн отставкага кетиши. Соцтармак эмне дейт?
Президент көпчүлүк коалициядагы фракция лидерлери менен жолукту
Сапар Исаков ЖК төрагасына кат жолдоду
Аткаминерлер. Архив

КМШ парламенттеринин төрагалары биринчи жолу офлайн жыйын өткөрөт

(жаңыланган 22:44 14.04.2021)
КМШнын Парламенттер аралык ассамблеясынын (ПАА) жазгы сессиясы Таврия сарайында болот. Пленардык жыйынды ПАА кеңешинин башчысы, Россиянын Федералдык жыйынынын Федерация кеңешинин төрайымы Валентина Матвиенко өткөрөт.

БИШКЕК, 14-апр. — Sputnik. КМШ өлкөлөрүнүн парламенттеринин төрагалары пандемия жарыялангандан бери биринчи жолу жолугушат. Жыйын 15-апрелде Санкт-Петербургда өтөт.

КМШнын Парламенттер аралык ассамблеясынын (ПАА) жазгы сессиясы Таврия сарайында болмокчу. Пленардык жыйынды ПАА кеңешинин башчысы, Россиянын Федералдык жыйынынын Федерация кеңешинин төрайымы Валентина Матвиенко өткөрөт.

Катышуучулардын болжолдуу тизмеси:

  • Сагиба Гафарова — Азербайжандын Милли мажлисинин төрайымы;
  • Арарат Мирзоян — Армениянын парламентинин төрагасы;
  • Маулен Ашимбаев — Казакстандын парламентинин сенатынын төрагасы;
  • Талант Мамытов — Кыргызстандын Жогорку Кеңешинин төрагасы;
  • Зинаида Гречаный — Молдованын парламентинин төрайымы;
  • Танзила Нарбаева — Өзбекстандын Олий Мажлисинин төрайымы.

Ал эми видео байланыш менен жыйынга Беларусь менен Тажикстандын парламенттеринин спикерлери кошулат.

Парламент төрагаларынын катышуусундагы конференция "COVID-19 пандемия шартында глобалдык чакырыктар жана коркунучтар. Терроризм жана зомбулук экстремизми" аталышында өтөт.

Жогорку Кеңештин төрагасы Талант Мамытов. Архив
© Пресс-служба президента КР / Султан Досалиев
Ошол эле күнү Кеңештин жыйыны болуп, анда делегация жетекчилери шериктештиктин аймагында өткөн шайлоолорго Парламенттер аралык ассамблеядан катышкан эл аралык байкоочулардын ишин талкуулашат.

16-апрель күнү ПААнын штабында Ассамблеянын 52-пленардык жыйыны өтөт. Анда өзөктүү тема катары пандемия маалында миграциялык процесстерди мыйзам түрүндө көзөмөлдөө талкууланары айтылды. Ошондой эле парламент жетекчилери Ассамблея тарабынан даярдалган КМШга мүчө мамлекеттер үчүн миграциялык кодексти карашат.

Жыйындын жүрүшү Ассамблеянын сайтында www.iacis.ru жана "Вместе-РФ" vmeste-rf.tv. каналынан түз алып көрсөтүлө турганы маалым болду.

Белгилер:
Россия, маселе, жыйын, төрага, КМШ Парламенттер аралык ассамблеясы
Тема боюнча
ЖКнын VI чакырылышына 185 мандат берилди, 65 депутат кайдан келди. Инфографика
УКМК: саясий серепчи Марат Казакпаев мамлекеттик чыккынчылыкка шектелип кармалды
Аткаминер портфель менен. Архив

Салык кызматынын жетекчиси отставкага кетип, ордуна башка келди

(жаңыланган 20:14 14.04.2021)
1-апрелде премьер-министр Улукбек Мариповдун буйругу менен кайра кызматка дайындалган Кабылов отставкага кетти.

БИШКЕК, 14-апр. — Sputnik. Экономика жана финансы министрлигинин алдындагы Мамлекеттик салык кызматынын төрагасы Кабыл Абдалиев кызматынан кетти. Бул тууралуу аталган ведомстводон билдиришти.

Маалыматка караганда, анын ордуна Илияз Иманбетов келди. Ал буга чейин ЕАЭБдин алкагында кыйыр салыктар менен иштеген башкармалыкты жетектеп турган. 

Кабыл Абдалиев 2019-жылдын июль айынан бери ушул кызматты ээлеп келе жаткан. 2021-жылы өкмөттө реформа болуп, Салык кызматы Экономика жана финансы министрлигинин курамына киргендиктен 1-апрелде премьер-министр Улукбек Мариповдун буйругу менен Абдалиев кайра кызматка дайындалган болчу.

Белгилер:
Илияз Иманбетов, Кабыл Абдалиев, отставка, Мамлекеттик салык кызматы
Тема боюнча
Уланбек Асанов Социалдык фонддун төрагасы болуп дайындалды
Бишкек шаардык жана Биринчи май райондук милициясына жаңы жетекчилер дайындалды

Кер мурут жигит Сүймөнкул Чокморов. Улуттук банктын улуу инсан тууралуу видеосу

(жаңыланган 01:10 15.04.2021)
Улуттук банк кыргыз банкноталарына түшүрүлгөн белгилүү инсандар тууралуу видеолорду жарыялоодо. Бул ирет банк легендарлуу актёр, сүрөтчү Сүймөнкул Чокморов тууралуу видеоролик жарыялаган.

Эки мүнөттөн ашык тартылган роликте сүрөтчүнүн жаш кезин көрүүгө болот. Анда Чокморов жана башка студенттер талаада педагогдун жетекчилигинин алдында жылкыны сүрөткө тартып жатышат. Видеонун алдында окуя 1963-жылы Ленинград облусунда болгону жазылган. Чокморов эмгегинде бир гана жылкыны эмес, анын артына тоолорду да тартат. Окутуучу жок тоону эмнеге тартканын сураганда, ал мекенин сагынганын айткан. Бир маалда жылкы үркүп, баланын колунан жулунуп, секире баштайт. Аны көрүп Чокморовдон башкасынын баары чочулайт. Бирок Сүймөнкул Чокморов аттын жанына барып, жылкыны сылап аны чуркатыш керектигин айтат. Бала ага макул болбой койгондо Чокморов "кыргыздар ээр үстүндө чоңойгон калкпыз. Ал эми ат биздин канатыбыз" деп чапкан боюнча жөнөгөн.

Кадр алмашып, Чокморов "Ысык-Көлдүн кызгалдактары" тасмасындагы Карабалтанын образында болуп калат.

Улуттук банк роликтерди Кыргызстандын эгемендүүлүгүнүн 30 жылдыгына карата тартып жатат. Анда улуттук валютага сүрөтү түшүрүлгөн философ Жусуп Баласагын, манасчы Саякбай Каралаев, сүрөтчү, актёр Сүймөнкул Чокморов, акын Алыкул Осмонов тууралуу видеолор көрсөтүлмөкчү.

Роликтерди режиссёр Руслан Акун белгилүү кино ишмерлери Актан Арым Кубат, Эрнест Абдыжапаров, Марат Сарулу жана Баян Сарыгуловдун колдоосу менен тарткан.

Белгилер:
сүрөтчү, актер, видео, Улуттук банк, Сүймөнкул Чокморов
Тема боюнча
Улуттук банк Алыкул Осмонов тууралуу таасирдүү ролик тартты