РФтин Федерация Кеңешинин төрайымы Валентина Матвиенко. Архив

Матвиенко АКШлык парламентарийлер менен диалогго ачык экендиктерин айтты

14
(жаңыланган 12:39 17.05.2018)
Төрайым Россия тараптан америкалык эл өкүлдөрүнүн бир эмес, бир нече жолу чакырылгандыгын айткан.

БИШКЕК, 17-май — Sputnik. АКШ менен чыңалган мамилелерге карабастан биз байланыштын болгон жолдорун ачык калтыруудабыз. Бул туурасында РФтин Федерация Кеңешинин төрайымы Валентина Матвиенко РИА Новости агенттигине маек куруп жатып билдирди.

"Эки тараптын мыйзамчыларынын диалогу үчүн каналдар ачык. Миллиондогон шайлоочулары бар парламентарийлер бири-бирин уга алышат жана эки тараптуу форматта, аны менен катар эле эл аралык парламенттик аянтчаларды иштей алышат. Диалог үчүн колдо болгон мүмкүнчүлүктөрүн пайдалана алышат", — деген Матвиенко.

Төрайым конгресстин жетекчилигинен жана анын комитеттеринен да жооп боло электигин айтты.

"Тилекке каршы, конгресстин жетекчилигинен жана анын комитеттеринен да жооп боло элек. Бирок, биз тараптан диалогдун терезеси ачык кала бермекчи. Россия менен АКШнын жөнгө салынган мамилеси, конструктивдүү өз ара ымаласы дүйнө үчүн кандай маанилүү экендигин билебиз. Андыктан, аны калыбына келтирүү үчүн бардык мүмкүнчүлүктү колдонууга даярбыз", — деген Федерация Кеңешинин спикери.

Алаканы жакшыртуу үчүн формалдуу гана аянтчаларды колдонбостон, башка мүмкүнчүлүктөр караштырылып жаткандыгын белгиледи.

"Күздө, сентябрда Санкт-Петербург шаарында Аялдардын евразиялык форуму болот. Ага америкалык кесиптештерибизди, коомдук ишмерлерди, бизнестин, саясаттын, парламенттин өкүлдөрүн да чакырдык", — деди Матвиенко.

Иш-чара дүйнөлүк масштабда өтүп, ага аялдар элитасы катышмакчы.

14
Тема боюнча
Матвиенко: Европа өлкөлөрү Вашингтондун артынан ээрчигиси келбей калды
Матвиенко: АКШнын Иран менен түзүлгөн өзөктүк келишимден чыгуусу — олуттуу ката
Пикирлер