Албек Ибраимовдун архивдик сүрөтү

Премьер-министр Албек Ибраимовду мэрликтен кетирүү буйругуна кол койду

135
(жаңыланган 18:47 20.07.2018)
Албек Ибраимовго шаардык кеңештин депутаттары ишеним көрсөтпөй ээлеген кызматынан кеткен.

БИШКЕК, 19-июл. — Sputnik. Бишкек шаардык кеңеши тарабынан ишеним көрсөтүлбөгөнү тууралуу чечимге байланыштуу Албек Ибраимов мэрлик кызматынан бошотулду. Бул туурасында өкмөттүн маалымат кызматынан билдиришти.

Тиешелүү буйрукка премьер-министр Мухаммедкалый Абылгазиев кол койду.

Эскертке кетсек, Улуттук коопсуздук мамлекеттик комитети мурдагы калаа башчыны бүгүн, 19-июлда кармады. Атайын кызматтын билдиришинче, Ибраимов тергөөчүгө курал колдоно турганын айтып коркуткан.

135
Белгилер:
кармоо, кызмат, мэр, Албек Ибраимов
Тема:
Албек Ибраимовго козголгон кылмыш иши (18)
Тема боюнча
УКМК: Албек Ибраимов кармалды
Алмазбек Атамбаев Албек Ибраимовдун камалышы боюнча үн катты
Ибраимов шаардыктарга берген убадасын аткардыбы?
Беларуссия полиция кызматкерлери Минск шаарында бир адамды кармап жатат

Минскидеги шайлоодон кийинки башаламандык. Жабыркагандар бар. Видео

187
(жаңыланган 04:11 10.08.2020)
Жекшемби күнү Белоруссияда президенттик шайлоо өткөн. Ага беш талапкер, анын ичинде азыркы президент катышкан.

БИШКЕК, 10-авг. – Sputnik. Белоруссиянын борборундагы "Минск – баатыр шаар" стеласынын жанындагы Минскидеги акциянын катышуучуларын кууп таратууда кулак тундуруучу гранаталар колдонулду. Бул тууралуу Sputnik кабарчысы жеринен билдирди.

"Ал жерде жарадар болгон адамдарды көрүүгө болот, алардын жараатын таңып жардам берип жаткандар да бар. Ондогон адамдардын кармалгандыгы айтылууда", - деп жазылган маалыматта.

Эске салсак, бүгүн Белоруссияда мамлекет башчыны тандашкан. Борбордук шайлоо комиссиясы президенттик шайлоо өттү деп түшкө чейин эле тааныган. Алардын маалыматында, жергиликтүү убакыт боюнча 12:00гө карата шайлоочулардын 54 пайызы болочоктогу мамлекет башчыга добуш берген.

Белоруссия: президенттик шайлоодо Лукашенко алдыда. Exit poll, БШКнын жыйынтыгы

Ал эми БШК кечке жуук Лукашенко добуштардын 82 пайызын алгандыгын билдирген.

Андан көп өтпөй Минск жана Витебск шаарында тартип коргоо кызматкерлери президенттик шайлоодон кийин нааразылык акциясына чыккан адамдарды кармап, автобустарга сала баштагандыгы айтылган.

187
Белгилер:
нааразычылык акциясы, президенттик шайлоо, Белоруссия
Тема боюнча
Капа болом. Лукашенко кайрадан президенттик шайлоого катышат
Белоруссиянын Президенти Александр Лукашенко Минск шаарындагы шайлоо участогунда добуш берип турат

Белоруссия: президенттик шайлоодо Лукашенко алдыда. Exit poll, БШКнын жыйынтыгы

247
(жаңыланган 00:16 10.08.2020)
Президент аталган өлкөдө беш жылдык мөөнөткө шайланат. Бул сапар эң көп добуш алган адам 2025-жылга чейин Белоруссияны башкарып турмакчы.

БИШКЕК, 9-авг. — Sputnik. Белоруссияда өткөн президенттик шайлоодо Александр Лукашенко добуштардын 82 пайызын алды. Бул туурасында БШКнын төрайымы Лидия Ермошинага шилтеме кылып Sputnik Ближнее зарубежье кабарлады.

"БШКнын алгачкы маалыматына ылайык, Лукашенко беш аймакта биринчи келе жатат, добуштардын саны 82 пайызды көрсөттү. Тихановскаяныкы 5 пайызга жакын", — деп айтылат билдирүүдө.

Эске салсак, бүгүн Белоруссияда мамлекет башчыны тандашты.  Борбордук шайлоо комиссиясы  президенттик шайлоо өттү деп түшкө чейин эле тааныды. Алардын маалыматында, жергиликтүү убакыт боюнча 12:00гө карата шайлоочулардын 54 пайызы болочоктогу мамлекет башчыга добуш берген.

Социалдык иликтөөлөрдү жүргүзгөн Жаштар лабораториясы добуш бергендер арасында сурамжылоо жүргүзгөн. Exit poll 320 тилкеде 12 миң адамды камтыгандыгын Sputnik Беларусь жазды.

Ал эми exit poll жыйынтыгы бир аз айырмаланат: 

  • Александр Лукашенко — 79,7 пайыз
  • Светлана Тихановская - 6,8 пайыз;
  • Анна Канопацкая - 2,3 пайыз;
  • Андрей Дмитриев - 1,1 пайыз;
  • Сергей Черечень - 0,9 пайыз.

Exit poll берген маалымат боюнча, шайлоочулардын 9,2 пайызы баарына каршы добуш берген.

БШКдан Белоруссиядагы президенттик шайлоонун акыркы жыйынтыгы жума күнү чыга тургандыгын айтышты.

Президент аталган өлкөдө 5 жылдык мөөнөткө шайланат. Бул сапар өлкө жетекчиси болгон адам 2025-жылга чейин бийлик башында турмакчы. Бул эгемендүүлүк алгандан тарта Белоруссияда өткөн президенттик алтынчы шайлоо. 

Капа болом. Лукашенко кайрадан президенттик шайлоого катышат

Бүгүн талапкерлердин ичинен эң көп добуш алган Лукашенко Белоруссияны 26 жылдан бери башкарып келет.

247
Белгилер:
добуш берүү, президенттик шайлоо, Александр Лукашенко, Белоруссия
Тема боюнча
Бүгүн Белоруссияда президенттик шайлоо болуп жатат
Парламенттик шайлоого катышууну каалаган партиялардын кожоюндары кимдер? Тизме
Минск шаарындагы нааразычылык акциясынын катышуучулары

Минскиде президенттик шайлоодон кийин митингге чыккандар тарады

0
(жаңыланган 10:12 10.08.2020)
9-август күнү Белоруссияда президенттик шайлоо болуп, ал аяктаары менен нааразычылык акциясы башталган. Шайлоонун алдын ала жыйынтыгына нааразы болгондор шаардын борборун көздөй агылган.

БИШКЕК, 10-авг. — Sputnik. Минск шаарында митингге чыккандардын басымдуу бөлүгү тарап кетти. Бул туралуу РИА Новости жазды.

"Борбордук көчөлөрдө нааразычылык акциясына чыккандар байкалбайт. Акырындык менен автоунаа кыймылы калыбына келип, эл күнүмдүк жашоосун улантууда", — деп айтылат кабарда.

Күч органдары митинг учурунда көчөлөргө койгон тосмолорду алып салды. Бирок айрым жерлерде полиция автоунаа менен кыдырып карап жүргөнүн көрүүгө болот.

Минск: ОМОН жоокерлери менен митингчилердин кагылышкан учуру. Видео

Эске салсак, кечээ, 9-август күнү, Белоруссияда президенттик шайлоо болуп, ал аяктаары менен нааразычылык акциясы башталган. Шайлоонун алдын ала жыйынтыгына нааразы болгон жүздөгөн адам Минск шаарынын борборун көздөй агылган. Аларга ОМОН отрядынын жоокерлери каршы турган.

Митингге чыккандарды таратуу үчүн милиция көздөн жаш чыгаруучу газ жана кулак тундуруучу гранаталарды колдонгон.

Кечээ кечинде Борбордук шайлоо комиссиясы президенттик шайлоонун алдын ала жыйынтыгын чыгарган. Азыркы мамлекет башчы Александр Лукашенко эл добушунун 82 пайызын алгандыгы айтылган.

0
Белгилер:
Александр Лукашенко, абал, шайлоо, митинг, Белоруссия
Тема боюнча
БШК: Белоруссияда президенттик шайлоо өттү, 54 пайыз шайлоочу добуш берди
Белоруссия: президенттик шайлоодо Лукашенко алдыда. Exit poll, БШКнын жыйынтыгы
Президенттик шайлоодон соң Минскидеги акциянын катышуучуларын кууп таратуу. Баяндама