Жээнбеков: эки тараптуу мамиледеги тарыхый окуяга күбө болдук

© Пресс-служба президента КР / Султан ДосалиевГосударственный визит президента Сооронбая Жээнбекова в Ашхабад
Государственный визит президента Сооронбая Жээнбекова в Ашхабад - Sputnik Кыргызстан
Жазылуу
Өлкө башчы түркмөн президентин Кыргызстанга келип кетүүгө чакырды.

АШХАБАД, 23-авг. — Sputnik. Кыргызстан менен Түркмөнстандын президенттери Сооронбай Жээнбеков жана Гурбангулы Бердимухаммедов тар, кеңири чөйрөдө жолугушуп, стратегиялык өнөктөштүктү, достукту бекемдөө тууралуу декларацияга кол койгондон кийин журналисттерге жолугушуулар кандай өткөнү тууралуу маалымат беришти.

Түркмөн президенти бул жолугушууну эки элдин достугун, ынтымагын чыңдоодо тарыхый мааниси бар экенин айтты.

"Бул сапардын алкагында биз эки тараптуу, аймактык жана эл аралык маселелерди талкууладык. Кыргызстандын президенти бул маселелерди түшүнүү менен кабыл алып, колдой турганын билдирди. Ошондой эле сиздердин Түркмөнстандын тышкы саясаттагы багытын сыйлаганыңыздарга ыраазыбыз. Кыргызстандын мындай позициясын жогору баалайм. Бул өз кезегинде Түркмөнстандын эки тараптуу кызматташтыкты чыңдоого болгон оюн бекемдеп турат", — деди ал.

Бердимухамедов ошондой эле аймактагы терроризм, экстремизм жана радикализм менен күрөшүү улана берерин белгиледи. Андан сырткары энергетика, коммуникация, транспорт, суу-энергетика маселелери жаатындагы кызматташуу жогорку деңгээлге чыкканын айтып, Түркмөнстан "Чыгыш — Батыш" транспорт магистралын куруу жаатында иштер уланта берерине токтолду.

Государственный визит президента Сооронбая Жээнбекова в Ашхабад - Sputnik Кыргызстан
Бишкек Ашхабад менен бир тууган болду. Түркмөнстанда кол коюлган 11 документ
Өз кезегинде КР президенти Сооронбай Жээнбеков Түркмөнстанга биринчи жолу мамлекеттик сапар менен келип жатканын билдирип, бүгүнкү жолугушууда кызматташуунун кийинки багыттары аныкталганын айтты.

"Биз Кыргызстан менен Түркмөнстандын ортосунда стратегиялык өнөктөштүк жөнүндө декларацияга кол койдук. Бул эки тараптуу мамиледеги тарыхый окуя жана эки мамлекеттин достугунда жаңы барактарды ачат", — деди Жээнбеков.

Жээнбеков жолугушуу конструктивдүү өткөнүн белгиледи.

"Бүгүнкү жолугушуу кыргыз-түркмөн байланышын чыңдоону бардык тараптан өнүктүрүүгө болгон жалпы дилгирликти тастыктады. Биз бардык багыттар боюнча — саясий, соода-экономикалык жана маданий-гуманитардык байланыштарды жаңы деңгээлге чыгарууну көздөйбүз", — деди Жээнбеков.

Ал ошондой эле Бердымухамедовду өзүнө ыңгайлуу учурда Кыргызстанга мамлекеттик сапар менен келип кетүүгө чакырды.

Жаңылыктар түрмөгү
0