Жогорку Кеңештин КСДП фракциясынан депутат Осмонбек Артыкбаев. Архив

ТЭЦти оңдоодогу чекиликтер ачыкталып, Осмонбек Артыкбаевге иш козголду

815
(жаңыланган 10:44 06.06.2018)
ТЭЦти оңдоо боюнча түзүлгөн кеишимде Кыргызстандын кызыкчылыгы көздөлгөн эмес. Анализ нарктагы айырмачылык орто эсеп менен 20 миллион долларды түзгөнүн көрсөттү.

БИШКЕК, 5-июн. — Sputnik. Башкы прокуратура Жогорку Кеңештин КСДП фракциясынан депутат Осмонбек Артыкбаевге Кылмыш жаза кодексинин 303-беренеси (Коррупция) боюнча кылмыш ишин козгоду. 

Мурдагы премьер-министр Сапар Исаковдун архивдик сүрөтү
© Пресс-служба правительства / Сабыр Аильчиев
Мекеменин маалыматына ылайык, 2012-2013-жылдар аралыгында “Электр станциялары” ААКсына “Бишкек ТЭЦти модернизациялоо” долбоорун ишке ашыруу үчүн төрт компаниядан сунуш түшкөн. Анын ичинен Кытайдын СМЕС аттуу мамлекеттик компаниясы 356 миллион доллар сумманы көрсөтүү менен алда канча пайдалуу сунуш берген. Ошондой эле алар оңдоо иштерин энергетикалык долбоорлор боюнча эл аралык келишимдин негизинде жүргүзмөй болгон. 

Ал эми кытайлык ТВЕА компаниясы долбоорду 390 миллион долларга жүзөгө ашырууну сунуштаган. Бирок аталган компаниянын мындай иштерди жасоо боюнча тажрыйбасы жок болгону аныкталганын белгилейт башкы көзөмөл органы. 

Ошондой эле Башкы прокуратура 2013-жылдын 24-майында мамлекет башчынын резолюциясы менен Энергетика жана өнөр жай министри Осмонбек Артыкбаевге, президенттик аппараттын тышкы саясат бөлүмүнүн башчысы Сапар Исаковго жана финансы-экономикалык талдоо жана өнүгүүгө мониторинг жүргүзүү бөлүмүнүн жетекчиси Нурсулуу Ахметовага подрядчы катары ТВЕА компаниясын тандоо боюнча кат келген. 

“Аталган жыйында ал ТВЕА ишканасы менен тез арада сунуштаган шарты боюнча келишим түзүүгө аныктама берген. Ошол эле учуда Артыкбаев орун басары Калиев, “Электр станциялары” ААКтын директору Авазов, анын орун басары Назаров менен биргеликте милдеттүү түрдө керектелген техника-экономикалык негиздемесин жана башка техникалык документтерин талап кылган эмес”, — деп жазылат маалыматта. 

Башкы прокуратуранын билдирүүсүнө караганда, мунун натыйжасында 16-июнь күнү милдеттүү техникалык документтери жок туруп ТЭЦке коротулган 386 миллион доллар өлчөмүндөгү каражатка эл аралык "ЕРС" стандарты боюнча келишимге кол коюлган. Анын шартына ылайык, “Электр станциялары” ААК курулушка кеткен чыгымдарды көзөмөлдөө укугунан ажырап калган. 

Башкы көзөмөл органы Эсеп палатасынын 2018-жылдын 12-апрелиндеги актысына таянуу менен жогоруда көрсөтүлгөн келишимде каражаттын колдонулушу туура эмес болгонун белгилейт. 

"ЕРС" формасын кабыл алууда Кыргызстандын кызыкчылыгы корголгон эмес, анткени мында жасалган иштин чыныгы баасын аныктоого болбойт. Анализ нарктагы айырмачылык орто эсеп менен 20 миллион долларды түзгөнүн көрсөттү”, — деп айтылат маалыматта. 

Ошондой эле прокуратура жумшалган каражаттын акталышы жана кайтарылышы боюнча эсептердин жоктугу насыяны кайтарууда маселе жаратып өлкө экономикасына катуу залакасын тийгизерин эскертет. 

Кылмыш иши УКМКнын Тергөө башкармалыгына өткөрүп берилди.

Буга чейин Бишкек ТЭЦтин айланасындагы чуу боюнча мурунку премьер-министр Сапар Исаков, министрдин мурунку орун басары Айбек Калиев жана “Электр станциялары” ишканасынын экс-жетекчиси Салайдин Авазов камалган. 

815
Белгилер:
Осмонбек Артыкбаев, Башкы прокуратура, ТЭЦ, кылмыш иши, келишим
Тема:
ТЭЦ боюнча козголгон кылмыш иштер жана кармалгандар (70)
Тема боюнча
Кубанычбек Кулматов камакка алынды
Сапар Исаков камакка алынды
УКМК козгогон кылмыш ишинде Албек Ибраимов фигурант болууда
Токтогул ГЭСин оңдоого кеткен 21 млн. сом: чуулуу тендер боюнча жаңы фактылар
БШКнын кызматкерлери Бишкектеги шайлоо участкасында

Шайлоонун жыйынтыгы боюнча корко турган эч нерсе жок! Иманкуловдун кайрылуусу

161
(жаңыланган 01:38 29.11.2021)
Республикалык штабдын жетекчиси шайлоочулардын добушу эми кол менен санала турганын айтып, бул процесске катышууга партия мүчөлөрүн чакырган.

БИШКЕК, 29-ноя. — Sputnik. Шайлоонун жыйынтыгы боюнча коркуп-үркө турган эч нерсе жок, аны бурмалаганга жол бербейбиз. Бул тууралуу парламенттик шайлоону өткөрүү боюнча Республикалык штабдын жетекчиси Марат Иманкулов билдирди.

Ал ар бир бюллетенди текшерип чыгууга даяр экенин белгилеген.

"Айрым партиялар шайлоонун жыйынтыгы бурмаланды деп жазып жатышат. Биз ага жол бербейбиз. Мындай саясатты атайын жүргүзгөн жокпуз. Бул ачык шайлоо. Коркуп-үркө турган эч нерсе жок. Партия лидерлери, келгиле, ар бир бюллетенди текшерип чыкканга даярбыз. Шайлоонун акыркы жыйынтыгы кол менен санаганда гана чыгат. АСУнуку (автоматтык эсептөө урнасы) алдын ала жыйынтык. Бүгүн-эртең бардык шарттарды түзүп беребиз, партия мүчөлөрү менен ар бир шайлоо участкасынан чыккан бюллетендерди санап чыгабыз. Баарын кайра текшерип чыкканга даярбыз. Биз шайлоонун жыйынтыгын бурмалаганга жол бербейбиз", — деди Иманкулов.

Белгилей кетсек, кечээ БШКнын сайты эки жолу иштебей калган. Биринчисинде партиялардын алган добуштарын пайыздык көрсөткүч менен эсептей келгенде 100 эмес, 140 пайызга чыгып кеткен. Ошондой эле АСУдан түшкөн добуштарды көрсөтүп жаткан сайт маалымат бербей жабылып калган.

161
Белгилер:
БШК, Марат Иманкулов, шайлоо, жыйынтык, кайрылуу
Тема:
Жогорку Кеңешке жаңы тартип менен болчу шайлоо
Тема боюнча
БШК сайтынан "жоголгон" 14% добуш. Шайлдабекова жооп берди
Жогорку Кеңеш-2021 шайлоосунун алдын ала жыйынтыгы
Аял талапкерлердин арасынан Жогорку Кеңешке кимдер келе жатат? Тизме
БШКнын төрайымы Нуржан Шайлдабекова

БШК сайтынан "жоголгон" 14% добуш. Шайлдабекова жооп берди

276
(жаңыланган 01:33 29.11.2021)
Түнкү саат 12:00 чамасында Боршайкомдун онлайн-режиминде көрсөтүп жаткан сайтында 14 пайыздык добуштардын эсеби чыкпай калган.

БИШКЕК, 29-ноя. — Sputnik. БШКнын төрайымы Нуржан Шайлдабекова добуш берүүнүн жыйынтыгын көрсөткөн сайтта добуштардын 14 пайызынын "жоголуп" кетиши боюнча Sputnik Кыргызстандын суроосуна жооп берди.

Буга чейин Боршайкомдун шайлоонун алдын ала жыйынтыгын онлайн-режиминде берип жаткан сайтында 14 пайыздык добуштардын эсеби чыкпай калган. Саат 23:52ге карата жалпы пайыздык көрсөткүч 100дү эмес, 86,08 пайызды түзүп жаткан.

БШКнын жетекчиси мындай жагдайдын жаралышына жараксыз чыккан бюллетендер себеп болушу мүмкүн экенин айтты.

"Сөзсүз түрдө жараксыз бюллетендерди эсептеп чыгыш керек. Жалпысынан АСУга 1 234 456 бюллетень түштү, бул шайлоочулардын 33 пайызы добуш бергенин түшүндүрөт. Анын ичинен 1 115 645 (90,38 пайызы) бюллетень жарактуу, ал эми 9,62 пайызы жараксыз деп табылды. Ушул сумманы кошкондо 100 пайызга жетет деп ойлойм", — деди Шайлдабекова.

Мындан сырткары, шайлоо тилкелери жабылгандан кийин БШКнын сайты кеминде эки жолу иштебей калды. Биринчисинде, партиялардын алган добуштарын пайыздык көрсөткүч менен эсептей келгенде 100 эмес, 140 пайызга чыгып кеткен. Экинчи учурда АСУдан түшкөн добуштарды көрсөтүп жаткан сайт маалымат бербей жабылып калган.

276
Белгилер:
Нуржан Шайлдабекова, БШК, сайт, көйгөй, маселе, жоголуу, добуш
Тема:
Жогорку Кеңешке жаңы тартип менен болчу шайлоо
Тема боюнча
Кол менен санагыла! Жапаров "добуштар уурдалды" деген партияларга кайрылды
Канча бюллетень жараксыз чыкканы белгилүү болду. Жыйынтыкка таасир этеби?