Кыргызстандын мурдагы премьер-министри Сапар Исаковдун архивдик сүрөтү

Сапар Исаковдун абактагы мөөнөтү узартылды

527
(жаңыланган 13:01 01.08.2018)
Исаков "Коррупция" беренеси боюнча айыпталууда.

БИШКЕК, 31-июл. — Sputnik. Бишкек шаарынын Биринчи Май райондук соту мурдагы премьер-министр Сапар Исаковдун абактагы мөөнөтү боюнча баш коргоо чарасын карап, аны 5-октябрга чейин узартуу чечимин чыгарды.

Адвокат Замир Жоошевдин айтымында, тергөө амалдары 13-октябрга чейин созулат. Жактоочу беш күндүн ичинде райондук соттун чечимине каршы шаардык сотко доо арыз менен кайрыларын кошумчалады. 

Буга чейин Жогорку сот Исаковду 5-августка чейин камакта калтыруу чечими кабыл алынганын маалымдаган.

Биринчи Май райондук сотунун имаратынын алдына мурдагы премьердин 30дай жактоочусу келди. Алардын ичинде Исаковдун апасы Нургүл Өмүрбаева, жубайы Малика Исакова да бар. Андан сырткары, Исаковдун мурдагы кеңешчиси Гүлнур Төралиева жана маалымат катчысы Урмат Кабылова да жүрдү.

Сапар Исаков Кылмыш жаза кодексинин "Коррупция" беренеси боюнча айыпталууда.

Улуттук коопсуздук мамлекеттик комитеттин тараткан расмий билдирүүсүнө ылайык, Сапар Исаков 2013-жылы президенттин аппарат жетекчисинин орун басары рангындагы тышкы саясат бөлүмүнүн жетекчиси кызматында турган кезде "Бишкек ЖЭБин модернизациялоо" долбоорун ишке ашырууда өзүнүн саясий абалынан пайдаланган. Ал адамдардын бир тобу менен алдын ала белгиленген иш аракеттер аркылуу подрядчыны тандоо сынагында чет элдик компаниянын кызыкчылыктарын колдогон. Натыйжада мамлекеттик жана коомдук кызыкчылыктарга зыян келтирилген.

527
Белгилер:
Биринчи Май райондук соту, Сапар Исаков, Бишкек
Тема:
Сапар Исаковдун камалышы (40)
Тема боюнча
Колуна кишен салынган Сапар Исаковду сот залына алып киришти. Видео
Жогорку сот: Сапар Исаков 5-августка дейре камакта болот
Жогорку Кеңештин имараты. Архивдик сүрөт

ЖК депутаттыгына талапкер кандай критерийлерге жооп бериши керек. Тизме

268
(жаңыланган 18:29 14.08.2020)
Шайлоого катышуу үчүн талапкерлердин тизмесин берүүгө бир аптадан азыраак убакыт калды. Канча жаштан тарта шайлоого катышса болот, мурда соттолгондор эмне кылат? Ушул жана башка суроолорго жооп издедик.

20-августта шайлоого катышууну каалаган партиялар тизмесин аныктап, кийинки төрт күндүн ичинде БШКга тапшыруусу зарыл.

Sputnik редакциясы мыйзамга көз жүгүртүп, талапкерлерге жана партияларга кандай талаптар болорун эске салды.

Парламенттик шайлоонун үгүт иштерине ырчы-чоорчулар катыша албайт. Себеби

Депутаттыкка талапкер:

  • шайлоо күнү талапкер жок дегенде 21 жашка толгон болушу керек;
  • КР жараны болушу зарыл;
  • башка өлкөнүн жараны талапкер боло албайт;
  • бир киши бир гана партиянын тизмесине киргизилет;
  • соттун чечими менен акылынан ажыраган, ойлонууга жөндөмсүз деп табылган жарандар жана кылмыш жоопкерчилигин өтөп жаткан адамдар шайлоого катыша албайт;
  • мурда соттолгон болсо, жаза мөөнөтүн өтөп бүтүшү зарыл.

Тизмеге карата талаптар:

  • талапкерлердин жалпы саны 75тен көп, 200дөн аз болушу керек;
  • бир жыныстагы талапкерлер 70 пайыздан көп болбошу керек, мында саясий партиялардан көрсөтүлгөн аял жана эркек талапкерлердин тизмесиндеги кезектешүү айырмасы үч позициядан ашпоосу зарыл;
  • 35 жаштан ашпаган талапкерлердин 15 пайыздан кем болбоосу, мында алардын ичинен кеминде 5 талапкер алгачкы 65 талапкердин тизмесине киргизилиши керек;
  • ар кандай этносторго таандык талапкерлердин 15 пайыздан кем болбоосу, мында алардын ичинен кеминде 5 талапкер алгачкы 65 талапкердин тизмесине киргизилиши шарт;
  • кеминде 2 талапкер ден соолугу жагынан мүмкүнчүлүгү чектелген адамдардан болуусу, мында булардын бири биринчи 50 талапкердин тизмесине киргизилиши керек.

Эске салсак, тизмени БШК карап чыгып, аны кабыл алууга же баш тартууга укуктуу.

Парламенттик шайлоого катышууну каалаган партиялардын кожоюндары кимдер? Тизме

Талапкерлиги коюлгандан баштап шайлоонун жыйынтыгы чыккыча жаран төмөндөгү учурларда ишмердүүлүгүн токтотуусу зарыл:

  • мамлекеттик кызматкер (ЖК депутаты же президент болбосо);
  • муниципалдык кызматкер (жергиликтүү кеңештин депутаты болбосо);
  • мамлекеттик, муниципалдык мекеменин же мамлекеттин үлүшү 30 пайыздан жогору мекеменин жетекчиси;
  • ЖМК кызматкери;
  • бир партия 65тен көп мандат ала албайт.

Жогорку Кеңешке шайлоо 4-октябрь күнү өтөт. Ага катышуу ниетин 44 партия билдирген, бирок бир нечеси эмитен эле өз ыктыяры менен баш тартууда.

268
Белгилер:
мыйзам, талапкер, парламент, шайлоо, Кыргызстан
Тема:
Шайлоо-2020
Тема боюнча
Шайлдабекова: үгүт иштеринде концерт, спорттук оюндарды өткөрүүгө тыюу салынат
Добуш сатып алууга каршы күрөш. Жээнбеков мыйзамга кол койду
Сахнадагы адам. Архив

Парламенттик шайлоонун үгүт иштерине ырчы-чоорчулар катыша албайт. Себеби

444
(жаңыланган 17:12 14.08.2020)
Бир катар талаптар КРдеги айрым мыйзамдарга өзгөртүүлөр киргизилгенден кийин кабыл алынган. Ага ылайык, талапкерлер концерт, спорттук иш-чараларды уюштура албайт.

БИШКЕК, 14-авг. — Sputnik. Күздөгү шайлоодогу үгүт иштерине ырчылар катыша албайт. Бул тууралуу БШКнын маалымат кызматынан кабарлашты.

Билдирүүгө ылайык, бир катар мыйзамдарга өзгөртүүлөр киргизилгендиктен, үгүт иштеринде концерт, спорттук иш-чараларды уюштурууга тыюу салынган.

Парламенттик шайлоого катышууну каалаган партиялардын кожоюндары кимдер? Тизме

"Шайлоо алдындагы үгүт иштери маалында коомдук иш-чараларды өткөрүүдө көчөдө, стадиондордо концерт, театралдаштырылган оюн-зоок, спорттук мелдештерди өткөрүүгө тыюу салынат. Мындай талаптар "Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө" конституциялык мыйзамындагы өзгөртүүлөрдө киргизген. Андыктан ырчылар шайлоо процессине жаран катары эле катышат, үгүт ишине катыша албайт", — деп БШКдан маалымдашты.

Добуш сатып алууга каршы күрөш. Жээнбеков мыйзамга кол койду

Борбордук шайлоо комиссиясынан талапкерлердин үгүт иштерине теледен берилүүчү акысыз убактысы узартылгандыгын кошумчалады.

Буга чейин бир катар маданият кызматкерлери депутаттыкка талапкерлердин үгүт ишине катышпай турганын билдирип чыгышкан.

Кыргызстанда парламенттик шайлоо үстүбүздөгү жылдын 4-октябрында өтүп, эл Жогорку Кеңештин VII чакырылышынын депутаттарын тандайт.

444
Белгилер:
үгүт иштери, үгүт, шайлоо, Кыргызстан
Тема:
Шайлоо-2020
Тема боюнча
Шайлдабекова: үгүт иштеринде концерт, спорттук оюндарды өткөрүүгө тыюу салынат
Шайлдабекова: шайлоо өткөрүүгө санитардык каражаттар колдоо катары келет
Медиктер бейтапты ташууда. Архивдик сүрөт

Коронавирус дагы эки адамдын өмүрүн алды

0
(жаңыланган 11:37 15.08.2020)
Илдетке кабылып, абалы оорлошкондордун басымдуу бөлүгү дарыланган "Семетей" обсервациясы кечээ жабылды.

БИШКЕК, 15-авг. — Sputnik. Коронавирус дагы эки бейтаптын өмүрүн алганын Республикадык штаб кабарлады.

Ага ылайык, жугуштуу оорудан көз жумгандар Ош шаары менен Нарын облусунда катталган.

Жалпысынан коронавирустан көз жумган кыргызстандыктардын саны 1 493кө жетти.

0
Белгилер:
стационар, өлүм, Кыргызстан, коронавирус
Тема:
Кыргызстандагы коронавирус жуктуруп алгандар
Тема боюнча
Бүгүн COVID-19га кабылган 272 адам аныкталды
Кечээтен бери өлкөдө коронавирустан 329 адам сакайды