Эл өкүлү прокуратурадан Өмүрбек Бабановдун ишин тездетүүнү суранды

© Sputnik / Табылды КадырбековЖогорку Кеңештин экс-депутаты Өмүрбек Бабановдун архивдик сүрөтү
Жогорку Кеңештин экс-депутаты Өмүрбек Бабановдун архивдик сүрөтү - Sputnik Кыргызстан
Жазылуу
Бабанов кылмыш жаза кодексинин бир нече беренеси менен айыпталууда.

БИШКЕК, 19-сен. — Sputnik. Жогорку Кеңештин депутаты Таабалды Тиллаев башкы прокурордун орун басары Нурлан Дүйшөмбиевден мурдагы кесиптеши Өмүрбек Бабановдун ишин тездетип, акты ак деп текшерип берүүсүн сурады.

Учурда депутаттар Белиз мамлекетинен келди деген документтер боюнча УКМК менен Башкы прокуратуранын маалыматтарын угуп жатат.

Тиллаев Бабановдун маселесине анын тарапташтары тынчсызданып жатканын айтты.

"Бир жылдан ашып калды, эми ал киши (Өмүрбек Бабанов — автор.) саясаттан кетти. Учурунда саясат дейбизби же башка нерсе болуп кеттиби айтор ушундай болуп калды. Бабановдун ишин акыйкат карап берсеңер. Сиздер дагы талдап чыксаңыздар керек", — деди Тиллаев.

Ал ошондой эле экс-депутаттын тажрыйбасы мамлекетке керек экенин кошумчалады.

Депутат и кандидат в президенты Омурбек Бабанов - Sputnik Кыргызстан
Башкарманын баласы Өмүрбек Бабанов тууралуу 9 факты
Нурлан Дүйшөмбиев парламенттин бүгүнкү жыйынына Белизден келген документтер боюнча келгендиктен бул маселе боюнча Тиллаевдин өзүнө кат түрүндө жооп бере турганын айтты.

Белгилей кетсек, Башкы прокуратура депутат Өмүрбек Бабановго карата Конституциялык түзүлүштү күчкө салып өзгөртүүгө чакырык жасады жана Улуттук (этностор аралык), расалык, диний же регион аралык кастыкты козутту деген кине менен 2017-жылы 4-ноябрда кылмыш ишин козгогон. Кылмыш иши козголгон учурда ал өлкөдө болгон эмес. Кийин Жогорку Кеңештеги "Республика — Ата-Журт" фракциясынын лидерлигин өткөрүп берип, саясаттан эмнеге кеткенин түшүндүрүп берген.

Жаңылыктар түрмөгү
0