Сапар Исаков "Сапатты" негиздегендердин курамындабы? Министрдин жообу
(жаңыланган 16:05 15.09.2018)
Министр билим берүү мекемесинин негиздөөчүсү деп үч адамдын атын атады.БИШКЕК, 14-сен. — Sputnik. "Сапат" билим берүү мекемесинин негиздөөчүлөрүнүн катарында мурдагы премьер-министр Сапар Исаков жок. Бул тууралуу Билим берүү жана илим министри Гүлмира Кудайбердиева Бишкекте өткөн маалымат жыйын учурунда билдирди.
Министрге журналисттердин бири "Сапат" билим берүү мекемесин негиздегендердин катарында Сапар Исаков да бар экени тууралуу кептер тарап жатканын айтып, мунун канчалык чындыгы бар экенин сураган.
"Негиздөөчүлөрдүн аты-жөнүн айта кетейин. Алар: Инанды Орхан, Майрамбек Жумалиев, Жолдошали Көчкөнбаев жана Билим берүү министрлиги. Бул үч адам тең Кыргызстандын жарандары. Ал эми Сапар Исаков алардын арасында жок", — деди Кудайбердиева.
Түркиянын президенти Режеп Тайип Эрдоган сентябрдын башында Кыргызстанга расмий иш сапары менен келип, дин аалымы Фетхуллах Гүленге таандык делген билим берүү мекемелерин жабуу маселесин көтөргөн. Өз кезегинде президент Сооронбай Жээнбеков Кыргызстандагы "Сапат" билим берүү мекемелеринин ишмердиги мамлекеттин тыкыр көзөмөлүндө экенин айтып, анын уюштуруучулар курамына КРдин Билим берүү жана илим министрлиги киргенин белгилеген.
2016-жылы Алмазбек Атамбаев президент болуп турган учурда Түркия Фетхуллах Гюлендин уюмуна караштуу мектептерди жабууну айтып, бирок кыргыз бийлиги андан баш тарткан.
Садыр Жапаров Сауд Аравия падышасын Кыргызстанга чакырды
(жаңыланган 21:01 14.06.2021)
Мамлекет башчы падышаны эки тараптуу кызматташууну жаңы деңгээлге көтөрүү жана достук мамилелерди чыңдоо максатында чакырган.БИШКЕК, 14-июн. — Sputnik. Президент Садыр Жапаров Сауд Аравия падышасы Салман бин Абдель Азиз Аль Сауд менен телефон аркылуу сүйлөштү. Бул тууралуу мамлекет башчынын маалымат кызматы билдирди.
Сүйлөшүүнүн жүрүшүндө кыргыз-сауд эки тараптуу кызматташуусунун актуалдуу маселелери жана аны өнүктүрүү келечеги, ошондой эле соода-экономикалык жана инвестициялык байланыштар талкууланды.
“Президент Сауд Аравиясы менен эки өлкөнүн бир тууган элинин кызыкчылыгындагы өз ара колдоо жана ишенимдин негизинде ар тараптуу кызматташууну мындан ары да өнүктүрүүгө даяр экендигин айтты. Аны менен катар Кыргызстанга оор мезгилдерде ар дайым көмөктөшүп келгендигин баса белгиледи. Эки тараптуу кызматташууну жаңы деңгээлге көтөрүү жана достук мамилелерди чыңдоо максатында Сауд Аравия падышасын Кыргызстанга расмий сапар менен келип кетүүгө чакырды”, — деп жазылат маалыматта.
Өз кезегинде Салман бин Абдель Азиз Аль Сауд чакырууга ыраазычылык билдирип, эки тараптуу алакалар жигердүү өнүгүп жатканын канааттануу менен белгилегени айтылат.
БШК төрайымы Ошко барып эреже бузуу боюнча шаар бийлигине эскертүү берди
(жаңыланган 15:14 14.06.2021)
Мурунку шайлоодо Ош шаарынан БШКга 89 арыз түшкөн, анын ичинен тогузу добуш сатып алуу боюнча даттанган.БИШКЕК, 14-июн. — Sputnik. БШКнын төрайымы Нуржан Шайлдабекова Ошко барып, шаардык кеңешке депутаттарды шайлоого даярдык көрүү жана өткөрүү боюнча штабдын жыйынына катышты.
БШКнын төрайымы Нуржан Шайлдабекова Ошко барып, шаардык кеңешке депутаттарды шайлоого даярдык көрүү жана өткөрүү боюнча штабдын жыйынына катышты© Фото / пресс-служба мэрии города Ош
Отурумга калаа мэри Таалайбек Сарыбашов, шаардык кызматтардын, ведомство жана ишканалардын жетекчилери чогулган© Фото / пресс-служба мэрии города Ош
Анда БШКнын башчысы 11-апрелде өткөн шайлоодогу мыйзам бузуулар тууралуу айтып берген.© Фото / пресс-служба мэрии города Ош
©
Фото / пресс-служба мэрии города Ош
Отурумга калаа мэри Таалайбек Сарыбашов, шаардык кызматтардын, ведомство жана ишканалардын жетекчилери чогулган.
Анда БШКнын башчысы 11-апрелде өткөн шайлоодогу мыйзам бузуулар тууралуу айтып берген.
"Ош шаарынан БШКга жалпысынан 89 арыз түштү, анын ичинен тогузу добуш сатып алуу боюнча даттанган. Бул мурунку шайлоолорго салыштырмалуу алда канча аз", — деди Шайлдабекова.
©
Sputnik / Жоомарт Ураимов
Ал эми мэр "резина" батирлер маселесин көтөрүп, жарандардын бир эле дарекке массалык түрдө каттоого турушуна бөгөт коюу боюнча катуу тапшырма бергени айтылат.
Эске салсак, буга чейин БШК 11-апрелде өткөн Токмок, Ош жана Бишкек шаардык кеңештерине шайлоонун жыйынтыгын жокко чыгарган. Буга массалык мыйзам бузуулар себеп болгон.
Кайра шайлоо 11-июлга белгиленди.
Шейшембиге карата аба ырайы
БИШКЕК, 14-июн. — Sputnik. Шейшембиде күндүз кээ бир райондордо күн күркүрөп, жамгыр жаашы күтүлөт. Бул тууралуу Кыргызгидромет билдирди.
Абанын температурасы Чүй облусунда +26…+31, Талас өрөөнүндө +25…+30, Ош, Жалал-Абад, Баткен облустарында +29…+34, Ысык-Көл аймагында +21…+26, Нарында +18…+23 градуска жогорулайт.
Күндүн табы Бишкекте +29…+31, Ош шаарында +32…+34 градуска жетет.
Белгилер:
- Тема боюнча
- Жамгыр жаайбы? Бир жумага карата аба ырайы