Жогорку Кеңеште вице-премьер Замирбек Аскаровду кызматтан алуу сунушталды

© Sputnik / Зульфия ТургуноваКандидат в вице-премьеры Замирбек Аскаров
Кандидат в вице-премьеры Замирбек Аскаров - Sputnik Кыргызстан
Жазылуу
Эл өкүлү Карамат Орозова вице-премьер Замирбек Аскаровду кызматтык абалынан пайдаланып жатат деп айыптады.

БИШКЕК, 21-июн. — Sputnik. Жогорку Кеңештин депутаты Карамат Орозова парламенттин бүгүнкү жалпы жыйынында вице-премьер-министр Замирбек Аскаровду кызматтан алууну сунуштады.

Депутаттын айтымында, Аскаров өзүнүн вице-премьерлик милдетин так аткара албай Кыргызстандын элин экиге бөлүп жатат. Анткени ал өзүнүн кызмат абалынан пайдаланып, Кызыл-Кыя цемент заводун Ош облусуна таандык деп өкмөттүн токтомун чыгарттырган.

"Азыр Кызыл-Кыянын аксакалдары бир-эки жумадан бери өкмөт башчыга кире албай жүрүшөт. Негизи Баткенге облус деген макам 1999-жылы берилген. Облус Өзбекстан жана Тажикстан менен чектешет. Андыктан бул аймакты өнүктүрүү керек. Кызыл-Кыя цемент заводу Баткен облусун көтөрүү үчүн курулган. Эми вице-премьер Замирбек Аскаров премьер Абылгазиевге туура эмес маалымат берип, токтом чыгарттырганы элди дүрбөлөңгө салып жатат", — деди ал.

Кол кишенчен адам. Архив - Sputnik Кыргызстан
Матраимов, Жээнбеков жана коррупцияга каршы күрөш... Серепчилердин пикири
Эл өкүлү Карамат Орозова өкмөттүн жаңы курамы бекитилип жатканда Аскаровдун иш тажрыйбасы аз экенине карабай аны колдоп беришкенин, бирок өзүнүн ишин так билбеген жетекчилерди өкмөттө кармап отуруунун кажети жоктугун, аны кызматтан алууну сунуштады.

Белгилей кетсек, Замирбек Аскаров вице-премьерликке келгенге чейин Ош шаарынын биринчи вице-мэри болуп иштеген.

Жаңылыктар түрмөгү
0